تدريب أرامكو الصيفي 2015 (تجمع للمتقدمين)

[ChE Student]

السلام عليكم ورحمة الله وبركاتة
أشكر لكم تجمعكم وحرصكم على الرد على الاستفسارات والبحث عن المعلومة.

أنا طالب هندسة كيميائية في المستوى التاسع لي وعندي تدريب صيفي إلزامي من الكلية
وقدمت على برنامج التدريب الصيفي وجاني قبول والحمد لله
ومكان تدريبي مكتوب في الجبيل بس ما ادري وش منشأت ارامكو الي بالجبيل ممكن اتدرب فيها
بحث عنها وسألت قالوا احتمال تكون في معامل الغاز في الجبيل البري

سؤالي هنا لطلاب كلية الهندسة سواء في جامعة الملك عبدالعزيز او خارجها
هل التدريب في ارامكو (حسب ماسمعتوا او احد سبق ان تدرب في ارامكو)
مثل ماذكر الشباب في المواضيع للسنوات الماضية
انه مسحوب عليك وان الدعوة سايبة مجرد كمبيوتر ويوزر وبريك غداء
وكورسات اي لرنينق وخلاص
يعني انزل للمعامل اشوف تطبيقات هندسية وامارس جزء من تخصصي مثل المضخات او ابراج التقطير او المكثفات
ولا بس مكاتب وخلاص لان الي اعرفهم فيه ناس ما استفادت وفيه ناس تدربوا واستفادوا كانوا في مصفاة بقيق ومعامل الغاز في شدقم يعني على حسب المشرف انت وحظك بالمشرف

لان عندي عرض عن طريق الجامعة من شركة سابك وحسب ماسمعت سابك تدريب عملي بحت وتنزل المصنع والمشرف عليك يطلب منك مهام ويعطيك شيتات للتطبيقات
وميزة سابك التدريب خاص بطلاب الهندسة يعني يتفرغ للطلاب المتخصصين
بس مشكلة في سابك ماتدري وين بتكون الا باليوم الاول للدوام يا تتدرب في مصانع الجبيل او مصانع ينبع او مركز الابحاث بالرياض ( وهذا الي مابيه مركز الابحاث)
وكلها شركات ممتازة وامارس تخصصي فيها بس طبيعة التدريب تحكم علي

والمعذرة على الاطالة والله يوفقك الي ماجاه قبول ويبشرونا بالقبول سواء في ارامكو او اي مكان فيه الخير والبركة