هل هذه الجهة الرسمية موجودة أمـ لا ..؟!!

[P!nk ink]

السلامـ عليكمـ

اللهمـ صلى وسلمـ على حبيبنا وقدوتنا وشفيعنا " محمد بن عبدالله "
وعلى آله وصحبه ومن والاه

-------------

موضوع يدور في مخيلتي لايامـ طويلة لا أجد له جواب
والآن اتيت كي اطرحة بين ايديكمـ ..

آمله منكمـ أن تعطوني الجواب الكافي للرد إستفهامي ..

.
.
.

القصة ومافيها انه في إحدى الايامـ يومـ " الزحمة العالمي " عند الصرافات يومـ 25 في الشهر

وقفنا سيارتنا عند صرافة عشان اصرف لي فلوس

شوي وإلاشحاته تدق الشباك حق السيارة شايلة ولدها في يدها

تبي كمـ قرش ..!

والمشكلة باقي ماصرفت ولا تهنيت بالفلوس حتي

انا استغربت من وين طالعة دي ..!!

انا على خبري نلقاهمـ عند الاشارات أو في الاسواق او في البحر

الموهيمـ .. صرفتها زي تصريفة اي مواطن سعودي بيدي " على الله "
وهي تأشر بيدها على الصرافة بقصدها
انو عندك فلوس لاتصرفي

وانا كنت خارجة من الجامعة واشتريت عصير ومافكيته فطلعته من
الشنطة واعطيتها اشرت بيدها " لا "و تطالع في الصرافة

الزبدة انها ماتزحزحت من عندنا إلا واعطيناها المقسومـ غصب

بس عجبني مكانها استراتيجي بصراحة

.
..
..
.

في جدة غير كثير نشوف شحاتين اشكال والوان
وفــ كل مكان نروحه نلقاهمـ حتي صارو من المعالمـ التراثية عندنا
يعني مستحيل توقف عند إشارة وماتلقي حجة شايلة ولدها على ظهرها تشحت
أو يماني مهرب يبيع موية و حلاوة قطن او فل وورد

ودحين تطوروا كثير صاروا يبيعون العاب وبالونات

انا اشوف انها ظاهرة انتشرت بكثرة ومالقيت لها الرادع اللى يوقفها عند حدها ..
و هذا الرادع يبغاله رادع اقوي منه ..

افتكر شي زمان اسمه (( مكافحة التسول )) إذا ماخاب ظني ..

تذكرونه وإلا لا ؟!!

ماادري وين مختفيه هذى الجهة الرسمية ..!!

كل يومـ بيزيدو اعداد الشحاتين اكثر من اول ..

صارت الشوارع والمرافق العامة تزدحمـ فيهمـ
والمنظر مقزز للغاية لا يدل على ان جدة مدينة حضارية

شي لايطاق

.: سؤالي :.

هل هذه الجهة الحكومية موجود أمـ لا ؟؟

وإن كان الجواب بــ " نعمـ "
فاين دورها ؟؟

.
.

والسلامـ على خير الانامـ

[صوت الفجر]

طبعا مايبغالها سؤال مو موجوده ...

لو كانت موجوده كان ماشفناهم يشحتون وعلى قولتك صاروا من المعالمـ التراثية !!!

تقبلي مروري ...

[TURKI ALharbi]

الجهه هذي موجوده مو الحكومه تعطيها فلوس من الميزانيه الالا موجوده وتستلم راتب يوم 25 واحتمال يكون فيه منهم من مسهل الشحته لبعض الشحاتين وداخل معاه بنسبه جايز صار عندهم خبره عرفو ان الشحاد بيكسب قالو بدل نمسكو نشغله لنا واهو الراتب يصير في الرصيد والشحادين يصرفون علينا
واما بنسبه لمكه لا اله الا الله
قسم بالله فيه شارع عند الحرم تقريبا 500 متر كلللللللللللهم شحادين بنص الشارع جالسين والعسكر والبلديه جنبهم الا مكافحه التسول غير موجوده
وكل اشاره في مكه فيها حجه محجره لولدها على ظهرها تشحت وليتها تاخذ الشيء وتسكت لا تتشرط بيجي يوم تعطيها ريال ترميه بوجهك كل اشاره كل محل قسم بالله الواحد يخاف يطلعون له بالاحلام وشكلو بيجينا يوم الحجات يمسكو الاشارات بدل حقون المرور وماتفتح الاشاره الا بريال ولا بعشره
بنهايه انا متاكد ان حقون مكافحه التسول ماعندهم وطنيه ولا اى انتماء للوطن همهم الراتب والفلوس والبلد على قولهم تولع مو مهم
موضوع حقه سطعطرش ستارز

