سبحااان اللي خلق وفرقً... :/ معاناة مع الدكتوراتً

[عروقي شماليه]

السلامً عليكمً ورحمة الله وبركآتهً..

.

.


اليومً بً أتكلمً في موضوعً..نشوفً سلبيات وإيجابياتً بعض الدكتوراتً في اللجآمعه..وبعض المواقفً

السمستر الماضي أخذت مآده مع دكتورهً عربيهً..المهمً بصرآحه وكلمت الحقً تنقآل كآنت قممهً..
وهي سبق ودرست في إحدى الجامعات في بلدها طب لمدة سبع سنينً..وأشرفت على رسائل الماستر السمستر الماضيً.

وكانت تروحً لمؤتمرآت وجدولها زحمممممممهً مع هذا كله كآنت تلتزم بوقتها ..بمواعيد محاضراتها..بساعتها المكتبيهً..
لدرجهً وربي أيآم الإختبارات النهائيه أعطتنا رقمهاً ..كانت تقول أي سؤال يخطر ع بآلك إتصلي في أي وقتً..

وكنت أجيها بساعىتها المكتبيه وتشرحً لي ..ً

مرهً كآن عندي هومورك لماده ثانيه وفيه أسأله ماعرفت حلهاً رحت لهذي الدكتورهً..وسألتهاً..
ماشاء الله عرفت الحلً وكتبته لي بخط يدهاً..لا وقالت يابنتي خليني اتاكد لك ..وفتحت الجهاز ..وكانت تبحث بالمواقع عن الإجابهً..والله ماقد شفت إستاذه تساعد طالباتها مثلهاً..


ذا السمسترً العكسً..أخذت مآده ماهي سهله مع دكتورهً سعوديهً...أول محاضرهً تدرونً وش قالت:

قالت اللي مآتعجبها المحاضره تتفضل برا..؟!

لا وضحكت يوم قالت..: الحمدللـه مآعنديً ساعات مكتبيه لاني مشغوله وعندي وعنديً( تكفين يالمشغولهً..

واللي زآد الطين بله مآتراعي الظروفُ ولاشييء..تعتبر الطآلبه أقل منها لأنها فقطً دكتورهً..

بعض الدكتورات الله يهديهم مدريً ليه يتكبرون ويعقدون البنات من المآده..؟

والله يوم شفت كلامها تذكرت الاستاذه العربيه قلت سبحان اللي خلق وفرقً..

أبً اعرف بعض الاستاذات لً صارت دكتوره تعتبر البنات ولاشيء..!؟
ليه يتكبرونً وهم في يوم كآنوا ع نفس الكراسي اللي جالسين حنا عليها ألحين.؟!

وبعدينً فيهً شيء يشتركون فيه أغلب الدكتورات اللي يدرسونيً مثلاً..أخذت مآده بالتحضيري

اسمها 110..

الله يرحم بالتحضيريً ألحين انا وين والتحضيريً وينً: تجي أستاذه تقول مآ أخذتوا هالمعلومه بالتحضيريً..

أنا ماتذكرت العشا حق أمس أتذكر معلومه قبل سنه وعليهاً..!

ثاني شيءً.ابتكلم عنه هذي الكتب اللي مدري من وين يجيبونها لنآً..كلها كبي بستً ولاآ يدرون وش فيهاً

فييييييييييه نقص بالكتب..ولازآلت رحلة البحث مستمره عن الكتبً..

ألحين أنا أتسألً..مثلاً استاذه تشرحً من السلايدآت..وتقول ذاكروا من الكتابً..والكتاب للحين مو متوفرً.

وش اللي يمنعً مثلاً لو نذاآكرً من السلايدآت...يعني تصعبون المنآهج عشان تثبتون إن المآده مهمه ولا وش..؟!

فيه شيء مهم: إستاذه تحط رقمها ع الأودسً وهو أصلاً يً مقفلً يً ماتردً..وش سالفتهمً..؟!

عذرآ ع الإطاله كتبت الموضوع بسرعه قبل لاتطير معلوماتيً :)


دمتم بخيرً

[دلوعة ابها]

هههههههههههه

[زمردة 2009]

لا بركة فيهن شوفي هي السعوديه لازم تسوي يعنني مستانسه إنها دكتوره والله أتذكر بالتحضيري كانت من زود فرحتها

إنها دكتوره تكتب على بلوزتها دكتوره مدري مين تبي تعلم خلق الله كلهم إنها دكتوره وكأنها جايبه شهادتها من بريطانيا

الي ترفع خشمها عليكِ أرفعي خشمك عليها وخذيها قاعده من مجربه يرى الناس صغيراً ويرونه صغيراً).!

