ماهو الأفضل برأيكم .؟؟

[سديم١]

بسم الله الرحمن الرحيم
السلام عليكم ورحمة الله وبركاته
عندي سؤال بسيط : طبعآ أنا خطتي هذا الترم دورتها سنترا وحابه أسئل هل أحمل محاضرات السنترا حقت الترم الأول اللي حطو روابطها بعض الأخوه والأخوات وأذاكر منها قصدي أعتمد عليها بعد الله في مذاكرتي وإلا أنتظر دورتنا اللي ع السنترا بشهر خمسه تقريبآ ؟
أتمنى من لديه الإفاده والخبره موافاتي بالرأي الصائب لأني إذا حملت الدوره المسجله ماراح أحضر الدوره الجايه اللي ع السنترا ، لاحد يقول اعتمدي ع الثنتين مايمديني لأسباب خاصه يعني إذا تنصحوني انتظر الجايه ماراح اشوف هذي والعكس ،.
_وهل تتوقعون بأن يكون هناك جديد أو فرق بين الدورتين ، أم ستكون قص ولزق ونسخ للدوره السابقه ؟
بإنتظار آرائكم ..

[wawa_wawa]

اهلين يااقمر .. والله انا زااكرت من الدوره دي .. بس عشان لما تجي دورتنا اراجع بس

لكن انا اشوفلك الافضل انك تستني لانو دي الجيه حتكون خاصه بيناا ومانضمن اشيااء كتيره ممكن تنحزف او

تكون معانا يعني .. وبالاخير القرار ليكي وبالتووفيق .. ^^

[r_r]

ذاكري منها لانها نفس موادك
بصراحه وقتكم ضيق
مثلنا الترم الاول
عشان كذا مامدانا حتى نراجع كله قراءه قراءه
انصحك تذاكري منها
ودورتكم لما تجي يصير بس مراجعه

[R0oro]

انا دحين اداكر من دورتهم المسجلة وبعدين راح احضر دورتنا مراجعة

لانو مافي وقت تستني الدورة حقتنا وتذاكري بعدها .. بالتوفيق ^^

[سديم١]

Wawa_wawa ; r_r ; Rooro

يسلمو يا أحلا ثلاثي نك نيم إنجلش ، على أرائكم وإفاداتكم ياأمورات وبالتوفيق لنا جميعآ ،.‎`‎

[FANTASIES]

زي ماقالو البنات

انا حذاكر من هذي مؤقتا ،، لانو مافي وقت ننتظر لين دورتنا

اذا مداني احضر الجايه حضرها باذن الله

واذا لأ ،، الله ييسرها ان شاء الله ،،

[سديم١]

Fantasies
تسلمين ياألبو ع رآيك ومشاركتك وبالتوفيق إن شاءالله .،

[r_r]

المشاركة الأصلية كتبت بواسطة سديم١ wawa_wawa ; r_r ; rooro يسلمو يا أحلا ثلاثي نك نيم إنجلش ، على أرائكم وإفاداتكم ياأمورات وبالتوفيق لنا جميعآ ،.‎`‎

يسلمك ربي ياحلوه

[fnooona]

بنااااااااااات ابغا طلب ممكن؟؟
ابغا رابط المحاضرات المسجله لاني بذاكر منها دحين وبراجع من الجايه بليز ضروري والله دوبي دريت انها المحاضرات مخزنه فالي تقدر تحطلي الرابط وجزاكم الله خير

[r_r]

http://www.skaau.com/vb/showthread.php?t=141389