رأيكم يا أعضاء

[banoota mnkoosha]

السلام عليكم ورحمة الله وبركاته



اعضاء منتدانا حابة اتكلم معاكم في موضوع صار في احد المنتديات اللي مشتركة فيها واتمنى

اننا نتناقش فيه ولانخرج عنه وكل عضو يعرف حدوده في الكلام ما نبغا كل شوية احد يدق في

التاني ولا يغلط عليه خلونا حلوين مع بعض...


طيب دحين معروف انه في احتكاك بين البنات والشباب في المنتديات ودا شي مفروغ منه ,,,

ففي شلة بنات في منتدى محترمين وكل شي ويتعاملو مع كل الناس في المنتدى باحترام ...

نجي لقسم الوناسة هو اكتر شي يكون الاحتكاك ظاهر فيه بس اساس الاحتكاك مجرد اخوة

يساعدو بعض ويسالو عن بعض يونسو بعض وزي كدة يعني زينا هنا


بس الا وما تلاقي شلة كلامهم مع بعضهم كتير او يكون في اخد وعطا كتير بينهم شوية عن

الباقين ... ومافيها شي اذا كان مبني عالاخوة!!

فبعد فترة يوصل خبر للبنات انو دي الشلة يتكلمو عنهم اشياء مو كويسة ؟؟؟؟

يعني مثلا : رامين نفسهم علينا واخدين راحتهم و...........ومن دا الكلام...

ايش السبب من الكلام ؟؟؟؟؟ من جد نفسي اعرف !!!

ليش يتكلمو من وراهم ؟؟؟

يعني كل شي باين للمشرفين ولو في اي شي غلط ولا اتعدى القوانين المشرفين ما يسكتو الا ما

يعملو شي !!!!

حتقولو حتى البنات يتكلموا عن الشباب .. صح بس كلام عادي مثلا العضو الفلاني عنيد

والتاني فرفوش زي كدة بس ما نتكلم عن اخلاقه وتربيته ابدا !!!!

سامحوني اذا غلطت في الكلام.... لاني مرة مقهورة !!

اتخيل اختك ولا زوجتك ولا قريبتك كانت وحدة من البنات ؟؟؟!!

[shaden]

يسلمووو على الموضوع الاكثر من رائع
رأي انا سبب انسحابي من المنتدى القديم هو الموضوع دا رغم اني كنت مرررررة متعلقة في المنتدى واحب كل الاعضاء
بس الهرجة ومافيها انه زي مافي شباب مو كويسين في شباب طيبين ويخافوا ربنا ويعاملو البنات على انها وحدة قريبته ويخاف عليها ومايسمح لأحد من الشباب التانيين يهرج عليها

تقبلي مروري ياعسولة ورأي المتواضع

[banoota mnkoosha]

المشاركة الأصلية كتبت بواسطة shaden يسلمووو على الموضوع الاكثر من رائع رأي انا سبب انسحابي من المنتدى القديم هو الموضوع دا رغم اني كنت مرررررة متعلقة في المنتدى واحب كل الاعضاء بس الهرجة ومافيها انه زي مافي شباب مو كويسين في شباب طيبين ويخافوا ربنا ويعاملو البنات على انها وحدة قريبته ويخاف عليها ومايسمح لأحد من الشباب التانيين يهرج عليها تقبلي مروري ياعسولة ورأي المتواضع

أهلا ,,, ما توصل لدرجة الانسحاب!!! ليش تنسحبي ؟؟؟

يسلمو ياعسل ,,,,,

[ساكنه في بيتنا]

يا قلبي يا نكش لا تنقهري و لا تزعلي نفسك

المفروض اللي يسير فيهم كدا يفرحو و يشكروا اللي بيتكلموا عنهم لو قدروا عشان بيعطوهم حسناتهم ..

والله يا بنتِ فيه ناس منتِ عارفه ايش محسبه نفسها .. بس على العموم كل واحد و نيته و ربك يعين ..

[banoota mnkoosha]

المشاركة الأصلية كتبت بواسطة ساكنه في بيتنا يا قلبي يا نكش لا تنقهري و لا تزعلي نفسك المفروض اللي يسير فيهم كدا يفرحو و يشكروا اللي بيتكلموا عنهم لو قدروا عشان بيعطوهم حسناتهم .. والله يا بنتِ فيه ناس منتِ عارفه ايش محسبه نفسها .. بس على العموم كل واحد و نيته و ربك يعين ..

اهلا سكاكينو....
الموضوع مرة يقهر وينرفز !! بس على قولتك كل واحد ونيته ,,,,
يسلمو يا سكر ,,,

[dre]

الناس اطباع
مثلا في شباب من النوع اللي ادا البنت احتكت فيه ( في قسم الوناسه ) مثلا,
يحس انو هيا راميه نفسها عليه ... وزي كدا. وناس تفكر عادي , ناس ما تفرق
معاهم بنت ولا ولد .. وفي ناس يحاولو يركزو على البنت.
فا انتي لا تزعلي نفسك, دي اطباع الناس وصعب الواحد يغيرها.
والبنت الشاطره اللي تحاول على قد ما تقدر تحتك مع الكل بنفس المستوى
وما تعطي فرصه لأحد يشك انو مميز عندها . المسئله نفسيه لا اكثر,لانو
الشغله كتابه في كتابه.

