استشــــــــــاره ( يهمني ناس شطار وناجحين فكريا يخشو)

[Dr.Passed]

السلام عليكم ورحمه الله وبركاته ورضوانه

كيف حالكم...؟

وكل سنه وانتو طيبين..

يا جماعه ...امكن تستغربو شويه من موضوعي بس أنا إن شاء الله دخلت الطب عن قناعه...محد جبرني عليه وعارفه انو مسؤوليات و طريق طويل...[س حاسسه اني عندي قلق بسيط مني عارفه ليه...هو مو خوف إن شاء الله لأني انا من جد ما امدح نفسي..من جد انسانه قويه ولمن اصر على شي و احطلي هدف اعرف نفسي ماشاء الله...بس انا امكن شايله هم نفسي في الطريق الطويل دا..يعني كيف فعلا اكون ناجحه في و يومي يكفيني ومايكون في اي خلل يأثر على صحتي او نفسيتي..

أنا الحمد لله ازاكر دايما اول بأول و احاول افهم بس احس هادا مو كل شي..لازم اليوم يترتب بطريقه صحيه اكتر وحاجه اجبر نفسي عليها....روتين محترم وصحي غير ممل...وفعلا شيء مجرب وناجح بحيث اني اكون عارفه نفسي ومطمنه اني ماشيه صح وما باضر نفسي ( افضل من حياتي في التحضيري)

امكن كلامي غريب شويه بس هادا عشان عندي خوف يجيني قلق مستقبلا او اني لاسمح الله اكون باقصر...تعرفو الطب مو بس دراسه وانما عقلنا مهم يكون موجود ومركز عشان نقدر نفيد الناس و نعالج دي امانه..


المهم..

أنا ابغى منكم مين عندو روتين ناجح مشي عليه يقلنا افضل شي جربو وفعلا لقى روتين ناجح ومريح...



بس قبل ماتقولولي انا في اشياء مهمه اسويها في يومي يوميا مداومه عليها و عادات لازم التزم بيها في يومي..

اول حاجه انا لازم اروح امشي ساعتين في يومي ولو كنت فاضيه كترت...المهم ساعتين هادي مافيها نقاش لازم اخروج امشي بره وهادا الشي بيفيدني ليلو اجابيتو اول حاجه باخد وقت للتفكير و الراحه و التمعن و باخود وقت لحالي...وهادا شي يريحني بعد يوم طويل وشاق وكمان رياضه

في حاجات بتأثر عليا زي عدم النوم.....انا من جد ما انام في العاده كتير يعني من جد هادي نقطه سرلي 4 سنين اعاني منها...انا عايدي بس احس اني برهق نفسي كتير...ولمن يكون في ضغط او قلق ممكن ينعدم النوم تماما..ومش اني ما بحاول بالعكس بحاول و ماشاء الله بعض الأحيان يزبط الموضوع وانام زي الناس بس هيا يوم انام زي العالم و الناس 20 يوم قدام لأ..

...واقدر اجيب بعض الأسباب الي تأثر عليا من دي النحيه و امكن بتزيد فيا العاده دي..انا في سكن خاص و عندي صحباتي ماشاء الله مايخلوني انام ( و انا ساكنه لحالي في الغرفه ) بس برضو بيأثرو عليا ومش اني انا باسهر معاهم و باضيع وقتي ( مع اني اصلا عندي مشكله في النوم) انا اول ماخلص مزاكره اروح احاول انام بس لمن الاقي انو النوم ماجاني و هما ماشاء الله عايشين حياتهم وبس يدقدقو ويجيبوني غصبا عني باخروجلهم ( النوم اصلا مايجي) ولمن ينامو الاقي نفسي نمت ساعه وكمان ساعه مش مريحه ( على كنبتهم) كده ساعه على السريع وبعدين اقوم الفجر وبعد صلاه الفجر خلاص مايجيني نوم...( وهادا كلو بسبب مشكلتي مع النم) لو انا من الأساس اعز النوم ماكان سار كل دا

وفي حاجات تانيه ...انا كل يوم سبت عندي اجتماع مدتو ساعه او نص ساعه و غالبا ما يخلو الساعه 11 او 10 على حسب...

المهم ايش في طريقه اقدر ازاكر و الاقي وقت بعد الدوام انام وازاكر و بعد المزاكره اروح امشي...( وطبعا ما حخلي صحباتي يسهروني ححاول انام)

في عادات كتيره ابا اغيرها بس المهم دحين ايش افضل جدول اسوي لنفسي ...ومتى افضل وقت الواحد ينام في و ينهي يومو في..


