هل هذه الجهة الرسمية موجودة أمـ لا ..؟!!

[TURKI ALharbi]

الجهه هذي موجوده مو الحكومه تعطيها فلوس من الميزانيه الالا موجوده وتستلم راتب يوم 25 واحتمال يكون فيه منهم من مسهل الشحته لبعض الشحاتين وداخل معاه بنسبه جايز صار عندهم خبره عرفو ان الشحاد بيكسب قالو بدل نمسكو نشغله لنا واهو الراتب يصير في الرصيد والشحادين يصرفون علينا
واما بنسبه لمكه لا اله الا الله
قسم بالله فيه شارع عند الحرم تقريبا 500 متر كلللللللللللهم شحادين بنص الشارع جالسين والعسكر والبلديه جنبهم الا مكافحه التسول غير موجوده
وكل اشاره في مكه فيها حجه محجره لولدها على ظهرها تشحت وليتها تاخذ الشيء وتسكت لا تتشرط بيجي يوم تعطيها ريال ترميه بوجهك كل اشاره كل محل قسم بالله الواحد يخاف يطلعون له بالاحلام وشكلو بيجينا يوم الحجات يمسكو الاشارات بدل حقون المرور وماتفتح الاشاره الا بريال ولا بعشره
بنهايه انا متاكد ان حقون مكافحه التسول ماعندهم وطنيه ولا اى انتماء للوطن همهم الراتب والفلوس والبلد على قولهم تولع مو مهم
موضوع حقه سطعطرش ستارز