سامحيني على الفلسفه
سلام

[banoota mnkoosha]

المشاركة الأصلية كتبت بواسطة dre الناس اطباع مثلا في شباب من النوع اللي ادا البنت احتكت فيه ( في قسم الوناسه ) مثلا, يحس انو هيا راميه نفسها عليه ... وزي كدا. وناس تفكر عادي , ناس ما تفرق معاهم بنت ولا ولد .. وفي ناس يحاولو يركزو على البنت. فا انتي لا تزعلي نفسك, دي اطباع الناس وصعب الواحد يغيرها. والبنت الشاطره اللي تحاول على قد ما تقدر تحتك مع الكل بنفس المستوى وما تعطي فرصه لأحد يشك انو مميز عندها . المسئله نفسيه لا اكثر,لانو الشغله كتابه في كتابه. سامحيني على الفلسفه سلام

فلسفتك حلوة ... الله يسعدك يارب ,,, كل الحكاية اني اتقهرت يعني حركة مالها داعي !!!

[الحنونة 1]

موضوعك كان ودي افتحه من زمان بس قلت خليه الى مايجي الوقت


عرفت هالكلام فترة الاغلاق ونا صراحة مرة صدمت فيها ماتوقعت انه تفكيرهم يوصل كذا ابدا انا ماكنت اعرف مين تحديدا بس هو شي واحد صدمت!!!

كنت كل مادخل منتدى مستحيل مشاركاتي تتعدى 20
هو منتدى اشتركت فيه كنت كل يوم ادخله الاقيلي كومة رسايل وبكل بساطة تركته ماحب ابدا هالاسلوب والتعامل السفيه ابدا


هذا المنتدى الوحيد اللي حسيت فيه بالراحة
الادب
الاحترام
المودة
المحبة في الله
موجودة الحمد لله

كنت دايما استغرب من الناس اللي يقعدوا في المنتدى بالساعات

بس عرفت السبب
ليش ما يحسوا باختلاف

لأنهم قاعدين في بيتهم الثاني

وسط اهلهم واخوانهم

احببت هالشعور ومن جد عشته
اكثر قسم كنت احس فيه بمشاغبة الاخوة الوناسة
مزحنا
لعبنا
اتمنذلنا
ندق في الكلام

بس كلنا عارفين انه مزح×مزح وانه لعب×لعب
ممكن كنا نزعل من بعض الاشياء

بس كل شي صار في صفحة النسيان



بس في الاخيـــــــــــــــــــر

هذي النظرة؟؟؟

عشان مزحنا
عشان وقفنا جنب بعض
وشلنا هموم بعض
عشان فرحنا لفرحهم
وزعلنا لزعلهم
عشان ندعي لبعض بالتوفيق والنجاح

طب ايش المشكلة ؟؟؟!!!

مو هذا معنى الاخوة في الله؟؟؟

لهالدرجة وصلت عقولنا مجرد عضوة تكلمت مع عضو بحدود وادب وان كان في مسحة من المزح

حكم عليها بـما قيل

صراحة شي يتعب النفسية

يحسسوا الوحدة انه كل كلامها يؤدي لمعنى في نفسهم


انا حتى والله ماعرف الكلام كان عن مين بالضبط بس مجرد اني عرفت اتوقعت انه اي وحدة ممكن ينقال عنها كذا اذا كان هذا تفكيرهم- طبعا الكلام مو ع الكل سلامتهم من هالكلام البعض-

بس ايش تقولوا حسبي الله ونعم الوكيل

رمروم اشكر لك ردك اللي يبين صدق اخوتك
ويلدرم يمكن ماقلت شي بس تصفيقك يدل على انك كان ودك تقول نفس الكلام ويمكن اكثر
نمر تبغى تعرف مين شوف اللي حوليك

شوف مين اللي يقول عننا الي قاله

في النهاية الله يهديهم وانا ماعندي شي اقوله اكثر من كذا

حبيت اكتب هالكلام بس عشان ابين لهم انه لا يحسبونا على ملا وجهنا وعشان احقق للي ماقدروا ياخذوا حقهم واكتفوا بالانسحاب الكلام الي المفروض يقولوه يمكن كلامي ماكان واضح او مو كافي عشان يفهموا غلطتهم بس خلاص


منكوشة آسفة على الاطالة بس صراحة كلام مكبوت وخرج انت لو كنت مكاني وسمعتي .... الكلام ماكان يخصني بس قهرني هي السالفة مو لقافة

السالفة هي انه الاخوة اللي بيننا ماتسمح انه احد يقول على الثاني شي غلط

قلت في نفسي مدام لسه فيني نفس وشوية شدة واقدر اكتب خليني اقول اللي اعرفه آسفة مجروحة على اني ماسمعت كلامك وقمت من السرير بس كان لازم اقول

[^_^]

لا فهمت الموضوع

ولا حتى الردود

[banoota mnkoosha]

المشاركة الأصلية كتبت بواسطة ^_^ لا فهمت الموضوع ولا حتى الردود

امممم بالعكس واضح !!! اقرأه مرة تانية بهدوء :)