طب وجراحة فرع شمال جدة

[DR.MOHAMMED ALJUNAID]

المشاركة الأصلية كتبت بواسطة howsawi راح نأخذها بالتأسيس لمدة 6 أسابيع صح؟ كم عليها درجات وهل هي سهلة متوسطة أو صعبة؟ كمان وش هي أصعب المواد في نظركم؟ وكيف المفروض نعمامل معها؟ كثرنا عليكم أسئلة اعذرونا بس لازم يعطيكم العافية! وبخصوص المضلات راح نجيب مضلاتنا معنا فلا تشيلوا هم

ايوه لمده 6 اسابيع حتكون وعليها 30 درجه من ال 100 حقت الفاونديشن
بالنسبه للمواد الصعبه هوا مافي بصراحه ماده صعبه وماتتذاكر لكن احنا المشكله عانينا من الباثولجي معاناه شديده بسبب سوء القسم والاسأله الغريبه الي مدري كيف جات وقصر مده التدريس خلال تقريبا 6 اسابيع لمنهج جدا طوووويل
ف نصيحتي لكم اذا بدأتو الباثولجي ذاكروها اول بأول وحاولو تكتبو مع الدكتور اش يقول خصوصا الدكتور احمد غانم لانو دايما الاسأله ماتخرج عن الي يكتبو اذا جاكم ان شاء الله
وبالعكس حبيبي واجبنا

[حمودي جده]

المشاركة الأصلية كتبت بواسطة dr.mohammed aljunaid ايوه لمده 6 اسابيع حتكون وعليها 30 درجه من ال 100 حقت الفاونديشن بالنسبه للمواد الصعبه هوا مافي بصراحه ماده صعبه وماتتذاكر لكن احنا المشكله عانينا من الباثولجي معاناه شديده بسبب سوء القسم والاسأله الغريبه الي مدري كيف جات وقصر مده التدريس خلال تقريبا 6 اسابيع لمنهج جدا طوووويل ف نصيحتي لكم اذا بدأتو الباثولجي ذاكروها اول بأول وحاولو تكتبو مع الدكتور اش يقول خصوصا الدكتور احمد غانم لانو دايما الاسأله ماتخرج عن الي يكتبو اذا جاكم ان شاء الله وبالعكس حبيبي واجبنا

السلام عليكم اخوي بس حبيت اسالك طيب عن كيفيه المذاكره
يعني انتو تاخذو المحاضرات من الدكتور وتذاكروها او تشترو ملخصات
وتذاكرو منها زي التحضيري

[فتى تثليث]

المشاركة الأصلية كتبت بواسطة حمودي جده السلام عليكم اخوي بس حبيت اسالك طيب عن كيفيه المذاكره يعني انتو تاخذو المحاضرات من الدكتور وتذاكروها او تشترو ملخصات وتذاكرو منها زي التحضيري

انا رح ارد بالنيابة عن اخوي محمد..
بالنسبة للمحاضرات الدكتور يعطي نسخة للمحاضرة لليدر او السب ليدر وهو يصور ويوزعها ..
بالنسبة لوضعكم يمكن يختلف عن وضعنا ويكون افضل..واتمنى ذلك وبشده..

[Helsom]

دقيقه الحين حقين فرع الجنوب يشترون سلايدات من المكتبه اللي عندهم ناسي اسمها ! احنا الدكتور يجيبها لنا ونصورها ( اللي اقصده انها نفس السلايدات ولا شي ثاني ! ) اتمنى تكون نفسها لانه لو مهي نفسها وجاتنا اسئلة من الجنوب راح نتورط ,,

[فتى تثليث]

المشاركة الأصلية كتبت بواسطة helsom دقيقه الحين حقين فرع الجنوب يشترون سلايدات من المكتبه اللي عندهم ناسي اسمها ! احنا الدكتور يجيبها لنا ونصورها ( اللي اقصده انها نفس السلايدات ولا شي ثاني ! ) اتمنى تكون نفسها لانه لو مهي نفسها وجاتنا اسئلة من الجنوب راح نتورط ,,

اذا الدكتور من الجنوب يجيب نفس سلايداتهم ..
بالنسبة للاسئلة رح يخبركم اذا رح يضعها بنفسه او رح تكون من الجنوب ..
تقريباً ما رح يدرسوكم دكاتره من الجنوب على الاغلب الترم الاول ..

[DR.MOHAMMED ALJUNAID]

شباب الدفعه الجديده اعلان مهم

اكيد سمعتو بدوره الجنوب الي حيسووها يوم السبت ان شاء الله
حبيت ابلغكم انو ياريت لو الكل من طلاب الشمال يحضرها لانو حيكون في يومين من الاسبوع كم ساعه حنقعد معاكم احنا كم طالب من الشمال نجاوب على كل استفساراتكم وحنكون مع طلاب الجنوب
حاولت اجيب ارقام الي انقبلو في الشمال لكن لحد الان ماقدرت ف ياريت لو تبلغو بعضكم
بالتوفيق لكم جميعا ان شاء الله ^_^

[彡yS❤Ry彡]

خخخخخخخ نصيحه ياشباب استمتعوا بأجازتكم
ضاعت الاجازه وانتم شايلين هم الباثولوجي والبايو من ذحين حتى مالحقتوا تشوفونها
صح كنا زيكم متحمسين في البدايه لكن نصيحه انبسط ووفللل عشان اذا بدت الدراسه تحس انك متفرغ لها بدون
اي فلله زاايده ^ـ^

[MeeNoOo]

حيآ الله والله شصمـه آإصدقآإئنآ في عسسفآإن :$

[M.Radoy]

الحمدلله هذا الموضوع الي كنت مستنيه من أول الله يهديكم والله يعطيكم العافيه على المواضيع والمعلومات الجيده
وووولاننسى صاحب الفكره اللاعب الدولي أسامه هوساوي (Howsawi)

أخوكم/عبدالله

[ماجد المقبل]

السلام عليكم انا معاكم ولي شرف الانضمام اليكم