غير مستوفي الشروط ولم يتم فتح البرنامج

[aiko]

ماسار شي جديد معاكي ..؟ يارب تفرحي وتفرحينا معاكي قرريب

خلاص انا فقدت الامل في الماستر هادي السنه

اليوم من الصباح اتصل عالارقام مايردوا روحت اتصلت عالرقم اللي كتبوه في نفس المعامله وقالوا

لاخويا راجع على نفس الرقم اتصلت قلي الهاتف مقطوع من الخدمة موقتا xd وربي ضحكت ضحك مو طبيعي

الموهم روحت اتصلت عالعميد الله يسعدو رد عالطول وحكيت لو المشكله قلي الخطا منك شكلك رسلتي في اخر يوم

قلت لا انتوا رصدتوا الدرجات الاحد وانا رسلت طلبي الاحد حتى الرد جاني الاتنين الساعه 9 الصباح

وروحت الجامعه في نفس اليوم مادخلوني قلي الله يهديكي مايحتاج تروحي الجامعه كل حاجه الكترونية

وقلت اخويا راح الجامعه الاربعاء وحكى لهم المشكله واعطوه ورقه يراجع بيها بعد اسبوع قلت لو اديك رقم المعامله تشوف ايش صار فيها قلي كيف يقولوا اسبوع

التسجيل انتهى الربوع مفروض في نفس اليوم اما بعد اسبوع الملفات تكون اترسلت للكليات

قلي ليش ماتصلتي عليا قلت اتصلت على الارقام التلاته حقت القبول ماردوا عليا قلي ايوا الصراحه

اخر اسبوعين ماكانوا يردوا على احد مشغولين

قلت كمان رسلت ايميلين للجامعه ماردوا عليا قلت والله حاولت بكل الطرق قلي دحين ماقدر اعملك حاجه

خلاص الملفات اترسلت للكليات :(

صراحه د / محمد كان قمه في الاحترام الله يسعدو

بس شكلو الماستر مو من نصيبي هادي السنه

ان شاءلله احاول السنه الجايه ^_^

اكيد خير من ربنا

اهم حاجه انتوا بشروني بالقبول النهائي

[نسائم الدعوة]

المشاركة الأصلية كتبت بواسطة aiko هلا نسائم ربي يسعدك اخويا راح لقسم الرجال الاربعاء عشان الاربعاء كان اخر يوم لانو قسم البنات مادخلوني الموهم راح للعميد مالقاه فحكى كل الموضوع للسكرتير قالو اكتب خطاب للعميد بالمشكله وانهم مافتحوا التعديل اساسا ليها وراجعنا بعد اسبوع فلسه حيروح ان شاءلله بكرا تسلمي ياقلبي على سؤالك انتي بشريني شو وضعك

الله يسهل أمرك هذا أكيد خير لك
أنا والله تعقدت أموري وأوراقي الجامعة يماطلون فيها وكل مايتيسر أمر يتعقد أمر ثاني بس الحمدلله في الأخير بفضل الله جاني مستوفي الشروط

[أبو الهش]

اقترح عليك تروحين الجامعه تشوفين ايش المسكله

[aiko]

الله يسهل أمرك هذا أكيد خير لك أنا والله تعقدت أموري وأوراقي الجامعة يماطلون فيها وكل مايتيسر أمر يتعقد أمر ثاني بس الحمدلله في الأخير بفضل الله جاني مستوفي الشروط

الحمدلله مبرووووووووووووووووووووووووووك

عوقبال القبول النهائي ياقلبي

[aiko]

اقترح عليك تروحين الجامعه تشوفين ايش المسكله

اخويا ابو الهش خلاص راح عليا لاني لما كلمت العميد قلي هادي غلطه تحصل عشان الضغط عالموقع واللخبطه في اخر اسبوع ففي طلبات مانفتح لها البرنامج

ان شاءلله السنه الجايه ححاول

[د/طموح]

معوضه خير باذن الله :)

[aiko]

معوضه خير باذن الله :)

د/ طموح ربي يسعدك