ادخلووا بنااات محتاجتلكم

[د. هدّولا]

,‘


- وعليكم السلام ورحمة الله وبركاته ..

أهليين ياقمر شوفي ماشاء الله أنا متعرفة على نص الدّفعة لدرجة أسماء بنات كتير ما أعرفهم بس أجلس معاهم وأهرج ومنطلقة عشان مرة كتبت ملخصات بطريقة حلوة فصرت مشهورة بيها :p , فـ أتوقع مثلا تحاولي تسوي فكرة وتطلبي مساعدة بنات مثلاً تفكري بعمل تطوعي أو تعلني عن دورة شفتيها بالنت وناوية تحضريها أو أي شي ..

يعني شفتي دورة حلوة أوقفي عالإستيج وقولي يابنات في دورة كد كدا مين حابة تحضر
راح تلاقي بنات كتير راح يجوكي ويسألوكي أي شي بخصوص الدورة طبعاً من هنا تصيري كول أطلبي أرقامهم يعني أنكم تروحوا سوا أو كدا !
وراح تلاقي نفسك صرتي تتكلمي معاهم كتير وفي المحاضرات لازم تسلمي عليهم لمن تشوفيهم ..
وفجأة راح يصيروا صاحباتك ^^

آممم مدري هي فكرة كويسة ولا لأ بس أحس لمن أتعرف على أحد على طول أنطلق بدون مقدمات , بس إن شاء الله تنجح الخطّة ..



بالله اذا سويتيها وافيني بالنتايج , عشان أشوف أنفع اتحوّل لمريم نور ولا لأ خخخخ




والله يرزقك بالصّحبة الصّالحة ..