ضروري..اختباري التوفل قريب..وعندي استفسارات مهمة..

[رضاك يا رب]

الله يسهل عليك إن شاء الله في أختبارك

[رضاك يا رب]

بس أبي أسائلك كم من الوقت يكفي للتحضير للاختبار ؟

[shada_Ak]

شوفي ما قد سبق ودخلت التوفل

لكن دي مواضع سبق واستفدت منها

http://www.skaau.com/vb/showthread.php?t=54835

http://www.skaau.com/vb/showthread.php?t=45824

http://www.skaau.com/vb/showthread.php?t=45830


وربي يسهلك وتحصلي على الدرجه بالمطلوبه

لا تنسينا من دعائك

[eman 111]

الله يسعدكم أخواتي يارب ويفرج عننا وعنكم

رضاك يارب : بصراحة أنا ليا أسبوع بدات أقرأ في كتاب البارون بس اختباري كان بعد اسبوعين من الان بس سار بعد3أسابيع لأنو خلو البنين في موعد والبنات في موعد تاني فأخروا اختباري ، وكمان مرة عليه زحمة لأنو هو المركز الأكثر اعتماد من الجامعة يعني المتأكد منه انو معتمد عشان كده الحجز فيه يقفل بسرعة..أنا بصراحة سألت وقالوا انو شهر مرة كفاية انك تعرفي فنونه..
أنا دحين وقفت عشان اختبار القدرات يادوب اشتريت الكتاب وقلت حأبدأ شوية فيه..

وياااااااااااااااااااااااااااااارب ييسر لنا جميعا ويعطينا حتى يرضينا يارب..

وشكرا لك ياشذا على الروابط الله ييسرلك كل عسير ويعطيك مناك وأكثر..

[روح طموحه]

كتاب لونج مان جدا مفيد ، أسأل الله لك التوفيق ،،

ممكن اسألك متى موعد ومكان اختبارك ؟؟

وجزاك الله كل خير :)

[رضاك يا رب]

جزاكم الله ألف خير ... بس بصراحة مابدأت بس أقرا من فترة وفترة
أيوه أنا اشتريت كتاب براون الاخضر و ركزي على فصل Academic skills
مرة روعة هذا الفصل يفيدك في شرح كل قسم ..

[eman 111]

أنا موعدي يوم 27 بالميلادي في المركز الثقافي السعودي

وانتي؟؟

[روح طموحه]

المشاركة الأصلية كتبت بواسطة eman 111 أنا موعدي يوم 27 بالميلادي في المركز الثقافي السعودي وانتي؟؟

الله يوفقنا وإياك يارب ،، انا كمان بنفس المركز بيوم 14 نوفمبر ..
عندي سؤال اذا تكرمتي : انتي بتقولي انه تأجل اختبارك الين 27 ابي افهم ممكن؟؟

يعني هل بلغك المركز بموعد تأجيل الاختبار ولاكيف ؟

سامحيني على كثره الاسئله ،، ومشكوره مقدما :)

[eman 111]

أختي روعة أنا كان يوم 21نوفمبر بس اتصلوا وقالوا لي سار يوم 27 اللي هو بعدو باسبوع فقلت لهم ايوا عادي كلو خير ..

انتي اتأكدي منهم أحسن وشوفي ايش يقولوا لك يمكن فيه امكانية تغيري والله ماأعرف..

لاعادي الله يحييك ولو عندك أي استفسارات ماعندي مشكلة..

الله يوفقك يارب ولاتنسي بعد ماتختبري تعالي وقولي لي كيف كان الاختبار..

[روح طموحه]

جزاك الله خير علي سعة روحك ،، لا انا ماودي اغير موعد الامتحان بس لما قلتي انه تبدل وكذا روادني وسواس اعوذ بالله منه لان ضروري ادخل في هالموعد ومااقدر ااخر ابدا،،

أكيد ان شاء الله راح اسجل تجربتي هنا بموضوعك ولاتحرميني من صالح الدعاء في ظهر الغيب فأنا في أشد الحاجة بعد الله الى الدعــــــــاء :)

وفقني الله وإياك لكل خـــــير ..