ارجو الدخووول استفسار مررره ضروري

[اوزلام]

السلام عليكم ورحمة الله وبركاته ..
حابه اسأل اهل الخبره في الابتعاث وكل ما يتعلق فيه ويارييييييييت تفيدوني ..

عندي احد من اقاربي قدم على الطب في جامعة ام القرى ولكن بسبب تأخير موقع الجامعه في موعد تسليم الملفات راح عليه الموعد وقفلوا قسم الطب ,قدم على جامعة الملك عبد العزيز وقبلوه على طول لكن الان في التحضيري معدلو نزل مع العلم بان نسبتو بالثانويه 99.8 والقدرات والتحصيلي 80 و90 يعني تبارك الرحمن كل درجاتو عاليه ,,المشكله ان الجامعه خاتمه على شهادتو الثانويه بختم الجامعه ,,وهو الان مو رغبان بانو يكمل فيها يبغى يقدم من جديد على جامعة ام القرى ؟؟ هل ياترى حيقدر ؟؟وكيف؟؟ كمان حاب بنفس الوقت يسافر على حسابو الخاص لانو مو ضامن الجامعه ما تعمل فيه مقلب زي اول ,,مع العلم انو قدم على البعثه وقبلوه لكن لاسباب خارجه عن ارادتو ما راح ,,الان لو قدم بعثه تاني حيقبلوه ؟؟ واذا ما حيقبلوه كيف ممكن يدرس على حسابو الخاص لمدة فصل دراسي وبعدها يحول على الابتعاث ..ياريييييييت احد يجيب على الاستفسارات دي واكون له مررررره مشكوره لانو بجد الادمي نفسيتو متحطمه ..

[اوزلام]

معقوله مافي جواب :( هوا ارجو الدخول والرد يعني مو بس دخول بلييييييز :(

[Kit Kat!!]

ما شاء الله تبارك درجاته عالية .... الله يوفقه
يقدر يقدم في الابتعاث من جديد و حيطلع عنده الطلب لقد قمت بالتقديم مسبقا يروح على قسم الابتعاث بحي الغدير بالرياض فأذا كان من مقدمي المرحلة الرابعة والخامسة والسادسة حيحصل على قرار ابتعاث وسيتم قبوله بأذن الله
اما اذا حيروح على حسابه الخاص يحتاج انه يكمل سنة لغة , ثم ثلاثين ساعة دراسية اكاديمية بالجامعة على ان لا يقل معدله عن جيد جدا فأنصحه انه يستخدم الطريقة الاولى اسلم وانه يشوف الدول الي تعطي قبول في الطب بسرعة
وبالتوفيق

[اوزلام]

الله يسسسسسسسسسعدك ياااااارب ,, طيب بس هوا بجده يعني مافي فرع بجده لازم يطلع الرياض ؟؟غير كدا عندك فكره متى حيفتح الابتعاث اذا قريب ولا لا ؟؟ والله يجزاكي بكل خير يااارب :)

[طــــلال]

عادي بإمكانه يقدم على جامعه أم القرى

لكن أهم شيء ما يكون مفصول من الجامعه أو عليه ملاحظات من الجامعه

[Kit Kat!!]

للاسف مافي فرع غير الرياض واذا كان له معارف هناك ممكن يعمل لهم وكالة او تفويض ويطلعوا له الضمان ...
الابتعاث يبدا في شهر شعبان بأذن الله
وبالتوفيق

[اوزلام]

اشكرك من كل قلبييييييييييي هوا مقدم على المرحه السادسه يعني بيقدر صح :) الله يجزاكي خير بس تتوقعي اجرائات القبول بتطول ؟؟ لو باذن الله انقبل

[Kit Kat!!]

والله الاجراءات توفيق من ربي يعني انا خلصت اجراءات سفري في وقت قياسي 4 اشهر وانا في بلد الابتعاث
وفي ناس تطول معاهم يعتمد على حسب اصدار الفيزا والحصول على قبول لغة انجليزية وعلى حسب متى يصدر قرار الابتعاث فممكن ياخد من 6 الى 7 اشهر , خليه يواظب على الدعاء بآخر الليل تراه مفتاح لكثير من الامور وعسى انه يكون من المبتعثين الموفقين يارب

[اوزلام]

تسلمييييييين يا عسل الله يجزاكي بكل خير وينور طريقك لما يحبه ويرضاه :)