يعني ساعدوني ارتب جدولي ....قولولي خبرات ناجحه ( بس وازنو مع جدولي السابق) ازا سمحتو

وكمان مشكله النوم الي عندو مشكله كيف بتتعاملو معاها.


ملاحظه : انا ما بقول ان نظامي ما كان ناجح السنين الي فاتت في حياتي بالعكس كان ناجح و اتفوقت الحمد لله بس المشكله انو كان متعب ومرهق جدا







شكرا

[zera]

الله يعينك بصراحه ع مشكلة النوم .. هوا الأرق بصراحه مشكله تتحول لمرض الله يكفينا شره

المهم .. انا كمان كونت اعاني مثل مشكلتك تقريباً بس ولله الحمد مره تحسنت

والحل ك الأتي :
كل ما حسيتي انو مخك تعبان بس جسدك رافض النوم اقرأي قران مو السور الي انتي حافضتها
لا اقراي سور من القرآن ( هذا حل مرره مفيد )

والحل الاخر والمفيد جداً عن تجربه الدعاء بهذا الدعاء :
( سبحان الله ذي الشأن , دائم السلطان , عظيم البرهان , كل يوم هو في شأن )
ثم تقولين :
( يا مشبع البطون الجائعه , وكاسي الجنوب العاريه , ويا مسكن العروق الضاربه , ويا منوم العيون الساهره , سكن عروقي الضاربه , وأذن لعيني ان تنام نوماً عاجلاً ).

وقراءة قوله تعالى : ( إذ يغشيكم النعاس امنةً منه وينزلُ عليكم من السماءِ ماءً ليطهركم بهِ ويذهبَ َ الشيطانِ وليربطَ على قلوبكمْ ويثبت بهِ الأقدامَ ) ( الأنفال : 11 )

وقوله :
( وجعلنا نومكم سباتا) ( النبأ :9)

وفي الأخير انا كتبت الدعاء والأيات لك ولجميع الطلبه الي من جد يعانو نفس هالمشكله
ومن جد بإذن الله راح تتحسني

وبليز ادعو لي بالتوفيق :)

[Dr.Passed]

الله يسعدك ويجزيكي خير انشاالله الله حاجرب بإذن الله
عارفه جربت كلي حاجه حبوب و شيوخ و جلسات هدوء و قران بس انشاالله الله اشتغل على نصايحك و أحاول اصلح من وضعي دا ... كيف جدولكم اليومي؟ افضل روتين ناجح ؟


شكرًا =)

[مدحدر]

التنظيم .. أساس ألنجـاح
واضح ان فيه قاسم مشترك بيننا .. لأن ساعتين المشي ( أو ألنادي ) هذا امر مفروغ منه بالنسبه لي
انا راح اتكلم معك بتجربه لي شخصيه والموضوع راجع لك تاخذين تجربتي او ماتخذينها up to you بحكم اني كنت طالب بالبترول ، لكن سحبت لظروفي الخاصه
دوامي كان نفس الدوام الجميل اللطيف الي نمشي عليه دايم ( 8 - 4 )
ف بالنسبه لي .. كنت اول ما ارجع من الدوام اراجع المحاضرات واذاكرها
وارتبها بترتيب معيّن الى صلاة العشاء
بعد صلاة العشاء : اروح لنادينا الحبيب .. ساعتين او ساعتين ونص تكفي
بعدها دش ع الماشي وونوم الى صلاة الفجر
وبعد الصلاه ارجع للمحاضرات المرتبه بترتيب معيّن ، واحاول احفظها واسوي لها ربط الى قبل الدوام بنص ساعه واتوكل على الله
هذا النظام الي كنت ماشي عليه ومازلت ماشي عليه .. لكن احسبي حسابك راح تكونين شبه منفصله عن الاجتماعات العائليه والاصحاب .. يعني راح يشوفون أحلا سيفون طال عمرك .. وهذا شيء مو حلو
اتمنى لو تحاولين في نهاية الاسبوع ترقعين هالموضوع بطريقتك بالويكند
انا شفت انك ملخبطه بالنسبه له الموضوع .. قلت ننبرش شوي ونساعدك اذا امكن
اما بالنسبه لـ الارق الي تعانين منه .. اعتقد الرد السابق كان شافي ووافي
هذا بالنسبه اذا احتجتي تجربه ، اما اذا ما احتجتي غيرك جايز يحتاجها : )
اسف .. ع الاطاله
مغليك / مدحدر ..

