وظيفة في مدرسة خاصة .... اريد الاجابة

[طابة متخرجة]

السلام عليكم ورحمة الله

ابغى اسألكم اسئلة
وحدة من صحباتي لقيت وظيفة في مدرسة خاصة وقالوا لها خلاص تعالي ونوقع معاكي عقد مبدئي

ايش معناة العقد المبدئي ؟؟

وكم مدة الخبرة ؟؟

[that me]

عادي ياعسل كلهم يقولون كذا مبدئي عشان لو ما عجبتيهم يفنشوكي ...

والخبره على حسب ماتطولين عندهم ماشاء الله بنات يدرسون في الاهليه 5 سنين وعادي

اهم شئ اذا حبوكي وحبوا شغلك ان شاء الله تستمرين معهم ...

الله ييسر لك كل خير ...

[shaden]

ايوة حسب رغبة البنات كل يوم الادارة يسألوا الطالبات ها كيف المعلمة مرتاحين معاها ولا لا

بعد كدة يقرروا الادارة يا ايوة يا لا

[حبي لذاتي قمة أولوياتي ~]

انتبهي لايكون فيه أحتكار او تكوني عندهم وماتقدري تبطلي تقرأ الشروط كويس وتقول أبغى صورة منه وأتركوا لي مجال أفكر لان هذا عمل في النهاية مو لعبة

ترى فيه وحدة قريت عنها

بعد كم سنة خلصت وقالت هاتوا شهادة خبره ماعطوها لان مافيه شيء موثق بتوقيع فخليها تنتبه

ربي يوفقها

[مدرسة الحاسب]

حبيبي اهلا بيكي العقد المبدئي انو يفقوا معاها على كل شي تقريبا عدد الحصص المناهج اللي تدرسها الراتب وكل الامور وبعدين يخلوها عندهم تقريبا من اسبوعين لشهر مو اكثر تحضر لها المديرة والوكيلة يسئلوا انطباعات البنات عنها انو فاهمين معاها كل شي تمام بعدها يطلبوها ويكتبوا عقد جديد ويكون وقتها خلاص انو انقبلت يعني عقد مبدئي زي ماتقولي تجريبي .وعلى حسب هيا اش اتفقت انو عقد مبدئي براتب او بدون .
تقبلي مروري ووفقكم الله .

[مطالبة]

كنت حابة ارد بس يبدو فيه حاجة لكتابة موضوع كامل عن المدارس الأهلية
تحياتي