صح مالنا كلمه عليها وبيدها درجاتنا لكن لما كل

شوي تروحين لمكتبها وتنشبين لها تحس إنها شي وهي ماعندك أحد أصلاً والله ولحد درى عنها حتى لو كنت أبي أودي لها

أعذار ولاشي أحطه مع قرنشعها الي تجيبه الكلاس هي بعدين تفكفك العده وتحصله ^^

والله دوم تصير هالحركه تشرح من السلايدات وتقول ذاكرن من الكتاب لازم تسوي للكتاب داعي مهيب داريه شلون

لكن أنتِ أعرفي لكِ وحده من البنات الي معها الكتاب وتأشر السلايد أول بأول وأشري منها وأنتهى

والله كل الي تقولينه موووجود للأسف ماكذبتِ وأنا أشهد

ترا الكلمه الي بتوقيعي أخذتها منكِ علشان نكون محافظين على حقوق النشر^_^

[6flah]

أختي الامانة مالها جنسية ولا عرق ,,

مشكلة هالدكتورة السعودية مثل كثير طالبات يدخلون الجامعه بس عشان تكون عندهم شهادة يترفعون فيها عن الخلق !!

هاذي مشكلتها م عندها نية ورسالة ,, هاذي يله راتبي و كرسيي ,,

عادي ي بنتي ثقافة مشتركة عند الجميع الا من رحم ربي ,,

موضوع حرك كثيـــــــــر والله ,,

[سكووت]

ايام التحضيري كنت اخد انقلش مع اساتاذة ماليزية اسمها ادابيا الله يحفظها , من أروع الشخصيات اللي اثرت فيني , مررررة منضبطه عالوقت , تشرح بذمة ,ما تغيب , وتراعي الله فينا ..
دا الشي ضايق الطالبات مو متعودين الا عالدلع و الخروج بدري ,سارت مشاكل معاها و البنات طلبو منها تخرجهم بدري و كل شويا يقولو خلاص استاذة طفشنا و خرجينا !!! كانت مصدومة من الاسلوب ..
و على نهاية الترم في بنات قدموا شكوى و تم انهاء عقدها بالجامعة و جاتنا تبكي و تسأل انا ايش سويت لكم ؟
دموعها حزت في خاطري ..

اما وقت الحذف و الاضافة , مشرفتي -سعودية- ماجات الا 9 وشي ,يعني حتى انتظام عالوقت مافي , غير انو مافي التزام بالساعات المكتبية و غيابات ..

برضو انا احب اللي يشرح بذمة وضمير خصوصا لو المادة متطلب , يجي استاذ يحذف نص المنهج و يدي ملزمة من 12 ورقة و دا الاختبار , كيف نبغى نخرج اجيال متعلمة اذا احنا بس نحذف و نحذف ونتجاهل ايصال المعلومة بكل تفاصيلها !!


انا ما اعمم طبعا وفي دكاترة ودكتورات فيهم الخير والبركة وقدوة لنا .. و إن شاء الله احنا الجيل الجديد نحاول نتجنب دي الاخطاء بتعاملنا الوظيفي بالمستقبل ..

[мαѕooяy]

الدكــآترهـ بغضضضضض النظر تماما ً عن الجنسيـة

أما - أو

دكتورهـ (أخلاق جداااا عاليـــة ومستعدة تستقبلك مليون مرهـ بمكتبهـآ وتشرح بنفس طيبه لكن للأسف - هي ماتفهم ولاتقدر توصل المعلومه )

دكتوهـ ( شرح + اخلاق = توووب < ومروآ كثييير علي الحمدلله)

دكتورهـ ( في شــرح لكن للأسف كآننـآ نشحت ×_× مرهـ وماتنعآد و دآيما بيزي وما في وقت للنقاش اصلا ً )

دكتورهـ ( لآ شرح ولآ آخلاق ) وعآد للأسف مو مظلوم غير الضحايا احنا

المشكـلة المفروض الدكـآترهـ يكون لهم لجــنة تختبرهم كل فتره وفترهـ

لانوآ احنا طلاب وطالبات جامعة ... المفروض نتخرج و عندنا كل الإمكانيات الشاملة في المجال اللي آخترنـآهـ

