ضروري للكل بخصوص التخصصات

[fano.jed]

سؤال مهم جدا ابغا اسال انا خلصت تحضيري وتخصصت في كلية الاعمال برابغ وهذا رابع ترم لي لكن للان مواد عامة ماتخصصت التخصص الرسمي كنت ابغا موارد بشرية .. ابغا اسال اللي اتخصصو او اللي يعرفو متى اقدر اتخصص وايش الشروط وكيف الطريقة اللي يعرف هاذي المعلومات يفيدني ....

[oolano]

ياعسل معروف اول ماتخلصي السنه التحضيري على طول تتخصصي وطبعن يكون كذا خلصتي سنه

والسنه الثانيه تكوني متخصصه بس تدرسي مواد عامه لكليه الاعمال برابغ وطبعن كذا تخلصي سنه

وبعدها السنتين الاخيره تدرسي المواد الخاصه بتخصصك

وفي الاخير انتي اول مادخلتي فرع رابغ يعني اخترتي تخصصك ولا كيف تدرسي مواد عامه لكليه الاعمال

[fano.jed]

لا يا oolano لسا مواد عامة انا ابغا موارد بشرية ولسا انا كلية اعمال لكن مواد عامة قبل التخصص

[oolano]

انتي لمن دخلتي كليه الاعمال برابغ ايت تخصص اخترتي ؟

[fano.jed]

Oolano حبيبتي انا ماخترت شي اشبك ياقلبي من اول باقول بعد ماخلصت السنة التحضيرية جاني اختيارين اداب ولا كلية الاعمال برابغ اخترت كلية الاعمال برابغ بعدها نزلتلي مواد كتيرة وانفتحت ليا مواد الحذف والاضافة وصرت اقدر اضيف واحذف مادة على كيفي نزلت 3 مواد واختبرتها ودحين دا الترم الرابع ونفس الشي دا اللي صار معايا ماجاني تخصص لانو لما اخترت كلية الاعمال بعد السنة التحضيرية ماكان في غير يا اختار اداب او كلية الاعمال برابغ واخترت كلية الاعمال وللان مواد عامة مافي تخصص... دا جوابي لي سوالك ...


اما سوالي انا انو انا دحين كيف اتخصص لو ابغا لاني ماتخصصت شي زي ماشرحت لك ؟

[oolano]

لمن نزلك المواد كم جدول نزلك اذا 8 جداول يعني متخصصه ومو معقوله ينزلك المواد بدون التخصص افضل شي عشان تتاكدي ادخلي على الاوديس وشوفي ايش كليتك وتخصصك

[مجنونة بيبي]

ترى اانا سويت الشي دا بالجامعه وقلتلهم ابغا موارد بشريه قالت تم

ولكن بالاودس ماينكتب انه التخصص موارد بشريه مدري ليش

يوم كلمت صحبتي قالتلي هوا كدا ..!

يمكن زي ماقالت العسل انه اول سنتين كدا بعدين ندرس المواد تبع القسم

والله اعلم ...

اسمعي روحي الجامعه انتي لازززم قبل لاينقفل ويروح عليكي الوقت روحي قوليلهم وخليهم يشوفو حل لمشكلتك

[fano.jed]

مكتوب الكلية .. كلية الاعمال برابغ والتخصص مكتوب كلية الاعمال برابغ مستجد... هذا الشي طلعته من جدول الاستعلام وبعدين انا موادي مو 8 انا دحين موادي الباقية من خطتي الدراسية 12 مادة اضفت 4 مواد في جدولي حيبقالي 8 يمكن بعدها اقدر اتخصص

[مجنونة بيبي]

^

انا زيك بالضبط واخترت 4 مواد ( عربي المستوى الثاني + مبادئ في ادارة الاعمال + مبادئ التسويق + ادارة العمليات )

ومكتوب زيك بالضبط بالاودس .. مع اني بالجامعه لمن اعطوني ورقه ومليتها بالبيانات خلوني اكتب التخصص موارد بشريه

وحتى الاستاذه الي سوتلي تحويل من كليه لكليه جلست تكلمني عن كل قسم بكلية الاعمال برابغ

واقنعتني ادخل موارد وسجلت بالكمبيوتر الشي دا وبالورقه يعني كتبتني كدا !

عشان كدا ضامنتها يعني .. وعشان كدا قلتلك روحي الجامعه لايفوتك شي ويكون مو لصالحك ياعسل :(

[oolano]

انا مو قصدي 8 مواد قصدي 8 جداول وفي كل جدول في 5 او 6 مواد وانا الى اعرفه الشي الطبيعي بعد ماخلصت التحضيري على طول اتخصصت قانون ب كليه الاعمال برابغ وانا الان ادرس هاذا السنه مواد عامه
خاصه بكليه الاعمال وان شاءالله السنه الجايه ابدا في مواد تخصصي افضل انك تراجعي العماده او اتصلي