[أبوايلان]

أذا غابت الأمانه غاب كل شيء

[صوت الفجر]

قوربتشوف دخل هجوم

هدي اعصابك

[P!nk ink]

المشاركة الأصلية كتبت بواسطة صوت الفجر طبعا مايبغالها سؤال مو موجوده ... لو كانت موجوده كان ماشفناهم يشحتون وعلى قولتك صاروا من المعالمـ التراثية !!! تقبلي مروري ...

اقترح يحطون لهمـ زاوية خاصة في مهرجان الجنادرية

حرامـ ظلموهمـ إعلاميا

مرورك على عيني وراسي وخشمي

[P!nk ink]

المشاركة الأصلية كتبت بواسطة قوربتشوف الجهه هذي موجوده مو الحكومه تعطيها فلوس من الميزانيه الالا موجوده وتستلم راتب يوم 25 واحتمال يكون فيه منهم من مسهل الشحته لبعض الشحاتين وداخل معاه بنسبه جايز صار عندهم خبره عرفو ان الشحاد بيكسب قالو بدل نمسكو نشغله لنا واهو الراتب يصير في الرصيد والشحادين يصرفون علينا

المشاركة الأصلية كتبت بواسطة قوربتشوف واما بنسبه لمكه لا اله الا الله قسم بالله فيه شارع عند الحرم تقريبا 500 متر كلللللللللللهم شحادين بنص الشارع جالسين والعسكر والبلديه جنبهم الا مكافحه التسول غير موجوده وكل اشاره في مكه فيها حجه محجره لولدها على ظهرها تشحت وليتها تاخذ الشيء وتسكت لا تتشرط بيجي يوم تعطيها ريال ترميه بوجهك كل اشاره كل محل قسم بالله الواحد يخاف يطلعون له بالاحلام وشكلو بيجينا يوم الحجات يمسكو الاشارات بدل حقون المرور وماتفتح الاشاره الا بريال ولا بعشره بنهايه انا متاكد ان حقون مكافحه التسول ماعندهم وطنيه ولا اى انتماء للوطن همهم الراتب والفلوس والبلديه على قولهم تولع مو مهم موضوع حقه سطعطرش ستارز

كمان وسط الحرمـ موجودين وبكثرة

استغفر الله العظيمـ انا اذكر مرة لما كنت صغيرة دعست واحد فيهمـ والله ماشفته
ماعنده رجول حاط الشبشب الله يكرمكمـ في يداته وقاعد يحبي على بطنه
وانا ماشيه مفهية اطالع في الابراج وماحسيت نفسي إلا وانا مرتفعة عن سطح الارض
اناظر تحتي إلا واشوف دا المسكين يقول " آآآي " ياحليله فرمته

.
.

صحيح ماعندهمـ لا ذمة ولا ضمير ولا وطنية

لكن ياجماعة مافيه مسؤول أكبر منهمـ يراقب هل همـ ادوا عملهمـ وإلا لا ؟

الدنيا كلها خاربة في جدة ..!!!!!!!!

شكرا على الــ سطعطرش ستارز

[عَـبْدالعَزِيز الهَاشِمي ™]

طيب ليه هما يشحتو ؟


إيش السبب اللي أدى إنهم يمدو أيديهم . . سواء - مواطنين أو أجانب-


معالجة أصل المشكلة هي الحل ..



شكرا على الموضوع

[P!nk ink]

المشاركة الأصلية كتبت بواسطة أبوايلان أذا غابت الأمانه غاب كل شيء

%101


شكرا لتواجدك هنا

[P!nk ink]

المشاركة الأصلية كتبت بواسطة high class man طيب ليه هما يشحتو ؟ إيش السبب اللي أدى إنهم يمدو أيديهم . . سواء - مواطنين أو أجانب- معالجة أصل المشكلة هي الحل .. شكرا على الموضوع

وهل كل من يمد يده للناس يكون محتاج ؟؟!!



العفو