سؤال وارجوا الرد

[نوارة جده]

السلام عليكم ورحمة اللة وبركاتة
الى كل من يعرف الجواب ارجوا الرد
انا طالبة متخرجة من الثانويةومستنية نتيجة القبول واتمنى انقبل في العلوم الطبية قسم التغذية بس عندي اسئلة
1-هوا المفروض كم يكون المعدل عشان يقبلونا في هذا القسم.علما بأني جايبة في الدرجة الموزونه84.44 يقبلوني؟
2-لما اسجل وادخل السنة التحضيرية باذن الله ايش راح ندرس فيها يعني السنة التحضيرية ر اح تكون في نفس المجال.
3-ايش هيا المواد اللي في هذا القسم وهل هوا قسم حلو .
افيدوني جزاكم الله خير وكم مني خالص الدعاء

[mzat kau]

اهلين ياقلبي
المعدل للقبول في كليه العلوم الطبيه التطبيقيه لسه مو معروف لانونتايج التخصصات في رمضان لكن عموما حاولي تجيبي فوق اربعه ونص معدلك حتى تنقبلي وانتي واثقه لان الطب وقف عند 4.6 تقريبا سو اكيد انو العلوم الطبيه اقل منها وهيا القسم الوحيد مع التمريض الي ماطلعت نتايجو لسه
السنه التحضيري سنه عامه تدرسي مواد مالها علاقه بي ولا تخصص لكن هياا برضو تعتبر اول سنه في جميع الكليات الصحيه في النظام القديم يعني كانو زمان يدرسو نفس المواد بس كل واحد في كليتو بس دحين خلوها سنه عامه ودخولك في الكليات يعتمد ع المعدل اللي حتجيبي في هادي المواد
والمواد هيا كيميا احياء فيزيا احصاء انجليش مستوى اول وتاني رياضيات حاسب مهارات اتصال
وتراها سهله بس يبغاللها تركيز والمواد دي مقسمه على ترمين

ولسوالك الاخير المواد تقدري تشوفيها من الخطه الدراسيه وهي اكترها تعتمدع الكيميا وكدا وكل التخصصات في كليه العلوم الطبيه حلوة ومطلوبه لانها تقريبا جديده
بالتوفيق اي استفسار انا جاهزة حبيبتي

[mzat kau]

http://www.skaau.com/vb/showthread.php?t=87074
وهادي بعض مواد التغذيه الاكلينيكه

[نوارة جده]

من جد شكرا
هذا المعدل اللي قلتلك عنه هوا التراكمي مع القدرات والتحصيلي والثانويه العامه لكن انا نسبتي في الثانويه العامة 95 يعني في مجال يقبلوني؟ طمنيني الله يطمنك
وشكرا شكرا على ردك
في سؤال انا موعد القبول حقي يوم السبت
هوا ضروري انا اكتب المجال اللي ابغا ادخله ولا يتحدد بعد السنة التحضيريه؟
اختك في الله
نوارة جده

[mzat kau]

شوفي ياقمر نسبه الثنوي مالها اي دخل في تخصص الجامعه هيا بس تفيدك في دخول الجامعه ولكن اللي مطلوب ع التخصص هوا معدل السنه التحضيريه اللي هيا اول سنه بالجامعه ف زي ماقلت انو مايطلو اصلا في نسبه الثنوي حقتك هيا بس مهمه لدخولك الانتظام لكن علشان تدخلي تقنيه طبيه حاولي تجيبي عدل 4.5 او 4.4 زي كدا او اكتر علشان تضمنيها ان شا الله



وبالنسبه لموعد قبولك هما بس حياخدو الاوراق حقك ويسلموكي البطاقه الجامعيه ولا يسالوك عن التخصص ابدن لانو دا يعتمد على معدلك بعد ماتخلصي التحضيري وبالتوفيييييق ياقمر

[نوارة جده]

شكرا شكرا ياقلبي باركيلي انقبلت واخذت البطاقه الجامعيه زي ماقلتي ودحين فهمت منك كل شي من جد شكرا
الله يوفقك ياااااااااااااااااااااارب في كل شي تتمنيه
قولي امين
ههههههههههههههههه
نوارة جده

[mzat kau]

امييييييييييييين يارب الله يوفقني واتخصص هنا من جد وعادي ياقلبي ماسويت شي
والف الف الف مبروووووك وعقبال التخصص