بنت كليه ماتعرف لنظام الجامعه وطالبه فزعتكم

[المستبدة]

والله مصدر المعلومة انو هيا الموظفة قالتلي لما تسوي جدولك في رمضان لازم تختميه من عندنا ..

[همس المشاعر]

المواد التكميلية راح تحددها لكي مشرفتك


ولما تكون مفتوحة انتي تكلميهم عشان تقدري تسجليها

[طموحي الجنه]

اخت همس مشكوره على تفاعلك
وبالنسبه للمواد التكميليه حددوها لي وانا عارفتها..
لكن ايش تقصدي بـ(لما تكون مفتوحة )؟؟

[sholmar]

الله يكتبلكم التوفيق يابنات .....
لو سمحت يا طموحي الجنة متى حددولك المواد التكميلية وعند مين لأني انا ماعرفت عندي مواد تكميلية ولا لأ.
وجزاك الله الف خير .

[طموحي الجنه]

اخت شولمار يوم اللي وديت اوراقي للدراسات العليا سألت كيف اعرف المواد التكميليه اللي عليا قالوا اسألي في القسم ولمن رحت لمشرفة القسم قالت الموضوع هذا عند الدكتوره سهيله قاري روحي أسأليها ولمن وصلت لمكتبها طبعا مالقيتها موجوده لكن كانت حاطه اعلان على الباب بأسماء كل المقبولات في الماجستير(نبات مع حيوان) واسفل الاسماءمكتوب (على الطالبات المقبولات تسجيل المواد التاليه bio605 + bio606 للفصل الدراسي الاول لعام 29/30 عن طريق النت وفي الوقت المحدد.)..
وبالنسبه للي عليهم مواد تكميليه معلق لكل طالبه استماره مكتوب فيها اسمها وتقديرها في البكالوريوس وتخصصها والمواد التكميليه اللي عليها واسم المرشده العلميه ورقم جوالها وبريدها الإلكتروني..
اتمنى اكون افدتك..........