ابغى مساااعدتكم ..تكفوون

[Mobark]

السلام عليكمـ ورحمة الله وبركاته ...

بدخل في صلب الموضوع

انا انقبلت بكلية الهندسه ( عسفان ) ,, وبصراااحة انا ما احب الهندسة ( الرياضيات , الفيزياء )
وفي نفس الوقت مشواااار عسفان لاني انا سااكن بالجنووب...وسمعت في امكانية للتحويل لكلية ثانية

وانا حلمي اني ادخل الطب ... بس ما انقبلت فيها والحمدلله على كل حال
فابغى احول الى كلية العلوم التطبيقية او الصيدلة ... فياليت احد ينصحني ويقولي ايش الافضل لاني في هم وحيرة. هل الافضل الاستمرار في الهندسة او التحويل !!؟


ابغى نصيحتكم باسرررع وقت ...
والله يوفق الجمــــيع

[JoudY]

وعليكم السلام ورحمه الله وبركاته
الهرجه مو في ايت الأفضل
الهرجه انو انت ميولك ايش ... انت ايش تبغى تكون
اذا تبغى تكون مهندس وبتحول عشان بس المشوار لعسفان لا تحول
اما اذا انت ما تبغى الهندسه وشايف نفسك ما راح تمشي فيها حول وحدد ايش تبغى تكون ( صيدلاني او تتخص في احد تخصصات كليتنا "علاج طبيعي ـ مختبرات ـ أشعه " )

وان شاء الله ربنا يكتبلك اللي فيه الخير
ولا تنسى استخير الأول

[E.R.D]

استخيير و اكيد ربنا حيكتبلك اللي فيه الخير ... و اقرأ واسأل عن التخصصات و شوف ايش تبغا و ايش ربنا يختارلك....الله يفتح عليك و يسرلك امورك... " ما اخذ منك الا ليعطيك " :)

[Radiology]

المشاركة الأصلية كتبت بواسطة mobark السلام عليكمـ ورحمة الله وبركاته ... بدخل في صلب الموضوع انا انقبلت بكلية الهندسه ( عسفان ) ,, وبصراااحة انا ما احب الهندسة ( الرياضيات , الفيزياء ) وفي نفس الوقت مشواااار عسفان لاني انا سااكن بالجنووب...وسمعت في امكانية للتحويل لكلية ثانية وانا حلمي اني ادخل الطب ... بس ما انقبلت فيها والحمدلله على كل حال فابغى احول الى كلية العلوم التطبيقية او الصيدلة ... فياليت احد ينصحني ويقولي ايش الافضل لاني في هم وحيرة. هل الافضل الاستمرار في الهندسة او التحويل !!؟ ابغى نصيحتكم باسرررع وقت ... والله يوفق الجمــــيع

وعليكم السلام ورحمة الله وبركاته

أولاً .. وإن كانت الهندسة تعتمد على الرياضيات والفيزياء بشكل كبير لكن من الخطأ إنك تحصر الهندسة في هالمادتين .. الهندسة أوسع وأشمل من كذا ..

ثانياً .. لا تخلي مكان الكلية يأثر عليك أو يكون سبب يخليك تغير الكلية .. وتذكر أن فيه ناس كثير يسافرون لأبعد من كذا في سبيل أنه يتعلم .. وحط في بالك أن الدراسة في هالمكان مرحلة إنتقالية كلها أربع سنوات - إن شاء الله - وتنتهي ..

ثالثاً .. أقرأ وأسأل عن الهندسة وما فيه مانع تنزل لسوق العمل سواء في القطاع الخاص أو الجهات الحكومية وشوف وش طبيعة عملهم وهل هي قريبة من نفسك أو لأ .. وأيضاً أسأل عن الصيدلة ومجالات العلوم الطبية التطبيقية وبرضه انزل للمستشفيات وشوف طبيعة عملهم .. وأستخير ربك وإن شاء الله توصل للقرار السليم ..

رابعاً وأخيراً .. لا بد تستعجل في هذا كله .. عشان تضمن أنك تحول رغبتك من الهندسة لكلية ثانية ..