.،،

الله يصلح الأحوال

[bint aboha]

السلام عليكم ورحمه الله وبركاته

صحيح الحمد لله انا ف الكليه اللي يدرسونا كلهم معيدات

ماعندنا دكتورات وهذا اهم شي عندي المعيده زيها زي

الطالبه لو ايش ماسوت ماتقدر ترفع مناخيرها فوق للأن

كلمتين للشؤون وغيرهم يطيروها اما الدكاتره مشكله لو

تشتكي من اليوم لبكره انتي الغلطانه وهيا المظلومه عموما

بعض الأشخاص لمن يكون لهم مكانه او سلطه يشوفوا نفسهم ع غيرهم

يتذكروا ايام الطفوله يوم انهم كانوا ولا شي وصاروا شي

الأمانه ف الرقبه وإنتي وضميرك هدى الله الجميع اتمنى من جامعه

الملك عبد العزيز إنها تحط لجنه دائمه تشوف احوال المدرسين

طبعا مانبغى ايام المدارس يوم ان الأستاذه تعرف الموجهه اللي بتجيها

قبلها بأسبوع و تقعد تزبط حالها وتزبط شرحها لو تقوليلها أبغى

أجلس ف كرسيك تقول إنتي تامري أمر

تقبلي مررورري وموضوع ف الجرح

["~* بيادر *~"]

المشاركة الأصلية كتبت بواسطة سكووت ايام التحضيري كنت اخد انقلش مع اساتاذة ماليزية اسمها ادابيا الله يحفظها , من أروع الشخصيات اللي اثرت فيني , مررررة منضبطه عالوقت , تشرح بذمة ,ما تغيب , وتراعي الله فينا .. دا الشي ضايق الطالبات مو متعودين الا عالدلع و الخروج بدري ,سارت مشاكل معاها و البنات طلبو منها تخرجهم بدري و كل شويا يقولو خلاص استاذة طفشنا و خرجينا !!! كانت مصدومة من الاسلوب .. و على نهاية الترم في بنات قدموا شكوى و تم انهاء عقدها بالجامعة و جاتنا تبكي و تسأل انا ايش سويت لكم ؟ دموعها حزت في خاطري .. اما وقت الحذف و الاضافة , مشرفتي -سعودية- ماجات الا 9 وشي ,يعني حتى انتظام عالوقت مافي , غير انو مافي التزام بالساعات المكتبية و غيابات .. برضو انا احب اللي يشرح بذمة وضمير خصوصا لو المادة متطلب , يجي استاذ يحذف نص المنهج و يدي ملزمة من 12 ورقة و دا الاختبار , كيف نبغى نخرج اجيال متعلمة اذا احنا بس نحذف و نحذف ونتجاهل ايصال المعلومة بكل تفاصيلها !! انا ما اعمم طبعا وفي دكاترة ودكتورات فيهم الخير والبركة وقدوة لنا .. و إن شاء الله احنا الجيل الجديد نحاول نتجنب دي الاخطاء بتعاملنا الوظيفي بالمستقبل ..

سكووووت ذكرتيني بأستاذة ادابيا الماليزيه ربي يسعدها دنيا وآخره ، اخذت معاها من زماااااان بس والله ما نسيتها

سوررري اختي عروقي شماليه داخله عرض في موضوعك بس والله ما صدقت اعرف شيئ عن استاذتي لاني اشتقت لأيامها ومن زمان نفسي اعرف شيئ عن اخبارها
وبالنسبه لتصرفات بعض الدكتورات اللي يتكبرون على الطالبات للامانه ما جربت هذي النوعيه من الناس وان شاء الله ما اجرب بس اني سمعت من بعض الزميلات وتقريباً مشابهه للقصص اللي ذكرتيها

الله يعطيك العافية

[كيميائية العام]

بس يابنات حرام عليكم لا تعممو في دكاترة سعوديات مافي زيهم يعاملونا زي بناتهم وطبعا في غير ذلك
وانتو كمان لا تستهينو من نفسكم تلاقيهم من كتر ماشافو بنات مستهتترات يعني حتى احنا الطالبات لينا شوية حركات

[جوزائيه]

فعلا فيه استاذات يجيبوا الهم
وفيه تحطيها على الجرح يبرى من الاسلوب والتعامل والاسئلة
وطبعا اتكلم عن الكل سعوديات وغيرهن ..