حرموني من خاصية التخصص الفوري ومن ارسال المعاملات..!!

[*ام حمودي*]

السلاام عليكم ورحمة الله وبركاته اتخيلووو ايش صار معايا جيت برسل معامله الكترونيه مو راضي يدخل على رابطها وحاولت ادخل على التخصص باني اختار احد التخصصات مو راضي يختار حتى ع الاقل ما طلعلي نافذة وكتبلي معدلك اقل اصلا مو راضي يختار كأنو زر اختيار التخصص مغلق او انتهى وقت الاختيار طيب اذا كذا ليش مو راضي يدخلني ع المعاملات وع فكره قبلها كنت ع رابط المعاملات نفسو كنت ابكتب معامله ما رضي حتى يسجل دخولي مدري اذا فاهمين عليا بس شفتو لما تحطو الماوس ع كلمه تكون فيها رابط مو لما تضغطو يطلعلك ظل للكلمه ايوا انا يطلعلي بس ما يوديني للصفحه اللي بعدها او لصفحة الرابط يعني كأني ممنوعه بالله مين حصلوو زيي وربي مصيبه علقو كل الازارير اللي في الاودس عندي ومني عارفه ايش اسوي الله يسعدكم ردووو ترى بتفرجو هم كبيررر..واسفه ع الاطاله ...

[علو الهمم]

أول مرةأعرف عن مشكلة مثل هذه

لكن جربي بمتصفح أخر امكن المشكلة من المتصفح

أو سوي ريستارت للجهاز وارجعي ثاني ادخلي

اتمنى الإخوان يفيدوكِ

والله يوفقك ويفرج عنك همك

[*ام حمودي*]

سويت يا قلبي واصلا ما لو دخل الجهاز لانه داخله من الايفون وانا ما ادخل الا منو ومرره مافيه اي مشكله بس ما ادري اذا هذي مشكلة الجميع ولا مشكلتي انا بس والله راح انجن..

[د.رحمه]

الله يعينك ويسر أمرك أختي

[علو الهمم]

انتي متخصصة إقتصاد وادارة او اداب ؟؟

اذا اقتصاد وادارة لسا مانزل
وهذا رابط تقديم معاملة حاولي تجربي منة

http://ers.kau.edu.sa:81/student/index.asp

[*ام حمودي*]

المشاركة الأصلية كتبت بواسطة علو الهمم انتي متخصصة إقتصاد وادارة او اداب ؟؟ اذا اقتصاد وادارة لسا مانزل وهذا رابط تقديم معاملة حاولي تجربي منة http://ers.kau.edu.sa:81/student/index.asp

يسلمووو يا عسل مررره مو راضي الله لا يسامحهم لو حرموني اصلا مو من كثرة معاملاتي وانا اداب مو اداره مو قاعده اقولك انو حاولت اختار واحد من التخصصات ورفض وحاولت ادخل ع نظام المعاملات من اكثر من مكان ونفس الشي وما بقى شي ما سويتو..

[علو الهمم]

من حقك تختاري

أجل الحل الوحيد تروحي الجامعة وتراجعيهم بإسرع وقت عشان تختاري تخصصك

وبعدها طمنيني ايش سار معاكِ

[*ام حمودي*]

المشاركة الأصلية كتبت بواسطة علو الهمم من حقك تختاري أجل الحل الوحيد تروحي الجامعة وتراجعيهم بإسرع وقت عشان تختاري تخصصك وبعدها طمنيني ايش سار معاكِ

الله يسعدك مشكوررره حبيبتي..انا ما ابغى استعجل واروح ويطلع فيه احد زيي الله يستر بس..وان شاء الله اذا جد جديد معايا لازم اقولكم ..

[وهج الأمل]

السلام عليكم
أختي حاولي تتصلي و تستفسري على الرقم 02\6920000

[*ام حمودي*]

.......