تجمع طالبات نظم معلومات ادارية (بحث وتدريب)

[my hero]

هنا حتكون كل المواضيع الي لها صلة بمادة بحث وتدريب لطالبات النظم فاتمنى التفاعل ,,,

اولا:كل طالبة تكتب مع استاذة مين تاخذ ؟
ثانيا: مكان تدريبها ؟ وكيف طبيعة العمل حقها ؟
ثالثا : كيف تقسيم الدرجات وطريقة التقرير والبحث الي طالبته الاستاذة ؟
رابعا : اي شئ حابه تسألي عنه او تقوليه اكتبيه ..

اتمنى الكل يكتب هنا للاستفادة وتبادل الخبرات ,,,خلينا متحمسين من بداية السمستر ونمشي خطوة خطوة مع بعض ...

[my hero]

حبدأ انا ^^
انا مع استاذة: سامية مقبل

مكان تدريبي :عمادة القبول والتسجيل ,,,شغلي ترتيب الوثائق لطالبات التخرج وتصنيفها كلا حسب تخصصه بس ترى الشغل مرررررررررره متعب وياخذ وقت طويل *_*

لسه ما قالت ولاشئ عن البحث او التقرير لانها مسافرة الاسبوع دا

اخر شئ كنت ابغى اسأل بنات بالله احد لقى مكان عدل يدرب فيه لان كان نفسي في دلة او الغرفة التجارية لكن الكل صدها في وجهي واخرتها ما لقيت غير العمادة ...

[my hero]

ياهو نقول حماس مو نوم

[حَظَكْ يآقلٌبيْ ♥]

آب لعيووُنك ..
للحين ماجتمعت مع اُستاذتيْ ..شذى عزي
بالعكس حلووُ لكٍ بالجامعه تريحين من المشواير
والمكان لسى ادّوور

[فراااااشة]

اولا:كل طالبة تكتب مع استاذة مين تاخذ ؟
د.شيماء
ثانيا: مكان تدريبها ؟ وكيف طبيعة العمل حقها ؟
المكتبة و افكر اغير - ماسوينا شي بس نصور اوراق و كدة
ثالثا : كيف تقسيم الدرجات وطريقة التقرير والبحث الي طالبته الاستاذة ؟
شيماء مقسمة على كل شي 10 تقريبا و التدريب 40
و البحث تبغاه 3 فصول و تبغى فلو شارت و اكسس او برنامج
رابعا : اي شئ حابه تسألي عنه او تقوليه اكتبيه ..
حاليا ماعندي شي

[فراااااشة]

و ترا دلة لسه فيها روحي بكرة و خدي اوراقك مع بطاقة الاحوال و بطاقة الجامعة
بالتوفيق

[my hero]

حلو ايوه كذا الناس ^^
فراشة ربي يسعدك عرفتك يا فوفو جيتيلي اليوم في العمادة ^^
بس للاسف استاذة زينة ماهي موجودة تعالي بكرة ضروري وترى في بنت اليوم جديدة جات واشتغلت معانا
ودلة انشاءالله بكره رايحتلها ^^

[فراااااشة]

عرفتيني
ايوة بكرة حاجي ان شاء الله اكيد بس حاتكوني موجودة و لا
لالا تقولي البنت اللي جات كمان مع شيماء
وازا رحتي دلة كلميني اوكي

[my hero]

المشاركة الأصلية كتبت بواسطة فراااااشة عرفتيني ايوة بكرة حاجي ان شاء الله اكيد بس حاتكوني موجودة و لا لالا تقولي البنت اللي جات كمان مع شيماء وازا رحتي دلة كلميني اوكي

اكيد حتجي بس اليوم شكلها كانت تعبانة عشان كذا ما جات
لا لاتخافي البنت ادارة عامة ^^
انشاءالله اكلمك دعواتك انهم يقبلونا *_*

[اسيرة الشوق]

الله يوفقكم وييسر اموركم

انا ان شااءالله في الصيف بنزل بحث وتدريب ومن دحين شاااايله هم والله يستر
وحتخرج على الترم الجاي

كيف مواد التخصص معاكم ومع مين اخدوها ياريت تجاوبوني

موفقيييييييين يارب