طب وجراحة فرع شمال جدة

[DR.MOHAMMED ALJUNAID]

المشاركة الأصلية كتبت بواسطة howsawi راح نأخذها بالتأسيس لمدة 6 أسابيع صح؟ كم عليها درجات وهل هي سهلة متوسطة أو صعبة؟ كمان وش هي أصعب المواد في نظركم؟ وكيف المفروض نعمامل معها؟ كثرنا عليكم أسئلة اعذرونا بس لازم يعطيكم العافية! وبخصوص المضلات راح نجيب مضلاتنا معنا فلا تشيلوا هم

ايوه لمده 6 اسابيع حتكون وعليها 30 درجه من ال 100 حقت الفاونديشن
بالنسبه للمواد الصعبه هوا مافي بصراحه ماده صعبه وماتتذاكر لكن احنا المشكله عانينا من الباثولجي معاناه شديده بسبب سوء القسم والاسأله الغريبه الي مدري كيف جات وقصر مده التدريس خلال تقريبا 6 اسابيع لمنهج جدا طوووويل
ف نصيحتي لكم اذا بدأتو الباثولجي ذاكروها اول بأول وحاولو تكتبو مع الدكتور اش يقول خصوصا الدكتور احمد غانم لانو دايما الاسأله ماتخرج عن الي يكتبو اذا جاكم ان شاء الله
وبالعكس حبيبي واجبنا

[حمودي جده]

المشاركة الأصلية كتبت بواسطة dr.mohammed aljunaid ايوه لمده 6 اسابيع حتكون وعليها 30 درجه من ال 100 حقت الفاونديشن بالنسبه للمواد الصعبه هوا مافي بصراحه ماده صعبه وماتتذاكر لكن احنا المشكله عانينا من الباثولجي معاناه شديده بسبب سوء القسم والاسأله الغريبه الي مدري كيف جات وقصر مده التدريس خلال تقريبا 6 اسابيع لمنهج جدا طوووويل ف نصيحتي لكم اذا بدأتو الباثولجي ذاكروها اول بأول وحاولو تكتبو مع الدكتور اش يقول خصوصا الدكتور احمد غانم لانو دايما الاسأله ماتخرج عن الي يكتبو اذا جاكم ان شاء الله وبالعكس حبيبي واجبنا

السلام عليكم اخوي بس حبيت اسالك طيب عن كيفيه المذاكره
يعني انتو تاخذو المحاضرات من الدكتور وتذاكروها او تشترو ملخصات
وتذاكرو منها زي التحضيري

[فتى تثليث]

المشاركة الأصلية كتبت بواسطة حمودي جده السلام عليكم اخوي بس حبيت اسالك طيب عن كيفيه المذاكره يعني انتو تاخذو المحاضرات من الدكتور وتذاكروها او تشترو ملخصات وتذاكرو منها زي التحضيري

انا رح ارد بالنيابة عن اخوي محمد..
بالنسبة للمحاضرات الدكتور يعطي نسخة للمحاضرة لليدر او السب ليدر وهو يصور ويوزعها ..
بالنسبة لوضعكم يمكن يختلف عن وضعنا ويكون افضل..واتمنى ذلك وبشده..

[حمودي جده]

المشاركة الأصلية كتبت بواسطة فتى تثليث انا رح ارد بالنيابة عن اخوي محمد.. بالنسبة للمحاضرات الدكتور يعطي نسخة للمحاضرة لليدر او السب ليدر وهو يصور ويوزعها .. بالنسبة لوضعكم يمكن يختلف عن وضعنا ويكون افضل..واتمنى ذلك وبشده..

مشكور حبيبي وماقصرت بس ياليت تقولنا كل ماده نشتري كتابها او في مواد ما تحتاج وانت وش كنت تسوي تذاكر من الكتب او بس تعتمد على محاضرات الدكتور

[DR.MOHAMMED ALJUNAID]

المشاركة الأصلية كتبت بواسطة حمودي جده مشكور حبيبي وماقصرت بس ياليت تقولنا كل ماده نشتري كتابها او في مواد ما تحتاج وانت وش كنت تسوي تذاكر من الكتب او بس تعتمد على محاضرات الدكتور