[Dr.Passed]

اتبعت نفس النظام دا اليوم...ما كان متعب بس امكن عشني رجعت الساعه اتنين D:

بس عندي سؤال كيف المزاكره تكون في الويكند؟ أنا اهلي شكلي حصلهم بالتلفون...لمن اخروجلهم ويكند يخربو كل برامجي ومخططاتي ومايخلوني ارجع الا السبت في الليل او الأحد و ابدا في البيت ما اعرف ازاكر..( سيدو وستو) امكن اخروجلهم شهريا..

بس بالنسبه للويكند ايش نظام المزاكره؟ تجمع كل المحاضرات؟

_________________________________________

اختي zera

اتبعت نصيحتك ارتحت بس برضي عندي مشكله كلي شويه بصحى من نومي...كل نساعه اقوم =( و ارجع تاني انام و اقوم وهكذا الليل كلو..مني عارفه ايش الحكايه!!

[M!SS Lara]

الله ييسر امرك وتقدري تنامي .. انا كنت زيك قبل اسبوع بالظبط صار نومي سيئ جدا جدا ,,

انا بأهتم انو ماينتهي يومي إلا وعملت حاجات معينه وهي تجميليه يعني خلطات واقنعه لبشرتي ..

بس قبل كم يوم قرأت في كتاب انو من الأاسباب الي ماتخلي الواحد يرتاح بنومه أنه مش موازن بين امور مهمه بـ حياته ..

فبالنسبة لي أكره الروتين وأقدس جدا علاقتي باهلي ..

فلأني اكره الروتين عملت لي جدول مكون من 5 خيارات وكل خيار تحته مجموعه امور لازم أعمل منها شئ واحد يوميا ..


فوحدة من الخانات هي عن الخلطات وتحتها انواع خلطات ( للشعر ،، للوجه ،، ..) كل يوم أختار وحده منها اعملها ..

في خانه عبادات (صيام او صدقه او صلاة ضحى )، اختار منها اثنين واعملهم ...

.... الخ


..
فعموما حياتي ألأان بالتحضيري ..
اني ارجع من الجامعه و ارتاح لحتى 4 ..
بعدين أدرس لمدة 3 ساعات (لاني ما ارتاح نفسيا وأقدر اكمل يومي إلا بعد ما اكون قد حفظت الي اخدته )
وبعدين أعمل شغلي للبيت (ماعندنا خدامه )

(وهنا أكون قد خلصت الحاجات الواجبه علي الي هي شغل البيت الي علي ودراستي ) ..

فأبدأ اعمل خلطة وبعدها اجلس على النت شوي و أشرب شاي مع اهلي واحنا نتفرج تلفزيون ..
(ملاحظه حتى جلوسي على النت محدده الي ادخله .. لأني ما أدخل إلا شئ محدد زي متلا اقرأ مجلة سيدتي على النت ومحدده لها 3 ايام بالاسبوع ، ... الخ )


فخلاصة انتي رتبي جدولك اليومي بحيث يكون محتوي على كل الامور الي تحبيها ..
فمثلا مهتمه بعلاقتك بأمك فيكفي تحددي كم يوم بالاسبوع تتصلي معاها وتكلميها ربع ساعه !!



انا ترا محدده كل شئ لدرجه حتى وقت أكلي ,,

صحيح يحتاج التزام شديد لكني سعيده به جدا لأاني مطمنه انو ماينتهي يومي إلا عامله الحاجات الواجبه علي والحاجات الي احبها ..
فما احس اني ملتزمه فقط واني سجينه روتين لاني زي ماقلت لك اكره الروتين ..

وان شاء الله لو دخلت طب حأعمل جدول تاني بحيث يناسب الطب وبدون ماياخذ حقي

[-نظرة تفاؤل-]

..dr passed ..ما توقعت وحده بتكون مثلي وبتشتكي من صعوبة النوم ..لان كل ما قلت لأهلي عن قلة النوم اللي يجيني والارق ..يحسبون انها بسيطة وسهل تعدلين وتضبطين نومكـ ..
أنا غالبا اجلس لين نص الليل ..واذا حسيت الدوام قرب جبرت نفسي لو انسدح ساعه بس ..والمشكلة أكون تعبانه مره وفيني النوم بس ما اقدر انام (( أرق )) مسيطر علي مره من كثرة التفكير وخاصة اني بسكن نفسك يعني الغربة تلعب دور بس ان شالله حنا قدها ..
واليوم ابغى اطبق طريقة ..وان شالله تطبقينها وتنفعنا ..
اذا جت الساعه 11 بالكثير اشغل سورة من القران بصوت العجمي ..وامسك القران واقرأ وجه كل يوم ..غير أذكار النوم
راح استمر عليها وباذن الله نشوف النتيجة
واذا وصلت لطريقة مناسبة للمذاكرة وطبقتها راح اكتبها ..

