مساعدة في k3 كيمياء

[Majid Al-Dharrab]

المشاركة الأصلية كتبت بواسطة losfer هي ثلاثة قوانين لمثل هذي المسائل الأول : إذا كان عندك تفاعل ثابت اتزانه k1 وضربت التفاعل في أي معامل بيطلع ثابت اتزان التفاعل الجديد k1 أس المعامل اللي ضربته في التفاعل الثاني : إذا عندك تفاعل ثابت اتزانه k1 وقلبت التفاعل خليت المتفاعلات مكان النواتج والعكس بيطلع ثابت اتزان التفاعل الجديد مقلوب k1 يعني 1 قسمة k1 الثالث : إذا عندك تفاعلين ثوابت اتزانهم k1 و k2 وجمعت التفاعلين مع بعض بيكون ثابت الاتزان الجديد k3 حاصل ضرب k1 في k2 هذي القوانين الأساسية وممكن في مسألة يعطيك حالتين منهم في نفس الوقت يعني يقلب التفاعل ويضربه في معامل ويطلب منك ثابت اتزانه مثلا

^
+1

وتكون k3 حاصل القسمة عند الطرح بين k1 وk2.
أما إذا كانت المعادلة المعطاة نصف المعادلة المطلوبة (المطلوبة ÷ 2) فيكون تركيز المطلوبة جذر تركيز المعطاة. (مجرد حالة خاصة من القانون الأول الموجود في المشاركة السابقة)