قراءة أم استماع و تحدث (كمادة حرة)..

[nour al3mr]

المشاركة الأصلية كتبت بواسطة 9code أنا أخذتها مع مس نسرين الحربي , والله شوفي فيه بنات كثير كانو مو عاجبهم الكلاس لكن بالنسبة ليا أنا الحمدلله كنت أحسو حلو وعادي يعني أبداً مو ثقيل الاستاذة باردة شويتين لكن مايعجها البنت الي ماتشارك يعني حاولي تشاركي حتى لو اجابتك غلط عادي عندها وغير أنو أصلا ماحسيتها تسأل كثير والبرزنتيشن زي ماقلت لك خلتنا نسوي إثنين واحد تسويه لوحدك ي عن فلم قد شفتيه أو عن كتاب قرأتيه والمدة تكون من 5 لـ 7 دقايق وطبعاً لآزم تكوني إتفرجتي الفلم كامل لآنو فيه بنات أتفشلو لما سألتهم لآنها تعرف أوقات اذا منجد شافوه او لا بس ماخذين الكلام من النت واذا تبغي ممكن أعطيكي حقي اذا احتجتيه عشان تسوي على نفس النمط تقريباً أنا نقصت درجة بس في هذا البرزنتيشن .. أما البرزنتيشن الثاني ف في مجموعات تسويه وقالت أنو نسوي عن وحدة من العصور الي هيا الميدل إيجز والفكتوريان وكذا .. حاولي بس تقرأي الجزئية الي بتاخذوها قبل ماتروحي الكلاس بعشر دقايق عشان تحس انك فاهمه وكذا , وبالنسبة لي الاستاذة يمشي الحال معاها الحمدلله وزي ماقلت لك أخذت a معاها وأحلى شي ف المادة أنو المذاكرة تبعت الاختبارات ما تاخذ الا عشر دقايق

ماشاء الله عليك ما قصرتي الله يبلغك كل خيــــر
أفتكرت حوست البنـآت في برزنتيشن العصـور لكن عجبني أنها من البدآية خلتكم تقرأوا عنها ليكون عندكم خلفية ممتازة قبل ما تدرسوا مقدمة في الأدب :)

المشاركة الأصلية كتبت بواسطة lelou دا مو بس تخويف،، دا أنواع الرعب .. أنا كمان صاحبتي تبغى تضيفها و جالسين نتشاور في موضوعها ناخذها و لا مادة غيرها.. و البنت تقول لي أنا مرتاحة للآورال و شكلي ح أرسل لها ردك دا ح تهون .. هي عندها نفس وجهة نظري كانت تقول لي خلينا ناخذها أكيد ج نستفيد منها.. بس أنا الآن بديت أخرج موضوع المادة دي من راسي .. بس من جد معاك حق أما 7 بريزينتيشنز لمادة واحدة مرة كثير .. هي نازلة عند مس نسرين الحربي.. أتحفيني دحين بعد الفيلم المرعب .. بصراحة احترت و الله .. كلامك حلو و استفدت منه أني عرفت طبيعة المادة خصوصًا أنك أخذتي مع نفس المس اللي ح آخذ عندها لو أراد الله و أضفت المادة.. أنا ح أستخير و أشوف كمان صاحبتي أيش بتقول إذا لساتها متمسكة بالمادة و لا ح تغير رأيها.. جزاكِ الله خير عزيزتي ما قصرتي و الله ||~

طمأن الله قلبك و صرف عنك برآثين و مكامن الرعب ~> مآقصرت فيهم
أستـآذة نسرين ما درست عندها نهائيًا للحق تجارب البعض معاها سيئة على أيام دفعتي بمواد البيسك لكن مؤخرًا قالوا اتحسن وضع الكورسـآت معاها
طيب بسـألك هل ضروري تآخذي المادة الحرة الحين ؟ و مافي مجال تأجليها لترم آخــــر ؟

[LeLou]

المشاركة الأصلية كتبت بواسطة nour al3mr ماشاء الله عليك ما قصرتي الله يبلغك كل خيــــر أفتكرت حوست البنـآت في برزنتيشن العصـور لكن عجبني أنها من البدآية خلتكم تقرأوا عنها ليكون عندكم خلفية ممتازة قبل ما تدرسوا مقدمة في الأدب :) طمأن الله قلبك و صرف عنك برآثين و مكامن الرعب ~> مآقصرت فيهم أستـآذة نسرين ما درست عندها نهائيًا للحق تجارب البعض معاها سيئة على أيام دفعتي بمواد البيسك لكن مؤخرًا قالوا اتحسن وضع الكورسـآت معاها طيب بسـألك هل ضروري تآخذي المادة الحرة الحين ؟ و مافي مجال تأجليها لترم آخــــر ؟

هههه،، أنا لو ح أهون ح يكون بسبب العصور،، يعني أكتب عن ماريا انطوانيت مثلاً و لا عن هنري الثامن اللي قتل حريمه ..

هو بالنسبة للمادة الحرة لازم لأنه جدولي بس 10 ساعات و أنا باقي لي ككل الين أتخرج 23 ساعة..
فأبغى آخذ 13 الترم الأول و 10 الترم اللي بعده،، لأنه كمان الترم اللي بعده إن شاء الله راح آخذ تدريب ميداني :)
فأبغى الساعات تكون قليلة قدر الإمكان..

أنا عندي قاعدة: ((إللي ما طاع ضاع)) ،، لذلك أنا احتمال كبير ح أبطل،، لكن المشكلة صَــحبتي أرسلت لها كل الردود اللي في الموضوع و لساتها تبغى المادة ..
بس لسا عندنا وقت إن شاء الله الين الترم الأول..

يعطيكِ العافية أ. نوري ||~