ممكن احد يساعدني ؟

[RouniAlGhamdi]

انا انصدمت لما انقبلت في الاقتصاد المنزلي المهم ابغى احد يفهمني عن كل حاجه فيه و ايش المطلوب مني لاني مو داريه وين ربي حاطني مع العلم اني علمي اتمنى احد يهتم بموضوعي :(

[R.GH]

حتى انا انصدمت بس خخيره ان شاء الله ابغا وحده تتكلم لي عن الجامعه والبنات
وهل نلبس ايش شي قصدي بنطلون ..؟ وكيف تعامل الاستاذات .. وهل الدوام ططويل ؟
وتنصحوني اتخصص دراسات طفوله ...؟ الله يخليكم نبغا احد يساعدنا

[super lazy]

ياعزيزاتي ياجميلاتي حتى انا انصدمت يوم انقبلت!!

بس لما بحثت و شفت انو في بنات معدلاتهم جدا عاليه و فوق كذا دخلو اقتصاد منزلي حتى بعضهم علمي حولو بس عشان هذا التخصص v.v

خلو معنوياتكم مرتفعه و عن نفسي زي زيكم انقبلت فيه ولا اعرف شي بس قريت عنه و من الاقسام الي حسيتها أقوى شي في التخصص كانت دراسات طفوله و غذاء و تغذيه و تصميم داخلي

هي الي راقت لي و كل شخص لو بحث و قرى ح يشوف ايش يناسبه و تعمقت اكثر شي في قسم دراسات طفوله مع اني مالي مره في الاطفال بس لما قريت عن الفرص الوظيفيه الي تخص هذا القسم

ف لقيتها كثيره جداً و الجميل انك تقدري تتخصصي في نفس المراكز الي متخرجين منها "متخصصين التربيه الخاصه" لانه مشابه له في اشياء كثير و ممكن تكوني في حضانات أو في دار الايتام أو رسامه

لقصص اطفال و ممكن تكوني معده لبرامج ترفيهيه للاطفال ابدا لا تستهونو بتخصص الاقتصاد المنزلي لانه واسع و يشمل اشياء كثير.

عموما اذا مره ما حبيتو التخصص ممكن تاخذو أول ترم مواد عامه لان مواده العامه مشابهه لمواد كلية الاداب فإذا تبغو تحولو خذوها بعدين حولو كلية الاداب أو أي كليه تبغوها

بس لا تتسرعو أقرو عن بقية الأقسام يمكن ربي يفتح عليكم و تحبوها.

[RouniAlGhamdi]

شكرا حبايبي :(

[نيكييتا]

اولا اقتصاد منزلي مو يعني شي سيء او انها كلية البنات الي معدلاتهم سيئة او شي بالعكس كلية الاقتصاد المنزلي كلية مو اي احد يدخلها لأنو مو أي احد قدها و ربي كنت انا زي كدا بس عرفت انو كليه الاقتصاد المنزلي افضل كليه في الجامعة كلها .. من ناحية التعامل فهي افضل كلية بشهادة طالبات كل الكليات . و من ناحية المواد فالمواد عادية كلها سهلة بس كل تخصص له معامل ممكن تتأخري فيها .. و بالنسبة للبس عادي تلبسي اي شي تحبيه بس الليقنز ممنوع و يفضل لو تلبسي بلوزة طويلة عشان لا احد يستهبل عليكي ..

و للمعلومية مسمى اقتصاد منزلي رح يتغير في الكم سنة الجاية و احتمال بعض مسميات التخصصات تتغير .. و اذا كنتي علمي عندك تصميم داخلي و تصميم اثاث و عندك كمان تغذية هذي التخصصات جدا جدا مطلوبة بس ماراح تدخليها بسهولة لازم معدل عالي و بالنسبة للتصميم لازم لها اختبار قبول .. و كلية الاقتصاد المنزلي حازت على عدد من الجوائز على مستوى المنطقة و بنات التصميم فازو على مستوى السعودية بجائزة .. و عندنا معارض كل سنة السنة الماضية كان في ستارز أفينيو و كان معرض ناجح جدا ..

لا تستهيني بالكلية اقرأي فيها اكثر و استخيري و ربك يقرب لك الأفضل ^ ـ ^

[فنو الحلوة]

ي عمري الاقتصاد المنزلي فيه تخصصات كثير مرغوبة وموو شرط ان اللي ينقبل فيها يعني موو حلوو
انا انقبلت في ادارة واقتصاد وحولت ع اقتصاد منزلي