رأيكم في جدولي +استفسار عن الثقافه3

[جوجو الأهلاوية]

السلام عليكم
كيفكم صبايا وشباب ان شاء الله بخير
انا الحين بالمستوى الخامس وعلى وجه زواج فأخترت هذي المواد
احكام التزام
قانون دولي عام
عقود اداريه
قانون جنائي خاص
وابغى اضيف ثقافه 3 بس مارضيت تنزل
اول شي اش رايكم بالجدول؟
وثاني شي مو نازل لي ابد اسماء دكاتره كيف اعرفهم وانا اضفت مواد القانون خلاص ؟ وهل ثقاافه 3 انتظر الين تفتح الجامعه واضيفها او اقدر قبل؟

والله يعطيكم الف عافيه ومشكوووووورين مقدما

[خالد~]

اولا الف مبروووكـ

~
الجدول تمام
الجنائي الخاص اسهل من العام لانه محدد في مواضيع معينه جرائم واركان وعقوبات

احكام الالتزام اذا كان عند بالحاج اعتقد عنده شعبة طالبات اهم شي تنحفظ تعدد وتراجعي الاسئله السابقه موجود بالمنتدى

قانون دولي عام كلها كلام مافيه فهم

العقود الاداريه ماسبق ونزلتها ان شاء الله يفيدوك الاخوان والاخوات

المواد العامه كل ترم تصير هالمشكله وفي العاده تنضاف من شوؤن التعلميه وممكن بعد فتره الاوديس يتعدل ويضيفها
~
اسماء الدكاتره ممكن تظهر تدريجيا لكن المده غير معروفه

~

بالتوفيق

[*MRMR]

الف مبروكگ ❤❤

جدولك اشوفو تمام ويعتتمد بصوره كبيره علي الدكتورات والدكاتره نفسهم

احكام خذيها مع العربي مهما كان اهون من دينا

جنائي اكيد مع دكتوره نجاة

عقود مع صباح والمنهج سهل اسهل من الاداري

دولي اذا مع رجال خذيها تعرفي كيف نظام ليندا الدوري الاول صعب يخسفك والثاني متوسط والفاينل سهل

الثقافه اتوقع مع بداية الترم تنضاف

وبالتوفيق

[نواف النباتي]

المشاركة الأصلية كتبت بواسطة جوجو الأهلاوية السلام عليكم كيفكم صبايا وشباب ان شاء الله بخير انا الحين بالمستوى الخامس وعلى وجه زواج فأخترت هذي المواد احكام التزام قانون دولي عام عقود اداريه قانون جنائي خاص وابغى اضيف ثقافه 3 بس مارضيت تنزل اول شي اش رايكم بالجدول؟ وثاني شي مو نازل لي ابد اسماء دكاتره كيف اعرفهم وانا اضفت مواد القانون خلاص ؟ وهل ثقاافه 3 انتظر الين تفتح الجامعه واضيفها او اقدر قبل؟ والله يعطيكم الف عافيه ومشكوووووورين مقدما

عليكم السلام
الف مبروك الزواج .


بالنسبة للجدول
اعتقد وجود عقود ادارية وجنائي وثقافة كلها بوقت واحد وكلها بساعتين خطا
يعني لو تحذفين اي وحدة منها وتنزلين اي مادة بثلاث ساعات افضل لك
عشان المعدل يكون متوازن شوي
يعني مثلا لو تحذفين العقود وتنزلين مادة تخصص بثلااث ساعات
او اذا ماتبين تضغطين نفسك شيلي الثقافة ونزلي مادة حره سهلة بثلاث ساعات

ملاحظة : يمكن ظروف الزواج صعب تزودي الساعات اذا كانت لديك ظروف لاتزودي
ولكن لو تقدري تسوين اللي قلته كويس لك .

الله يوفقك يارب

[جوجو الأهلاوية]

الله يعطيكم الف عافيه
انا بصراحة اضفت المواد بدون اسماء الدكاتره والله يستر لمن افتح اﻷودس والقى اﻷسماء
والله يكتب لي ويكتب لكم كل خير