علم نفس اجتماعي - مين أضافها منكم يا حلوات ؟؟

[ظل الياسمين]

شخباركـمـ غيرلز ؟؟



شوفوا يا بنات شكلي تورطت
أنا رحت الجامعة الحلوة وأضفت مادة ( علم نفس اجتماعي ) رمزها ( PSY 351 )
وحسيت إن المادة سهلة من اسمها ,, وشكلها كيوت


عاد أنا أضفتها على إنها من 9 - 10
وبشعبة AG
وهذا إلي قريته بالورقة إلي علققوها



المشكلة يا بنات إني يوم رجعت البيت ,, وآخذت راحتي على الآخر
وقهرت أخوي الصغير لأني مارح أداوم إلا السبت الجاي << نجاسة ونذالة
قلت في نفسي قومي يا بنت وشيكي على الأستاذة إلي بتدرسك واسألي عنها بالمنتدى
قمت وفتحت قائمة الشعب وتفاجأت بصراحة
لقيت إن الشعبة إلي أنا ضايفتها AG بوقت ثاني غير الوقت إلي قريته وأضفت المادة على أساسه !!
( السالفة يا قرادة حظ أو يبغالي كشف على عيوني لأني انحولت واحتمال تكون حوبة أخوي )



عاد إلي أبيه منكم بعد هالسالفة الطويلة إلي قلتها إن إلي أضافت المادة هاذي كمادة حرة
تقولي وش شعبتها والوقت ؟؟

حاسة إني ملخبطة
والله اعلم ,, وسوست


أعتذر على طول موضوعي