مكافات لطلاب الانتساب

[الوليد عجاج]

السلام عليكم

وصلني خبر ان شاء الله يكون مؤكد هو نزول مكافئتين لجميع طلاب الانتساب .

ان شاء الله يكون الخبر صحيح:

[تميمي عسل]

لاياخذون في الصيفي رسوم وهذي تكفي اما مكافأة مانبي

[الهاشمي 111]

الله يسمع منك ونحن في الانتظار . والله المستعان

[Microsoft]

انا استلمتها قبل عشر سنوات


لو قلتو يلغون الرسوم يمكن اصدق .. لكن يصرفون هذي من سابع المستحيلات

[نورمل]

قصدك حنا نكافئهم برسوم الترم الصيفي
مستحيل

[فهيد الدوسري]

ماتوقع مانبي شيء منهم الا يساعدون بعض الطلبه الي مايقدرون يسددون الرسوم

[قيصر جدة]

الواحد يكون واقعي خلونا نحسبها بالعقل كيف تدفع كل ترم ثلاث الاف ريال ويعطوك مكافأة ماتجي من باب اولى الغاء الرسوم او اعفاء ترم على الاقل صح ولا لا ياأخوان

[تميمي عسل]

والله العظيم طلاب الانتساب مظلومين ظلم كبير ولاحد وقف معنا من الاعلام ومن المسؤلين . ياخي ليه ادفع ثلاث الاف ريال كل ترم ؟ ياخي مايخسرون علي الا 6 اوراق لكل ترم(أوراق اختبارات ) ماتجي قيمتها ريال واحد ,بعدين عندي سؤال : ليه التميز بين طلاب الانتظام والانتساب؟ يعني هذوليك مواطنين وحنا يهود ؟ ياخي والله شي يرفع الظغط لكن خلها على ربك وعليكم بالدعاء

[بن سميدع]

في البداية السلام عليكم يا اخوان

واحب اشكر اخوي ابو الوليد اللي تطرق لهذا الموضوع

يا اخوان بخصوص المكرمة الملكية اللي نزلت قبل فترة لطلاب الانتظام ، صدر قرار فالجامعه انها تشمل طلاب الانتساب جميعا .

الخبر مؤكد مليون فالمية ، انا اليوم جاني الخبر من اخوي العزيز ابو الوليد وفعلا رحت للجامعه اتأكد ورسلوني لعمادة شؤون الطلاب ، ويوم رحت قالولي ايوة فيه ، وحولوني لقسم ادارة المكافأت .

يوم سألتهم عن صحة الخبر من عدمه ، الاخوان الموظفين في قسم المكافات اكدوولي الخبر انه صحيح

سألتهم عن آلية صرف المكافات كيف راح تكون ؟؟ وكان ردهم باذن الله راح يكون في توضيح شامل عما قريب في موقع الجامعه الرسمي ، وعن استلام المكافات راح يكون من اول شهر 8 بالهجري لين اخر الشهر

والسبب انه راح يكون في آلية فرز لجميع طلاب الانتساب ، وطبعا راح يستغرق الامر وقت ..

ختاما با اخوان انا نقلت لكم الخبر من باب التأكيد لكلام اخوي ابو الوليد واللي يحب يتأكد شخصيا ، يتوجه لمبنى عمادة شؤون الطلاب ويطلع الطابق الاول ويروح دايركت لقسم ادارة المكافآت وراح يأكدوله الخبر

والسموحة طولت عليكم

[البهش]

المشاركة الأصلية كتبت بواسطة نورمل قصدك حنا نكافئهم برسوم الترم الصيفي مستحيل

كلام جميل وهو الواقع