علم نفس اجتماعي - مين أضافها منكم يا حلوات ؟؟

[ظل الياسمين]

شخباركـمـ غيرلز ؟؟



شوفوا يا بنات شكلي تورطت
أنا رحت الجامعة الحلوة وأضفت مادة ( علم نفس اجتماعي ) رمزها ( PSY 351 )
وحسيت إن المادة سهلة من اسمها ,, وشكلها كيوت


عاد أنا أضفتها على إنها من 9 - 10
وبشعبة AG
وهذا إلي قريته بالورقة إلي علققوها



المشكلة يا بنات إني يوم رجعت البيت ,, وآخذت راحتي على الآخر
وقهرت أخوي الصغير لأني مارح أداوم إلا السبت الجاي << نجاسة ونذالة
قلت في نفسي قومي يا بنت وشيكي على الأستاذة إلي بتدرسك واسألي عنها بالمنتدى
قمت وفتحت قائمة الشعب وتفاجأت بصراحة
لقيت إن الشعبة إلي أنا ضايفتها AG بوقت ثاني غير الوقت إلي قريته وأضفت المادة على أساسه !!
( السالفة يا قرادة حظ أو يبغالي كشف على عيوني لأني انحولت واحتمال تكون حوبة أخوي )



عاد إلي أبيه منكم بعد هالسالفة الطويلة إلي قلتها إن إلي أضافت المادة هاذي كمادة حرة
تقولي وش شعبتها والوقت ؟؟

حاسة إني ملخبطة
والله اعلم ,, وسوست


أعتذر على طول موضوعي

[الابتهالات]

الا صح كلامك هي من 9 ل 10 رحت شفتها اليوم تأكدي اي شعبه اضفتي فدو
انا قلت اضيف مدخل اتوقع اسهل من مادتك

[wardia]

هلوووو..
كيفكم واخبــاركم...

ظل الياسمين..انا ماعندي علم عن وقت الشعبة او استاذتها ..بس حبيت افيدك بشئ<<اخلصي

انا اخذت المادة قبل ترم ..مرة سهلة المادة ..وحلوة ..
وفي استاذتين ..فاطـمة الغنامي..وعفراء القين ..وبدرة الغنامي..
ان شالله تكوني عند اي وحدة فيهم...
وترى المادة مرة روعــة ..
والله يوفقكـ..

[ظل الياسمين]

الابتهالات
ريحتيني الله يريحك ,, أهم شيء إن الوقت مضبوط
وبالنسبة للمادة فأنا سألت عنها في الاداب وقالت لي وحدة إنها رائعة
وتتمنى تاخذها مرة ثانية
عاد أنا أكتفي بمرة وحدة وإن شاء الله أجيب الـ A+
بس يا بنت شلون حاطين AG من 8 - 9 في قائمة الشعب ؟؟
أنا من هنا طلعت لي قرون
و بالنسبة المدخل لعلم النفس كمان سمعت إنها سهلة ,, واحتمال تكون أسهل ما أعرف


wardia
مشكووورة يا قلبي أهم شيء إنها سهلة
أما بالنسبة للأستاذة فما أعرف مع مين

[لمعة الألماسة]

انا مااخذت هذي الماده
اخذت مدخل لعلم النفس
قالولي حلوه مرة