قراءة أم استماع و تحدث (كمادة حرة)..

[white rose]

المشاركة الأصلية كتبت بواسطة LeLou طيب كويس أنا كنت مرجحة الاستماع أكثر شي بسبب الموعد.. المادة الوحيدة اللي موعدها ناسبني من بين كل المواد الحرة :) يعطيكِ العافية عزيزتي||~ أممم،، و الله أنا دايمًا أسمع كلام يخوف عن قسم اللغة الإنجليزية .. مشكلتي العويصة في المواعيد موادي الترم الجاي إن شاء الله مواعيدها جدًا سيئة و كنت أبغى مادة تكون أحد و ثلاثاء من 8 ل 9 و نص.. و لقيت الاستماع مرة انبسطت،، بس حبيت أعرف إذا أفضل هي أو القراءة.. بس قلت لنفسي يا بنت انتِ انجليزيتك مرة كويسة إن شاء الله تتسهل .. الله يسهل أصلاً الأوديس ما رضي يضيف لي هي .. و ح أستمر بالبحث ممكن ألقى مادة في نفس هذا الموعد :) الاقناع موعدها مو مرة مناسبني و الشعبة مغلقة .. لكني حاطتها ضمن الخيارات و شكلي كذا خفت من الاستماع .. جزاكِ الله خيرًا ع النصيحة||~ يا للهول بصراحة خوفتوني،، أنا من الأساس كنت لاغية الانجليش بسبب الكلام المرعب اللي أسمعه عن القسم .. لكن زي ما قلت مشكلتي هي المادة الوحيدة اللي لقيتها أحد و ثلاثاء من 8 ل 9 و نص.. الله المستعان،، هو عمومًا الواحدة لازم تستخير قبل كل شي.. // طيب عندي سؤال:~ أيش طبيعة المادة دي و نظام الدرجات اختباراتها و أيش اللي يندرس فيها بالضبط بشكل عام؟! أنا أبغى أضيفها في شعبة استاذة اسمها نسرين الحربي.. و جزى الله خيرًا كل من رد علي في الموضوع ||~

هلا بمشرفتنا القميلة ومبارك الترقية تستاهلين كل خير

قسمنا نسميه شهار من زود المحبة له

واوكيه دامك مضطرة

الطبيعة للمادة تجديها بهالرابط : #2

مع فارق انو البرزينتشن ممكن تعمليه اكثر من مرة حسب توزيع الاستاذة للدرجات بالصيفي وعموما من اول كلاس راح تعطيكم السليبس وتوزيع الدرجات حيكون مدرج فيه ان شاء الله

وما له توزيع معين كل استاذة ولها طريقتها بالتوزيع لذلك ما فيه قانون يحكم هالشي وبإذن الله تعجبك مس نسرين وتنبسطي معها

الله يفتحها بوجهك ويرزقك اعالي الدرجات :-)