تخصصي هندسة حاسبات

[venito]

السلام عليكم ورحمة الله وبركاته
كيف الحال
مبروك لكل المتخصصين وان شاء الله ربي يوفقكم في دراستكم وفي حياتكم
انا الحمد لله تخصصت هندسة حاسبات
ابغى اسأل عن دكاترها؟ جيدين ولا مشي الحال؟
ومين ابرز الدكاترة؟
وسمعت كلام ان التخصص هذا ما له مستقبل في السعودية
هذا الكلام صح ولا لا؟

[فلسفة مهندس]

والله صراحه ماعندي خلفيه عن القسم

لكن صراحه المفروض تسال هذه الاشياء قبل ماتخصص مو بعده

بس عامة قسم الكهرباء حلو ودكاتره متعاونين على الاغلب على حسب ماسمع من غير تجربه

والله يوفقنا وياكم

[ابداع]

وسمعت كلام ان التخصص هذا ما له مستقبل في السعودية هذا الكلام صح ولا لا؟

حتى انا سمعت كذا ..

بس لا تسمع كلام الناس .. لانه لا يودي ولا يجيب :)

[تهندسي تكهربي]

انا تخصصي هندسة الحاسبات ..وانا الان الحمد لله في المستوى الثامن ...
بالنسبة للتخصص فلا تسمع لكلام الناس التخصص صدقني قوي وجيد ومطلوب في السعودية والدليل شركة سابك طلبت للابتعاث حقهم مهندسين حاسب بالاسم يعني فصلت القسم عن قسم الكهرباء .. وكثير من الشركات كانو طالبين مهندسين حاسب في يوم التوظيف اللي صار في الدماام ... وانا قبل ما اتخصص كنت جالس مع الدكتور عبدالله بالعمش قالي كلمتين ( اذا عندك رغبة وحب في هذا التخصص راح تمشي وتتميز وتحصللك مستقبل ممتاز ) . نصيحتي ليك انتا راح تدرس هارد ويير حاول انك تاخذ دورات برمجه سوفت ويير او ماجستير سوفت ويير .
افضل دكاترة في الكهرباء معرووف دكاترة الحاسباات ( د.عبدالله بالعمش , د. احمد عدس , د. محمد الفهيد , د. علي مرفق, د.حسن كعكي ..... وغيرهم كلهم ممتازين ).. اتمنى اني قدرت اوصل لك معلومات مفيدة ..
تقبل مروري وتحياتي للجميع ...( اذا تبغى اي شي اي استفسار انا تحت امرك )

[tag2000sa]

المشاركة الأصلية كتبت بواسطة تهندسي تكهربي انا تخصصي هندسة الحاسبات ..وانا الان الحمد لله في المستوى الثامن ... بالنسبة للتخصص فلا تسمع لكلام الناس التخصص صدقني قوي وجيد ومطلوب في السعودية والدليل شركة سابك طلبت للابتعاث حقهم مهندسين حاسب بالاسم يعني فصلت القسم عن قسم الكهرباء .. وكثير من الشركات كانو طالبين مهندسين حاسب في يوم التوظيف اللي صار في الدماام ... وانا قبل ما اتخصص كنت جالس مع الدكتور عبدالله بالعمش قالي كلمتين ( اذا عندك رغبة وحب في هذا التخصص راح تمشي وتتميز وتحصللك مستقبل ممتاز ) . نصيحتي ليك انتا راح تدرس هارد ويير حاول انك تاخذ دورات برمجه سوفت ويير او ماجستير سوفت ويير . افضل دكاترة في الكهرباء معرووف دكاترة الحاسباات ( د.عبدالله بالعمش , د. احمد عدس , د. محمد الفهيد , د. علي مرفق, د.حسن كعكي ..... وغيرهم كلهم ممتازين ).. اتمنى اني قدرت اوصل لك معلومات مفيدة .. تقبل مروري وتحياتي للجميع ...( اذا تبغى اي شي اي استفسار انا تحت امرك )

أحب أضيف بعض الأشياء البسيطة (وجهة نظري الشخصية)

