معاناة مع الإحصاء بنات خطة ب

[سُكر محروق]

الإحصاء مررررة صعب ، موصعب صعب بس شرح أستاذةماينفهم منو شي تشرحلنا كأننا طالبات علمي ..يعني موصعب كإستحالة إني أفهمو

فأيش عندكم حلول ؟ كيف تذاكرو المادة ؟ في أشياء تساعد إنها تسهلها زي كتب تبسيط أو أي شي ؟
لإني منجد مني فاهمتها


بالنسبة للشعبة نسيت اسمها ..الغرفة 1004 المبنى 10
والأستاذة سعودية بس مااعرف اسمها
بجيب اسم الشعبة لاحقا لإنو فيي بنات نفس معاناتي ممكن 0
وعموما ابى التفاعل من الجميع

[m!ss muZza]

لووووووووووول واللهي حتى انا يختي مرا احسو يلخبط ما اعرف كيف
والاختبار الخميس الجاي تخيلي !!!
انا في مبنى 43 روم 10 اعتقد ..

[سُكر محروق]

الشعبة aa

[سُكر محروق]

المشاركة الأصلية كتبت بواسطة m!ss muzza لووووووووووول واللهي حتى انا يختي مرا احسو يلخبط ما اعرف كيف والاختبار الخميس الجاي تخيلي !!! انا في مبنى 43 روم 10 اعتقد ..

أش نسوي ؟

[mEnO_o]

انا احسووو بالعكس سهل :l

ولو ما فهمنا تعيد تاني .. احسو مره واضح ما يحتاج يعني

انا في مبنى 32 كلاس 3203

استاذه اروى الصعيري

شعبة CA

حتسوي مراجعه يوم السبت ويوم الاحد اعتقد الوقت من 12 لحد 1
السبت حتكون في مبنى العلوم ..
بس الاحد لحد دحين ما اعرف والله مكانو

والقاعات ما اعرف ..

لو تقدرو جربو تحضروا يمكن تساعدكم =)

بالتوفييق :)

[سُكر محروق]

مينو

المادة مومستحيل نفهمها عارفة دا اشي ، بس المشكلة ماافهم من شرح الأستاذة ..
ولما بنات العلمي يشرحولي أفهم ! لكن موأحد فاضيلي طوال الوقت.

عموما فكرة إني أحضر محاضرة لمعلمة ثانية كويسة بس صعب تطبيقها في حال عدم وجود بريك كافي
أو تعارض الأوقات .

تشكري ،

[mEnO_o]

^
^
^

انا فاهمه عليكي =)

في يوم شرحت لنا وحده مصريه مرررررررررره كل الكلاس ما فهم شي


بس انا قصدي هنا مو تحضري كل المحاضرات

هوا هادا بس مراجعه قبل الاختبار يعني احنا وقتها ما عندنا كلاس بس هيا تبغى تسوي مراجعه
بس لمن تحدد اجي اقول المبنى والايام بالتحديد هيا الاكيد انو من 12 لحد 1
عشان لو تبغى تحضري ..

[انا فدا للحب]

ممكن الصعوبه من الدكتوره مو من الماده حاولي انكي تاخذي من شعبه ثانيه
يعني من دكتوره ثانيه شرح للماده ممكن هذا يسهل عليكي الماده
هذا مجرد اقتراح حبيت اساعد فيه

[مشاعل..]

ياقلبي الماده مررررررر سهله خصوص لنا احنا لأنه ادبي
والاستاذه ماشاء الله فضيعة
تعالي احضري لها شوي شرحها
كل سبت اثنين وربوع من الساعه 11الى 12
مبنى 10 غرفه 1008
استاذه هنادي


اتمنى اكون ساعدتك

واهم حاجه تجلسي قدام اما اذا ورا مستحيل تفهمي ...

والله يسهلك

[انا فدا للحب]

ملاحضه انا ولد
بعدين ممكن الدكتوره ما تعرف تشرح
خذو الشرح من دكتوره ثانيه ممكن تفهمون من شرحها اكثر من ما تفهمون من شرح الدكتوره هنادي
انا اداري بس انا الخطه أ وما خذت الاحصاء للحين الترم الثاني اخذها
انا عندي رياضيات ومهارات حاسب ولغة عربيه وثقافه وانجليزي
اصعب شي الانجليزي والباقي سهل الحمد الله
ومشاء الله المدرسين كلهم تمام