اللي اختبروا مهارات تفكير

[هنادي خيري بن حمد]

يابنات اكيد في منكم كتير اليوم اتاخروا عن الاختبار بسبب عدم التنظيم انا من الساعه 6 في الجامعه رحت مبنى 9 على اساس الاختبار هناك قالوا اتغير روحوا مبنى 4 او 5 او8 وادخلوا اي قاعه دخلنا جات معلمه الساعه 8 قالت الغرفه دي مافيها اختبار شوفوا اي قاعه تانيه طبعا كل ما نروح قاعه يقولوا اكتفينا مع انه في مكان بس عشان حضراتهم ما عندهم ورق كفايه ولما ما عرفوا فين يودونا قالوا روحوا مبنى 5 رحنا وطبعا نفس الموال لغاية ما اضطروا يدخلونا بس طبعا مافي اوراق اسئله واجوبه فقالوا استنوا لغايه ما يجيبوا بيطبعوها انا استلمت الورقه الساعه8 وثلث وفي كمان بنات بعدي والمشرفه على الدور كمان دايره تستعجلنا وتقول للمراقبات اللي اتاخر عليهم الورق ادوهم كمان خمسه دقايق داه بعد ما قالولها المراقبات حرام مو ذنبهم فقالت طيب ادوهم عشره دقايق زياده والساعه عشره الا ربع دخلت وقالت عندكم 3 دقايق والمراقبات جزاهم الله خير قالولنا خدوا وقتكم داه مو ذنبكم . انا ابغى اعرف الناس دول مافي احد يحاسبهم وليش محد بيشتكي اهمال وسوء تنظيم كل اختبار نروح قبله بساعتين عشان نعرف فين حنختبر والترم اللي فات برضوا الورق كان بيتاخر وقبل الوقت ما ينتهي يقولوا يلا ايش الفوضى دي يابنات لازم نقدم فيهم شكوى كده ما ينفع ولا مو ؟ معليش طولت عليكم بس انا راجعه ضغطي عالي منهم