أبي رايكم .. ورايكم يهمني

[أبو سديم]

أخواني الإعلاميين
سعد الله صباحكم بالخيــــر والمسرات

أنا زميلكم أبو سديم وتبقى لي 37 ساعة وعندي رغبة اتخرج ترم صيفي ومعدلي ولله الحمد 3:52
يعني راح أخذ الترم القادم 23 ساعة والترم الصيفي 14 ساعة وابي رايكم بكل صراحة ،علماً بأن لدي رغبة بسيطة أكمل ماجستير مع العلم بأن العمل يرفض إعطاء الموافقة لمن تجاوز الأربعين من العمر
وأنا بصراحة مليت من الجامعة بسبب ظروف خارجة عن أرادتي .. تكفون ينشاما آرائكم تهمني جداً وراح أخذها في الاعتبــار
وتقبل جل التحية والتقدير مقدماً

[أ.ع]

أهلاً وسهلاً (بالأخ الروحي) لطلاب الانتساب

الله يوفقك دنيا وآخره ويحقق لك ما تصبو إليه..

نقطة وحيدة فقط أستطيع إفادتك بها

وهي أن قسم الإعلام قد لا يكون به صيفي فإذا تبقى لديك مواد عامة أو متطلب من خارج القسم فإرجاءها إلى الترم الصيفي
وطبعاً هذا الترم تركز على مواد القسم بالإضافة إلى التدريب العملي 2

ونحن معك قلباً وقالباً

إلى أن تصبح دكتور بإذن الله يابو سديم

[وليد العاطفه]

أخوي ابوسديم

اول شي ,. اتمنى لك التوفيق والنجاح

ثاني شي لو تسمحلي اقول وجهة نظري , يالغالي عدد ساعاتك المتبقية مثلي بالتمآم

ونا زيك فكرت قلت انزل 23 الترم ذا والصيفي 14

لكن بعد ما استفسرت من الأخوان وكل مين عطاني وجهة نظره لمن اقتنعت واحب اعرضها عليك

اول شي يالحبيب لاتضغط نفسك عشان تتخرج وبس ،، ماشاء الله معدلك حلو وتقدر ترفعه بسهوله

ونصيحتي لك لا تتخرج صيفي .. السبب لان الي يتخرجون صيفي يتعبرو خريجين دفعة 1432

اما خريجين الترم الأول راح يكونو من 1433

وهناك حيكون في تفاضل بكل شي و33 لهم الحق بالبعثات اكثر من 32 وغيرها

وكل شي يفتح بعد الحج حسب ما قالولي الأخوان والله اعلم

والسبب الثاني انك تقدر تاخذ 18 الترم ذا

وصيفي 9

و18 الترم الأول .. راح تقولي شلون ونا باقيلي قليل ، اي ماده درستها قبل كذا تقدر تاخذها مره ثانيه مثل الأقناع او مواد حره والمواد الي تقدر تجيب فيها 90 نزلها وراح تنحسبلك بالمعدل وترفع معدلك بدون ماتخسر شي وتقدر تتخرج جيدجدآ بسهوله

هذه نصيحتي وحسب كلام الأخوان

اتمنى لك التوفيق والنجاح وان شاء الله تكمل الماستر والدكتوراه وتحقق كل طموحآتك

بعدك شبآب مافي شي صعب ^^


موفق

[abrahim]

الله يكتب لك الي فيه الخير وبالتوفيق والنجاح حليفكم باذن الله

[سيف الاحزان]

الله يوفقك يابوسديم
ويرزقك ودعواتنا لك بالنجاح والتوفيق

والاخوان ماقصروا صراحه بالردود والتوضيح

وسؤالي للاخ وليد العاطفه بالنسبه عن كيفية اضافة مادة تم دراستها سابقا
مره اخرى

والله يوفقكم جميعا

[مشاري الجش]

الله يوفقك يابو سديم تستاهل كل خير والله يسهل امرررك

هذا اقدر الى اقوله له ما عندي شي يالغالي انا استفيد منك يالغلا

بالتوفيق والنجاح

[-MAJED-]

الله يوقفك يابو سديم ويسر امورك وشاهدة حق الي زيك ياابو سديم اتعلم منه ماعلمه

[abrahim]

بالتوفيق لك يابو سديم و لزملاء

[وليد العاطفه]

المشاركة الأصلية كتبت بواسطة سيف الاحزان الله يوفقك يابوسديم ويرزقك ودعواتنا لك بالنجاح والتوفيق والاخوان ماقصروا صراحه بالردود والتوضيح وسؤالي للاخ وليد العاطفه بالنسبه عن كيفية اضافة مادة تم دراستها سابقا مره اخرى والله يوفقكم جميعا

هلآ أخي الحبيب

تروح الشوؤن الطلابيه وتنزل الماده الي تبيها حتى لو سبق درستها او الشي الثاني انك تنزل مواد حره اضافيه مثلآ ترم تخرجك باقيلك 12 ساعه بس ، تنزل 6 ساعات بعد وتصير 18 كذا ومنت خسران واغلب الي اعرفهم ينزلوا مواد مادرسوها من قبل عشان الملل ينزلوا مواد حره ويكون يقدر يجيب فيها 90

منها الفايده وثانيآ رفع المعدل .. والله أعلم

موفق اخي

[أبو سديم]

المشاركة الأصلية كتبت بواسطة أ.ع أهلاً وسهلاً (بالأخ الروحي) لطلاب الانتساب الله يوفقك دنيا وآخره ويحقق لك ما تصبو إليه.. نقطة وحيدة فقط أستطيع إفادتك بها وهي أن قسم الإعلام قد لا يكون به صيفي فإذا تبقى لديك مواد عامة أو متطلب من خارج القسم فإرجاءها إلى الترم الصيفي وطبعاً هذا الترم تركز على مواد القسم بالإضافة إلى التدريب العملي 2 ونحن معك قلباً وقالباً إلى أن تصبح دكتور بإذن الله يابو سديم

مشكور أخي العزيز ...وبيض الله وجهك
كبرنا على الدراسة نبي الماستر عشــان أبنائي حتى العمل ما يعطي موافقه على تكملة الماستر بعد الأربعين .. ولكن هذا طموح أتمنى أن حققه