أبغى رأيكم, أيش أسوي؟

[sun light]

ياقلبي والله حاسه فيك :(

اكثر قسم معقد هو الفيزياء ,, بدل مايساعدونا ننقبل لا بالعكس يتفننون في تحطيمنا

انا قدمت قبلك مرتين فيزياء واختبرت وذاكرت كتاب الفندمنتل فيزكس والنتيجه غير مقبوله

دحين غيرت تخصصي لتقنيات تعليم والحمدلله انقبلت من اول مره

اما بالنسبه للفيزياء تحطيييييييييييييييييييييييييييم
في وقت الاختبار السنه الي راحت جات بنت تختبر معانا ولمن سالتها المراقبه وين رقم ترشيحك قالت ماسجلت في النت بس الدكتور قال لي ادخل !!!
واتوقع انها كمان انقبلت ..................
راح يندمون انهم ماقبلونا كنا حنطور لهم الفيزياء ونخترع ونكتشف هما الخسرانين << احلفي هههههههههههههههههه

عسى ان تكرهو شيئا وهو خيرا لكم

[الطريق الجديد]

صديقة المكتبة مساءك ورد ,تسلمين والله بس العمادة مالها دخل القبول والرفض كان من نفس القسم مع انه في القسم ناس متفاهمين ويحبون الخير لكن الله وحده يعلم اللي صار,الله يكتب اللي فيه الخير
سن لايت الله يسعدك فعلا الفيزياء تحطيييييييييييييييييييم بس مشكلتي أحبها وماأتخيل نفسي في مجال غير الفيزياء بس أخاف ماننقبل إلا واحنا نتعالج من الزهايمر..
اذا البنت اللي في الترم اللي فات هي فعلا انقبلت مع اني سمعت وكيلة الكلية للدراسات العليا تقول انهم استبعدوا بنات قبلها ماطلعوا رقم ترشيح في الرياضيات وانهم حيستبعدوها, بس فيه وحده قالتلي انهم مافتحوا ماستر فيزياء الفصل الأول إلا عشانها يعني احنا داخلين عرض

[maimi]

دودي ارجعي راجعي الكلية لانه قسم المحاسبة فاضلوا على المعدل فقط وفي بنات اقل منك في المعدل وقبلوهم لاتسكتي عن حقك .
الطريق الجديد راجعيهم ان نفع وواذا ما نفع لغباء القسم وصعوبته كما ذكروا الاخوات
قدمي على تخصص ثاني احسن لك
وربي يووفقكم جميعا

[الطريق الجديد]

ألف شكر maimi , الله يسهل

[never hide]

شوفي يالطريق الجديد لو تروحي للقسم و تشوفي ايش السبب

حتى تتلافي الاشياء اللي ادت الى عدم قبولك المره الجاية

اعتقد انو من حقك انك تعرفي على الاقل ليش استبعدوكي

و لا انتي ايش رايك

اشوف فيكي حماس و اهنيكي على هذا الاصرار

حاولي المره الجاية طالما دخلت الاختبار و عرفتي اسلوبه

هذا شي راح يساعدك ان شاء الله انك تعدي المره الجاية

[الطريق الجديد]

never hide قسم الطالبات ماله أي دخل في القبول نهااااااااائي , المتحكم في الشي هذا هم قسم الطلاب.
وبصراحة الحماس خلاص انتهى مستحيل أدخل اختبار بعد كذا لأني خلاااااااااااااااص تعبت

[sun light]

المشاركة الأصلية كتبت بواسطة الطريق الجديد صديقة المكتبة مساءك ورد ,تسلمين والله بس العمادة مالها دخل القبول والرفض كان من نفس القسم مع انه في القسم ناس متفاهمين ويحبون الخير لكن الله وحده يعلم اللي صار,الله يكتب اللي فيه الخير سن لايت الله يسعدك فعلا الفيزياء تحطيييييييييييييييييييم بس مشكلتي أحبها وماأتخيل نفسي في مجال غير الفيزياء بس أخاف ماننقبل إلا واحنا نتعالج من الزهايمر.. اذا البنت اللي في الترم اللي فات هي فعلا انقبلت مع اني سمعت وكيلة الكلية للدراسات العليا تقول انهم استبعدوا بنات قبلها ماطلعوا رقم ترشيح في الرياضيات وانهم حيستبعدوها, بس فيه وحده قالتلي انهم مافتحوا ماستر فيزياء الفصل الأول إلا عشانها يعني احنا داخلين عرض

والله انقبلللللللللللللللللللللللللت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حسبي الله ونعم الوكيل ,,, ليش من تكون هي ؟؟ وعشان ايش يقبلوها ؟لاتفكري انه هاين علي اترك الفيزياء وانا احبها :(

[الطريق الجديد]

ايوه , الترم اللي فات اتقبلوا بنتين , البنت هذي واعتقد انها معيدة وبنت ثانيه من مكة فقط لاغير