مساعدة في k3 كيمياء

[sultanooh]

السلام عليكم

بصراحه عجزت افهم

اذا اعطاني 3 معادلات k1 k2 k3

وقال يبغى k3

متى اقول ان k3 = k1 x k2

ومتى اقول k3 = k1 / k2

ومتى اقول k3 = k2/k1

ومتى اقول k3 = جذر k2/k1

ياليت تفيدوني لان هذا السؤال جا في الاختبار الترم الاول وما اعرف متى استخدم اي قانون من اللي فوق

[losfer]

لو تحط السؤال كامل يكون افضل عشان نعرف ايش فكرتو بالضبط

[sultanooh]

شوف من الدقيقة 19 توجد امثلة

كل مرة استخدم للk3 قانون

[sultanooh]

اببب

[الدكتور المحتار]

متى اقول ان k3 = k1 x k2


شووف انا م اعرف الا دي



الموهيم

اذا كان k3 هوا مجموع المتفاعلين الاول والتاني


يعني جمع جبري لمتفاعلين


دا اللي مكتوووب في ملخص زويلو

اما باقي الحالات مو موجود عليها شي

[losfer]

هي ثلاثة قوانين لمثل هذي المسائل
الأول : إذا كان عندك تفاعل ثابت اتزانه k1 وضربت التفاعل في أي معامل بيطلع ثابت اتزان التفاعل الجديد k1 أس المعامل اللي ضربته في التفاعل

الثاني : إذا عندك تفاعل ثابت اتزانه k1 وقلبت التفاعل خليت المتفاعلات مكان النواتج والعكس بيطلع ثابت اتزان التفاعل الجديد مقلوب k1 يعني 1 قسمة k1

الثالث : إذا عندك تفاعلين ثوابت اتزانهم k1 و k2 وجمعت التفاعلين مع بعض بيكون ثابت الاتزان الجديد k3 حاصل ضرب k1 في k2

هذي القوانين الأساسية وممكن في مسألة يعطيك حالتين منهم في نفس الوقت يعني يقلب التفاعل ويضربه في معامل ويطلب منك ثابت اتزانه مثلا

[sultanooh]

يا أخوان

ترى السمستر الأول جاب لهم سؤال طلع الk3

والجواب مايطلع بذي الطريقة

k3 حاصل ضرب k1 في k2

لالا

يطلع بالقوانين اللي انا ذكرتها فووق

واللي عنده اسألة فاينال الترم الاول هيشوف هذا الشيء

[Majid Al-Dharrab]

المشاركة الأصلية كتبت بواسطة losfer هي ثلاثة قوانين لمثل هذي المسائل الأول : إذا كان عندك تفاعل ثابت اتزانه k1 وضربت التفاعل في أي معامل بيطلع ثابت اتزان التفاعل الجديد k1 أس المعامل اللي ضربته في التفاعل الثاني : إذا عندك تفاعل ثابت اتزانه k1 وقلبت التفاعل خليت المتفاعلات مكان النواتج والعكس بيطلع ثابت اتزان التفاعل الجديد مقلوب k1 يعني 1 قسمة k1 الثالث : إذا عندك تفاعلين ثوابت اتزانهم k1 و k2 وجمعت التفاعلين مع بعض بيكون ثابت الاتزان الجديد k3 حاصل ضرب k1 في k2 هذي القوانين الأساسية وممكن في مسألة يعطيك حالتين منهم في نفس الوقت يعني يقلب التفاعل ويضربه في معامل ويطلب منك ثابت اتزانه مثلا

^
+1

وتكون k3 حاصل القسمة عند الطرح بين k1 وk2.
أما إذا كانت المعادلة المعطاة نصف المعادلة المطلوبة (المطلوبة ÷ 2) فيكون تركيز المطلوبة جذر تركيز المعطاة. (مجرد حالة خاصة من القانون الأول الموجود في المشاركة السابقة)

[sultanooh]

ياليت ياماجد شررح اكثرررر

متى اقسم k1 على k2 ومتى العكس

الشرح باليوتيوب مو مرة فهمت منه

[losfer]

المشاركة الأصلية كتبت بواسطة Majid Al-Dharrab ^ +1 وتكون k3 حاصل القسمة عند الطرح بين k1 وk2. أما إذا كانت المعادلة المعطاة نصف المعادلة المطلوبة (المطلوبة ÷ 2) فيكون تركيز المطلوبة جذر تركيز المعطاة. (مجرد حالة خاصة من القانون الأول الموجود في المشاركة السابقة)

كلامك صحيح بس للتوضيح أكثر
الحالة الأولى اللي ذكرتها لمن نطرح هي أساسا عبارة عن خطوتين ونستعمل فيها قانونين
التفاعل الأول خليناه زي ماهو وثابت اتزانه k1
والتفاعل الثاني قلبناه وخلينا المتفاعلات مكان النواتج وصار ثابت اتزانه 1/k2
وبعدين جمعنا التفاعلين مع بعض وصار ثابت الاتزان للمعادلة الجديدة = (k1 * ( 1/k2
= k1/k2

والحالة الثانية لمن نقول قسمة اثنين كأننا نقول ضرب نص
ومثل ما قلنا إذا ضربنا التفاعل في أي معامل نرفع ثابت الاتزن لأس هذا المعامل
أي عدد أس نص رح يطلع جذر هذا العدد