رأيكم يا أعضاء

[banoota mnkoosha]

السلام عليكم ورحمة الله وبركاته



اعضاء منتدانا حابة اتكلم معاكم في موضوع صار في احد المنتديات اللي مشتركة فيها واتمنى

اننا نتناقش فيه ولانخرج عنه وكل عضو يعرف حدوده في الكلام ما نبغا كل شوية احد يدق في

التاني ولا يغلط عليه خلونا حلوين مع بعض...


طيب دحين معروف انه في احتكاك بين البنات والشباب في المنتديات ودا شي مفروغ منه ,,,

ففي شلة بنات في منتدى محترمين وكل شي ويتعاملو مع كل الناس في المنتدى باحترام ...

نجي لقسم الوناسة هو اكتر شي يكون الاحتكاك ظاهر فيه بس اساس الاحتكاك مجرد اخوة

يساعدو بعض ويسالو عن بعض يونسو بعض وزي كدة يعني زينا هنا


بس الا وما تلاقي شلة كلامهم مع بعضهم كتير او يكون في اخد وعطا كتير بينهم شوية عن

الباقين ... ومافيها شي اذا كان مبني عالاخوة!!

فبعد فترة يوصل خبر للبنات انو دي الشلة يتكلمو عنهم اشياء مو كويسة ؟؟؟؟

يعني مثلا : رامين نفسهم علينا واخدين راحتهم و...........ومن دا الكلام...

ايش السبب من الكلام ؟؟؟؟؟ من جد نفسي اعرف !!!

ليش يتكلمو من وراهم ؟؟؟

يعني كل شي باين للمشرفين ولو في اي شي غلط ولا اتعدى القوانين المشرفين ما يسكتو الا ما

يعملو شي !!!!

حتقولو حتى البنات يتكلموا عن الشباب .. صح بس كلام عادي مثلا العضو الفلاني عنيد

والتاني فرفوش زي كدة بس ما نتكلم عن اخلاقه وتربيته ابدا !!!!

سامحوني اذا غلطت في الكلام.... لاني مرة مقهورة !!

اتخيل اختك ولا زوجتك ولا قريبتك كانت وحدة من البنات ؟؟؟!!

[shaden]

يسلمووو على الموضوع الاكثر من رائع
رأي انا سبب انسحابي من المنتدى القديم هو الموضوع دا رغم اني كنت مرررررة متعلقة في المنتدى واحب كل الاعضاء
بس الهرجة ومافيها انه زي مافي شباب مو كويسين في شباب طيبين ويخافوا ربنا ويعاملو البنات على انها وحدة قريبته ويخاف عليها ومايسمح لأحد من الشباب التانيين يهرج عليها

تقبلي مروري ياعسولة ورأي المتواضع

[ساكنه في بيتنا]

يا قلبي يا نكش لا تنقهري و لا تزعلي نفسك

المفروض اللي يسير فيهم كدا يفرحو و يشكروا اللي بيتكلموا عنهم لو قدروا عشان بيعطوهم حسناتهم ..

والله يا بنتِ فيه ناس منتِ عارفه ايش محسبه نفسها .. بس على العموم كل واحد و نيته و ربك يعين ..

[banoota mnkoosha]

المشاركة الأصلية كتبت بواسطة shaden يسلمووو على الموضوع الاكثر من رائع رأي انا سبب انسحابي من المنتدى القديم هو الموضوع دا رغم اني كنت مرررررة متعلقة في المنتدى واحب كل الاعضاء بس الهرجة ومافيها انه زي مافي شباب مو كويسين في شباب طيبين ويخافوا ربنا ويعاملو البنات على انها وحدة قريبته ويخاف عليها ومايسمح لأحد من الشباب التانيين يهرج عليها تقبلي مروري ياعسولة ورأي المتواضع

أهلا ,,, ما توصل لدرجة الانسحاب!!! ليش تنسحبي ؟؟؟

يسلمو ياعسل ,,,,,

[banoota mnkoosha]

المشاركة الأصلية كتبت بواسطة ساكنه في بيتنا يا قلبي يا نكش لا تنقهري و لا تزعلي نفسك المفروض اللي يسير فيهم كدا يفرحو و يشكروا اللي بيتكلموا عنهم لو قدروا عشان بيعطوهم حسناتهم .. والله يا بنتِ فيه ناس منتِ عارفه ايش محسبه نفسها .. بس على العموم كل واحد و نيته و ربك يعين ..

اهلا سكاكينو....
الموضوع مرة يقهر وينرفز !! بس على قولتك كل واحد ونيته ,,,,
يسلمو يا سكر ,,,

[dre]

الناس اطباع
مثلا في شباب من النوع اللي ادا البنت احتكت فيه ( في قسم الوناسه ) مثلا,
يحس انو هيا راميه نفسها عليه ... وزي كدا. وناس تفكر عادي , ناس ما تفرق
معاهم بنت ولا ولد .. وفي ناس يحاولو يركزو على البنت.
فا انتي لا تزعلي نفسك, دي اطباع الناس وصعب الواحد يغيرها.
والبنت الشاطره اللي تحاول على قد ما تقدر تحتك مع الكل بنفس المستوى
وما تعطي فرصه لأحد يشك انو مميز عندها . المسئله نفسيه لا اكثر,لانو
الشغله كتابه في كتابه.

سامحيني على الفلسفه
سلام

[^_^]

لا فهمت الموضوع

ولا حتى الردود

[الراقي]

موضوعك رائع

هناك أناس لا يكتب في المنتديات إلا لسبب في نفسه ...

كـــ رغبته في تكوين علاقة معــ الطرف الآخر ...

لعل افضل توضيح لهذه النقطة أن كل شخص ينظر بعين طبعه ...

فــ مثلاً المغزلجي ..يعتقد بأن كل كلمة تقدير واحترام ومزحه تعتبر حب وغرام ...

والعضو(ة) المشكلجي يحسب كل صيحة عليه ...

اذا كان العضو(ة) واثق من نفسه ووضعه لن يجد اشكالية هناك ...في التعامل مع مختلف الطبائع ..



دمتِ بود

الراقي

[dre]

يا ناس والله تعجبني ردود الراقي هههههههههه

[banoota mnkoosha]

المشاركة الأصلية كتبت بواسطة dre الناس اطباع مثلا في شباب من النوع اللي ادا البنت احتكت فيه ( في قسم الوناسه ) مثلا, يحس انو هيا راميه نفسها عليه ... وزي كدا. وناس تفكر عادي , ناس ما تفرق معاهم بنت ولا ولد .. وفي ناس يحاولو يركزو على البنت. فا انتي لا تزعلي نفسك, دي اطباع الناس وصعب الواحد يغيرها. والبنت الشاطره اللي تحاول على قد ما تقدر تحتك مع الكل بنفس المستوى وما تعطي فرصه لأحد يشك انو مميز عندها . المسئله نفسيه لا اكثر,لانو الشغله كتابه في كتابه. سامحيني على الفلسفه سلام

فلسفتك حلوة ... الله يسعدك يارب ,,, كل الحكاية اني اتقهرت يعني حركة مالها داعي !!!