 السلام عليكم ورحمة الله وبركاتة
أشكر لكم تجمعكم وحرصكم على الرد على الاستفسارات والبحث عن المعلومة.
أنا طالب هندسة كيميائية في المستوى التاسع لي وعندي تدريب صيفي إلزامي من الكلية
وقدمت على برنامج التدريب الصيفي وجاني قبول والحمد لله
ومكان تدريبي مكتوب في الجبيل بس ما ادري وش منشأت ارامكو الي بالجبيل ممكن اتدرب فيها
بحث عنها وسألت قالوا احتمال تكون في معامل الغاز في الجبيل البري
سؤالي هنا لطلاب كلية الهندسة سواء في جامعة الملك عبدالعزيز او خارجها
هل التدريب في ارامكو (حسب ماسمعتوا او احد سبق ان تدرب في ارامكو)
مثل ماذكر الشباب في المواضيع للسنوات الماضية
انه مسحوب عليك وان الدعوة سايبة مجرد كمبيوتر ويوزر وبريك غداء
وكورسات اي لرنينق وخلاص
يعني انزل للمعامل اشوف تطبيقات هندسية وامارس جزء من تخصصي مثل المضخات او ابراج التقطير او المكثفات
ولا بس مكاتب وخلاص لان الي اعرفهم فيه ناس ما استفادت وفيه ناس تدربوا واستفادوا كانوا في مصفاة بقيق ومعامل الغاز في شدقم يعني على حسب المشرف انت وحظك بالمشرف
لان عندي عرض عن طريق الجامعة من شركة سابك وحسب ماسمعت سابك تدريب عملي بحت وتنزل المصنع والمشرف عليك يطلب منك مهام ويعطيك شيتات للتطبيقات
وميزة سابك التدريب خاص بطلاب الهندسة يعني يتفرغ للطلاب المتخصصين
بس مشكلة في سابك ماتدري وين بتكون الا باليوم الاول للدوام يا تتدرب في مصانع الجبيل او مصانع ينبع او مركز الابحاث بالرياض ( وهذا الي مابيه مركز الابحاث)
وكلها شركات ممتازة وامارس تخصصي فيها بس طبيعة التدريب تحكم علي
والمعذرة على الاطالة والله يوفقك الي ماجاه قبول ويبشرونا بالقبول سواء في ارامكو او اي مكان فيه الخير والبركة
|
وعليكم السلام ورحمة الله وبركاته
انا تخصصي اداري وليس هندسي ولكن بحاول افيدك بحسب خبرتي في التدريب مع ارامكو لاني سبق اتدربت...
انا اتدربت في ينبع وكان معاي طلاب في السكن من جامعة البترول يطبقوا في ينبع وتخصصاتهم هندسية حسب كلامهم فيه شغل وينزلوا السايت..وبرضو افتكر في طلاب طبقوا في سابك كان مبسوطين في ينبع
انا عن نفسي خلال تدريباتي اول اسبوع تقريبا مافي شغل الين تطفش، يعني يوم كان تدريبي مع ارامكو في الظهران علي بال ما يجيني اليوزر والشغل طفشت سرت كل شوي اروح للموظفين والسوبرفايزر اسالهم ايش تسووا اعطوني شغل..الخ. وبعدين في ايام كانت تجيني حتى بريك ما اروح من الشغل ^ـ^ فاعتقد اوقات حسب الادارة الا انت فيها يعتمد الشغل.
فانت اذا شايف سابك ممكن تفيدك اكثر فاتوكل على الله..ايضا سمعت شلمبرجير ممتازة لطلاب الهندسة وفيها كرف شغل..
وان شاء يفيدوك طلاب الهندسة اكثر