د.عبدلله بالعمش: ممتاز ومتعاون مع الطلاب
د.أحمد عدس: بصراحة أنا زعلان منه (عديت المادة بس ناسي إيش كانت)
د.محمد الفهيد: مواقف ألييييمة مع المشرف الأكاديمي ... (شرشحني قدام الطلبة وسط القسم ) بس أحسه وااااصل ... بالمختصر [طيب وحبوب]
د.علي مرفق: ما شاء الله ... تبارك الله ... يعطيك الزبدة والمربى ... (الزبدة المختصرة في الشرح) ... (وحلاوة المربى في الدرجات)
د.عبد الحي يوسف: من الخبرات الكبيرة في القسم ... بس عيبه أسلوبه الكلاسيكي ما يتفاهم معاك إلا إذا معاك كل أوراقك وكاملة مكلمة ...
د.عدنان حسن كعكي: (بدري بدري) .. ورطني في شرح حاجة من بداية السمستر ... قلتله طيب ... ووقتها حطيت رجلي ... عااادي جداً
د.محمد شفيق شيخ: خبرة أجنبية بقوة ... هو دكتور هندي أو باكستاني مش متأكد بس دراسته للماجستير والدكتوراة من اليابان ... يعني حتشوف ألأسلوب الياباني في الكرف ... بالقليل بالقليل في المحاضرة تكتب ملخص من السبورة يجي 4 أوراق a4 وجه وقفا ... فتح مخك معاه لأنه المواد اللي يمسكها مو هينة ... بس تفهم يعني تفهم (حتقابله في آخر سنة)
د.عبدالغني القاسمي: بعض الشباب يسمو مادته مطب الجامعة ... مواد كور في التخصص صحصح وما ينفع معاه الأسلوب اللي تمشو بيه مع الشباب في بقية المواد .. مواده فيها مشاريع ولو شم ريحة غش أو تقصير في المشروع (يديك الصفر وإنتا كدا ) (حتقابله في آخر سنة)
د. مصطفى الجفري: ما يحتاج أقلك عليه ... سمعته سابقاه في كل الكلية ... بس برضوا تفهم يعني تفهم ولو ما تبغى تفهم ... حيفهمك غصباً عنك
د.محمد حمزة عوض: دكتور ممتاز يحب التجديد ويحب النظام ومتعاون مع الطلبة ودكتور أخلاق
المحاضر وضاح فطاني: جيد في الغالب يمسك شعبة أو اثنين مع الفهيد بالإضافة لمادة اختيارية في القسم
م.سامي العساوي: ممتاز ومتعاون وحبوب وتهمه مصلحة الطلاب اللي يعدوا عليه
م.مظفر: ممتاز في الشرح
م.حسني: ممتاز وطيب
المعيدين والمهندسين الجدد ما أعرف كيف أسلوبهم بس بعضهم درست معاهم وفعلاً كانوا من المتميزين دراسياً كمثال (م.سعود)

=========================

داك كان رأيي الشخصي في الدكاترة وهيئة التدريس في القسم ... لكن رأيي في القسم بوضعه الحالي ...

مو عاجبني ... ... << -- (خريج ويتشرط)

بصراحة حلمي (هندسة برمجيات) بس يلا خلاص الفاس وقعت في الراس ووصلت للمخيخ

أتمنى أكون أديتك صورة عن طاقم الرحلة وتمنياتي لك برحلة سعيدة على متن الخطوط الكهربائية الحاسوبية ...

مع تحيات قبطان الطائرة ... السيد/ تاق

[venito]

فلسفة مهندس
مشكوووور على مرورك
وصح كلامك اني اسأل من قبل ما أتخصص
لكن طيبين او خربانين اصلا سأكمل في هذا التخصص

ابداع
مشكوووور على مرورك وعلى النصيحة

تهندسي تكهربي
مشكوووور على معلوماتك القيمة
خلاص حطيتك عندي في قائمة الاستجواب

tag2000sa
ما شاء الله عليك موسوعة
وشكرا على الرحلة