تخصص التصميم الداخلي للأدبي

[وردة الكمان]

السلام عليكم ورحنة الله وبركاته

أنا طالبة في السنة التحضرية المسار الأدبي
وأخترت تخصص تصميم الداخلي وهو خارج الجامعة في كلية عند الرحاب وأنا خايفة أن نظام الكلية مو زي الجامعة وأنا متعودة على نظام الجامعة وكمان هل الشهادة تكون من جامعة الملك عبد العزيز أم مايكون كذا .

وأتمنى ظانكم تردوا عليه و طمنوني

[asoom900]

صراحه ما انصحك بالكليه انا وحده من صحباتي كانت تبغا تتخصص تصميم داخلي
وقالت بتروح تشوف البمنى والاساتذه تسالهم وتسال البنات عن التخصص
قلت معاك ورحت انا وهي ندمت ندم عمري مبنى خايس وكفتريا وحده والبنات مره قليل
مره اكتئبت وانا اكتئبت معاها خصوصا انو احنا متعودين على مبنى الجامعه الي بالسيليمانيه الي فيه اكثر من مبنى واكثر من كفتريا واشياء ومميزات كثيره
على العموم هي بطلت من التصميم الداخلي فأنصحك تروحين تشوفينها وتزورينها وتتسالني بنفسك
عن الخدمات والمميزات
موفقه

[بيونه الغامدي]

انا اللى اعرفه ان كل الكليات صار نظامها نظام الجامعة ...
وكمان التصميم الداخلي في كلية الرحاب ادبي وفي السليمانية علمي ...
وكلية الرحاب حلوة و مرتبة وجددوها بما انها صارت تندرج تحت مسمى جامعة الملك عبدالعزيز ..
بالنسبة ليا خليتها ثاني رغبة ...

استفسري اكثر من بنات التخصص في كلية التصاميم و الفنون ...

[! نغم !]

بس في بنات راحوا الترم هذا الكلية وقالوا انها مرررة اتعدلت وجالسين يعدلوا فيها دحين

بس عندي سؤال دحين النظام هناك مشددين يعني ممنوع الجوالات اللي بالكاميرا ويشددوا على اللبس والا عادي ما يدققوا ؟

[Eng_sara a7mad]

معقووله انا سمعت انو جددوها وانا صراحتن حطيتها ثاني رغبه لانو احلا شي بعد التربية الخاصة ادااب لو اموت مادخلتها وربي يوفقنا وحبيبي اذا انتي حابه التخصص مالك دخل بالمبنى هذا عن نفسي اهم شي تحبية عشان تبدعي وتمشي فيه

[الحائرة دائما]

شوفي اكيد مابتكون زي الجامعه السليمانية الفرع ماشاء الله في كثير من الامور بس برضو مابتكون شي مرره سيء واذا رغبتك في التخصص هذا اهم بعدين هيا ثلاث سنين وتقضيها وتاخذي شهادتك ان شاء الله
وانتي استخيري ربك وانتبهي اظن مافي تحويل بعد الاختيار

[الخزاميه]

اي عدلوهااا وقاعدين يشتغلوون فيها

حتى القاعات ششفتها من برااا حلووووه