[جيزان]

امممممممم حبيبتي سبحا ن الله بنت خالتي 5 طب ونفس حالتك
وبنت عمي برضوا طب في الرياض وبرضوا مااتنااام ويعانون من هالمشكله
يعني مااادري ليه بس طالبات الطب
هوا تفكير فيكم او قلق او انكم شايلين هم الدراسه ماادري ايش الوضع بالضبط مع انه بنت خالتي لها 3 سنين في الطب وهدي السنه الرابعه
وقبل فترة كنت عندها وقالت لي على هالمشكله وانها بتعاااني منها كثيييير يعني فيها نوم وتعبانه بس مااتقدر تنام

وقالت لي انه صاحبتها نفس الحاله بس استعملت حبوب حساسيه مااتأثر ولاشي بس تعدل نومك لفترة ,,, وبعدين والله مااسألتها
اذا حابه اخذ منها اسم الحبوب وتروحي تسألني عنها في الفارمسي او تعملي لها سيرتش عشان تتأكدي كمان برااااحتك حبيبتي
وانا راح اتصل عليها واشوف هيا استعملتها ولا لا عشان اتأكد اكثر
الله يوفقك دكتورة

[Dr.Passed]

بتاخد حبوب حساسيه عشان يجيها النوم؟؟

ايش بتاخود هستوب؟ ولا ايش بالزبط..

تعرفي حبيبتي مره خطر اخاف قلبي يسير يخفق و تجيني رجفه...الحبوب دي ماتأثر فيا الا ازا زدت الجرعه ما ابغى اضر نفسي و اخش في الكفر استغفر الله عارفه كيف

حاولت اتحمم بمويه حاره قلت امكن ادوخ من الحراره وانام مافي فايده..
جربت جلسات استرخاء مافي فايده
جربت نسوي حفله نوم مع البنات وننام سوا و الاقي نفسي قاعده هرجه ورا هرجه الين الصبح وهما ماشاء الله نايمين و انا قاعده مقابله نفسي
جربت اشغل القران الاقي نفسي جبت مصحف وقعدت اتبع الين مايعدي كم جزء وانا لسا صاحيه
جربت اسك عيني واتحدى نفسي ما اصحى برضي باخيب امل نفسي وباقوم..
جربنا نلعب لعبت مين ينام اول مافي فايده


مايجيني نوم يختي مخي يعورني و جسمي احسو مجهد يبغى يرتاح بس مافي فايده...ممكن انام على الكنبه شويه وخلاص اقوم يوم كامل ماشاء الله ارجع ساعتين انام ( ومقطعه كمان) وما احس نمت شي او اكون نمت في الباص نومه اي كلام و اقعد على النومه دي يومين..مني عارفه ايش الحكايه المهم انا باحاول دحين

...حتى ازا مانمت اريح جسمي على الأقل الين ما الاقيلي حل مع النوم...المشكله اهلي متعودين عليا كده...مو شايفين انها مشكله مو حاسين بالموضوع دا انو مشكله..يدقو في اي وقت في الإجازات يحسبوني انا كده..

..عارفه [جاتني فتره العام احس اني فجأه اسير ما اسمع ولا اشوف مزبوط وقلبي احسو تقييييييل وبس يخفق وبعدين يبطئ الين ما اطيح من طولي ويالله فين الأكسجين!!..واهلي ياخدوها من باب ما بأكل كويس مع اني انا مره وضعي من النحيه دي صحي و ما عندي تخبيص يعني اكلي مره مفيد ومتوازن جدا


بس حالي اتحسن يعني لسا بعاني بس مافي مشاكل كبيره زي كده الحمد لله...بس لازم اشوفلي حل مع النوم دا


انا حاليا بالنسبه لجدولي قاعده اتبع جدول الأخ مدحدر و إن شاء الله انو مفيد الى الان ( بس برضو وقت النوم مابانام) بس خلاص باقفل النور وعلى السرير نمت ولا مانمت قاعده بحاول..


الله يسعدك ياقلبي...ونصيحتي سيبيكي من الحبوب لو ماكتبلك الدكتور شي لا تاخدي ترا تتعودي بعدين

[ساعدوني رايكم يهمني]

الله يعينك...

من جد النوم مشكلة حتى عندي.....يتعدل فترة ويرجع يخبص فترات.....

وبالنسبة لنظامي الحمدلله مرفهه نفسي عالاخر ما احرم نفسي من شي....وقت للمذاكرة...ووقت للنت...ووقت لاهلي...ونخبيص بالاكل على كيف كيفك خخخخ

موفقه...