ضروري..اختباري التوفل قريب..وعندي استفسارات مهمة..

[وحدة من الناس]

المشاركة الأصلية كتبت بواسطة روح طموحه الله يوفقنا وإياك يارب ،، انا كمان بنفس المركز بيوم 14 نوفمبر .. عندي سؤال اذا تكرمتي : انتي بتقولي انه تأجل اختبارك الين 27 ابي افهم ممكن؟؟ يعني هل بلغك المركز بموعد تأجيل الاختبار ولاكيف ؟ سامحيني على كثره الاسئله ،، ومشكوره مقدما :)

أنا في نفس الموعد
عن استعداداتي ماعندي استعداد زايد بس دارسة 7 مستويات في المعهد وبراجع من نفس المناهج
واشتريت قبل كم يوم برنامج مرة حلو وباقوي سماعي منه لحد يوم الإختبار
http://learnrealenglish.com/

على فكرة النت مليان اختبارات تدريبية على التوفل انت بس اكتبي Toefl في جوجل وشوفي

أنا سألت وحدة من المدرسات في المعهد قالتلي 32 درجة مرة قليلة وتجيبيها بالراحة
بس انا نفسي أجيب 61 عشان اكمل دكتوراة اذا الله يسر
وإذا تحبي تدخلي اختبار اسهل ادخلي اختبار ستيب أسهل بكتير وتافه بالنسبة للتوفل وعلى حسب علمي اتقدم الموعد ليوم 29-12

[eman 111]

أختي روعة أنا كان يوم 21نوفمبر بس اتصلوا وقالوا لي سار يوم 27 اللي هو بعدو باسبوع فقلت لهم ايوا عادي كلو خير ..

انتي اتأكدي منهم أحسن وشوفي ايش يقولوا لك يمكن فيه امكانية تغيري والله ماأعرف..

لاعادي الله يحييك ولو عندك أي استفسارات ماعندي مشكلة..

الله يوفقك يارب ولاتنسي بعد ماتختبري تعالي وقولي لي كيف كان الاختبار..

[روح طموحه]

جزاك الله خير علي سعة روحك ،، لا انا ماودي اغير موعد الامتحان بس لما قلتي انه تبدل وكذا روادني وسواس اعوذ بالله منه لان ضروري ادخل في هالموعد ومااقدر ااخر ابدا،،

أكيد ان شاء الله راح اسجل تجربتي هنا بموضوعك ولاتحرميني من صالح الدعاء في ظهر الغيب فأنا في أشد الحاجة بعد الله الى الدعــــــــاء :)

وفقني الله وإياك لكل خـــــير ..

[رضاك يا رب]

و عليكم السلام ورحمة الله و بركاته
طيب اختي قرين وي
كم مدة الدورة؟
ومين الي يعطو الدورة ايش جنسيتهم ؟
وهل شرطها تحديد مستوى ؟
وكم رسومها؟
وين موقع المعهد بجدة؟
و إذا انتي سبق دخلتي الاختبار يليت تفيدنا بتجربتك
معليش كثرت عليك الاسئلة لاني بجد محتارة
و جزاك الله خير

[greenway]

المشاركة الأصلية كتبت بواسطة رضاك يا رب و عليكم السلام ورحمة الله و بركاته طيب اختي قرين وي كم مدة الدورة؟ ومين الي يعطو الدورة ايش جنسيتهم ؟ وهل شرطها تحديد مستوى ؟ وكم رسومها؟ وين موقع المعهد بجدة؟ و إذا انتي سبق دخلتي الاختبار يليت تفيدنا بتجربتك معليش كثرت عليك الاسئلة لاني بجد محتارة و جزاك الله خير

السلام عليكم مدة الدورة اربع اسابيع ولأن اختبار التوفل العالمي اربع اجزاء قراءة واستماع وتحدث وكتابة فكل اسبوع في الدورة حيغطي جزء من الاختبار اسبوع قراءة ثم اسبوع استماع .. وهكذا

الاستاذة اللي اخذنا معها الدورة اجنبية والرسوم والله ما اتذكر بالضبط بس هي مرتفعة شوي
الموقع في جدة شارع الامير سلطان في مبنى الايس لاند

لما تروحي يعملولك اختبار تحديدمستوى وعشان تدخلي الدورة لازم يكون مستواكي في اللغة الانجليزية متوسط مرتفع ما ينفع مبتدئ ولا متوسط منخفض وانا شخصيا طلع مستوايا متوسط منخفض لكن انا اصريت اخد الدورة بسرعة لان التقديم للماستر كان قريب ولاني كمان كنت حقدم للماستر بامتحان الجامعة بديل التوفلgee وليس التوفل العالمي وهو اسهل بكتير من التوفل العالمي ,اطمنك جميع البنات اللي كانو معانا بالدورة اجتازو التوفل العالمي
ولو حتدخلي امتحان بديل التوفل في الجامعة حتلاقيه سهل لانه جزئين استماع و قراءة

فقط مافيه كتابة ولا محادثة

انا عن تجربة انصحكم بها بقوة لاني سمعت ان في بنات للاسف بيعيدو دخول الامتحان اكتر من عشر مرات
,, الكتب والسي دي كويسة لكن ما تدربك على مهارات بشكل كافي يعني تعطيكي 15% فقط من المطلوب
بالتوفيق للجميع ودعواتكم

[رضاك يا رب]

[greenway please answer us ]

[eman 111]

أخواتي أنا سجلت في المركز مباشرة ولما أعطيتهم الايميل غلطت فيه قولولي ايش اعمل دحين خصوصا انو ماارسلولي شي حتى مني عارفة الوقت

أنا سجلت في المركز الثقافي السعودي

الله يسعدكم ردوا عليا

[رضاك يا رب]

eman111حاولي دقي عليهم وبلغيهم ... الله يوفقك
أختي greenway اختبار بديل التوفل عيبه انه فيه قرمر مواي قرمر مرة متقدم وصعب .. هذا الي اعرفه..
بس بالنسبة لاختبار التوفل العالمي مضمون وماينتهي .. بس هو صعب شوي ..الله يسهل إن شاء الله

[greenway]

المشاركة الأصلية كتبت بواسطة رضاك يا رب eman111حاولي دقي عليهم وبلغيهم ... الله يوفقك أختي greenway اختبار بديل التوفل عيبه انه فيه قرمر مواي قرمر مرة متقدم وصعب .. هذا الي اعرفه.. بس بالنسبة لاختبار التوفل العالمي مضمون وماينتهي .. بس هو صعب شوي ..الله يسهل إن شاء الله

السلام عليكم لا اختي اختبار بديل التوفل في الجامعة الجرامر فيه مش كتير صعب ولو اخدتي الدورة اللي قلتلكم عنها هتلاقي الاختبارسهل وحتجتازيه لكن عيبه انه محلي يعني لا يقبل الا فقط في الجامعة اللي اختبرتيه فيها
اما بالنسبة لاختبار التوفل العالمي فهو مدة صلاحيتو سنتين ولو حبيتي بعد سنتين تقدمي لاي جامعة حيطلبو توفل جديد
بالتوفيق

[أ.حنين]

للرفع