فكره عامه عن اختبار المهارات تبع التصميم الداخلي

[Roa'a]

السلام عليكم ورحمة الله وبركاااته
كيفكم ياحلوووين؟؟

طبعااا في كتير بيسألوا عن اختبار المهارات تبع التصميم الداخلي
انا دخلت الاختبار وحااابه انكم تاخدوا فكره عن الأسئله
صراااحه الفكره من أول فـ بالي وكمان ((ساكنه في بيتنا )) عرضت عليا الموضوع
شكراا يا عســـل ^_^
أول شي أعطيكم فكره عن الاختبار
مررررره لا تشيلوا هم صراحه مرره مرره سهل
هما اختبارين واحد نظري وواحد عملي
النظري فـ يوم والعملي فـ يوم
كل اللي تجيبيه معاكي
مهارتك في الرسم والتلوين ومعلومات نظريه بديهياً تنعرف
النظري كان عباره عن اسئله بس اسئله وااااضحه مررررره
اول شي جانا 5 أسئلة اختياريه
س \ الوان الطيف كم عددها ؟ طبعا 7
س \ ارضيه دورات المياه من ايش خشب- سيراميك - موكيت ؟ طبعا سيراميك
س \ ايش شكل الغرفه اللي احنا فيها ؟ طبعا مكعب
س \ كمان كم ارتفاع الغرفه ؟ طبعا 3 متر
لأنو في كدا كم مقاس لازم تعرفوها قبل ماتدخلوا الاختبار
صراحه مالقيتها بس برضو لو لقيتها راح احطها هنا ان شاء الله
والسؤال الخامس طاار مدري فين راااح ^^
طبعا دي كلها اختياري
السؤال التاني كان عباره عن
شكل غرفه او مكتب وقالولنا ايش الخطوط اللي فـ دا الشكل
وانت تشوفي وتحطي من الخيارات يا مستقيمه او منحنيه وكدا صراحه الشكل جانا مره واضح
وبعدين زي اسئلة المجلات يجيبولك شكل ويقولك من اي قطه مكون دا الشكل
وكمان شكل ويقولولك كم مثلث في دا الشكل
وآخر شي سؤالين مفتوحه فراغات
اول واحد كان ايش المكونات الرئيسيه لغرفة النوم ؟
طبعا انت اكتبي كل شي تعرفيه زيدي من راااسك
وكمان جانا ايش المواد الطبييعيه المستخدمه في التصميم ؟
وانت عاد اكتبي برضو كل شي خشب جلود .... الخ
اما العملي
فكان عباره
عن مطبخ نلونه ^^
اما الرسم كان عباره عنطاوله عليها مفرش ملفوف كدا بحركه
وصندوق جنب الطاوله علبتو مفتوحه عليه
وتحتهم مفرش تحت العلبه كمان شي زي الدعاسه تحت الصندوق
بس هوا دا
اهم شي في العملي انك تحاولي تدربي انك ترسمي الشي اللي قدامك
وكمان اهم شي الظل والنور والملمس توضحيه اذا الطاوله ناعمة المفرش خشن وكدا
والاخراج يكون على كيفك بأقلام التحبير ولا الفحم ولا المرسام بس اللي انت تبغيه
وبس
ان شاء الله تكونو استفدتوا
و ان شاء الله اي شي جديد ألاقيه راح احطلكم هوا هنا

مع السلامه ^_^

[Ξxтяα ςάѓαмεζ]

وآآآو من جد مرا شوكرن افدتيني ياقمررر



ان شالله ادخل والله مني عارفااااا


لانو انا في الرسم مرررا لأ


بس قالولي انو دحين اكترو سار يعتمد على الـ 3d



ربي يخليكي ياقمر ع موضوعك الطعم ^^,

[Roa'a]

هوا صح أغلبو 3d
بس يعتمد على الرسم بشكل كبير
الله يوفقك ياااارب
ويحققلك اللي تبغيه
^^

[Roa'a]

نسيت أقول درجات الإختبار...
النظري كان عليه .. 30
العملي..
الرسم كان .. 40
التلوين.. 30

مجموعها 100 ...
والقبول حسب الدرجه أولا والمعدل ثانيا
^^

[ساكنه في بيتنا]

^_^

شكرا رؤى بجد حليتي ازمه ازليه كانت واقفه في حلقي ..

دمتي معطائه ..

[Roa'a]

اهليـــن ^_^
العفــو ياعسل
وشكرا انك عرضتي عليا الموضوع
لأنو من جد من أول فـ بالي
بس ماقدرت أرد عليكي عشاني لسه جديده وشاركاتي قليله

[بلشة]

السلام عليكم....
كم النسبة الي يطلبونها لدخول هذا القسم؟؟؟

ومشكورات...

[Roa'a]

كانو كاتبين في شروط دخول الاختبار
انو المعدل ما يقل عن 3
^^
بس هما حياخدوا المعدلات العاليه فلو تبغي تدخلي جيبي معدل حلو
^_^
وكمان الانجليزي انا سمعت انو متطلب للتخصص لازم تكون درجتك فوق 85
لأنو التخصص English

=)

[بلشة]

مشكوووووووووووووورة على الرد

[Roa'a]

العفووو يا عسل ^_^