بالنسبه للكتب غالب المواد تكون المذاكره من الشيتات وسلايدات بور بوينت والكتب للزياده والفائده واذا في شي مو مفهوم
لكن عندك الترم الاول في كتب لازم تكون معاك زي كتاب الترمنولجي
على سنتنا عشان كنا مرتبطين بالجنوب ف كانت اكتر من ماده لازم نشتري كتابها منها الاناتومي والهستولجي والامبيرولجي لكن دحين بالنسبالكم حيكون لكم دكاتره خاصين بدي المواد من الشمال وهما حيدوكم السلايدات
بصفه عامه لاتخاف كل شي حيبين معاك اول يومين ان شاء الله وبرضو احنا حنجتمع معاكم ونقلكم كل شي مهم بأذن الله

[Howsawi]

المعذرة أولاً ياخوان! طبعاً أنا اسمي يـــوســــــف

ثانياً:ممكن لو تكرمتوا توزعوا باقي السبعين درجة حقت الفاونديشن؟
ثالثاً: هل الباثولوجي ذي عندها مدرس خصوصي زي البايوكيمستري مثلاً.
لأنه بصراحة الأخيرة هذي (البايوكيمستري) سمعتها تسبقها.
وسمعت عنها إنها فـلم مررررعــــــب للطلاب. عشان كذا أنا مرتب لي مدرس خصوصي من بدري (شغلات التحضيري يعني) وابي واحد معي من الدفعة 11.
رابعاً:الله يوفقكم ويسعدكم ياخبراءنا بالدفعة 10.

[فتى تثليث]

المشاركة الأصلية كتبت بواسطة howsawi المعذرة أولاً ياخوان! طبعاً أنا اسمي يـــوســــــف هلا والله اخوي يوسف تشرفنا بمعرفتك. ثانياً:ممكن لو تكرمتوا توزعوا باقي السبعين درجة حقت الفاونديشن؟ اتمنيت افيدك بس ما عندي خبر بالتوزيع.. ثالثاً: هل الباثولوجي ذي عندها مدرس خصوصي زي البايوكيمستري مثلاً. اتوقع بس خلك منهم .. همهم الاول والاخير الفلوس.. لا تحكم عليها وانت لسى ما درستها يمكن تشوفها سهله وتتفوق فيها بإذن الله.. لأنه بصراحة الأخيرة هذي (البايوكيمستري) سمعتها تسبقها. والله لا يسمعك الدكتور عماد لا يزعل منك..ما عليك هذي المادة تراها حلوة للي يذاكرها اول بأول..ما شاء واحد من الشباب جاب فيها 99 الله يوفقه و يسعده .. وسمعت عنها إنها فـلم مررررعــــــب للطلاب. عشان كذا أنا مرتب لي مدرس خصوصي من بدري (شغلات التحضيري يعني) وابي واحد معي من الدفعة 11. رابعاً:الله يوفقكم ويسعدكم ياخبراءنا بالدفعة 10.

بالتوفيق اخوي واي استفسار احنا بالخدمة:(

[DR.MOHAMMED ALJUNAID]

المشاركة الأصلية كتبت بواسطة howsawi المعذرة أولاً ياخوان! طبعاً أنا اسمي يـــوســــــف ثانياً:ممكن لو تكرمتوا توزعوا باقي السبعين درجة حقت الفاونديشن؟ ثالثاً: هل الباثولوجي ذي عندها مدرس خصوصي زي البايوكيمستري مثلاً. لأنه بصراحة الأخيرة هذي (البايوكيمستري) سمعتها تسبقها. وسمعت عنها إنها فـلم مررررعــــــب للطلاب. عشان كذا أنا مرتب لي مدرس خصوصي من بدري (شغلات التحضيري يعني) وابي واحد معي من الدفعة 11. رابعاً:الله يوفقكم ويسعدكم ياخبراءنا بالدفعة 10.

اخوي سلمان ماقصرت حبيبي لكن حاب اضيف على كلامك شويه للفائده
بخصوص التقسيم حيكون 30 على الترمنولجي وفي كمان 10 على ماده سكلز مهارات الطبيب تافه مجرد كانت واجبات تسلمها بخط اليد
و60 درجه اختبار نهائي اختيارات اضن كانت على ماده الفسيولجي وناسي لو كان في ماده تانيه
بخصوص الباثو مارح تحصل لها مدرس خصوص ومانصحك بصراحه بمدرسين خصوصين تكلفه فلوس على الفاضي ومارح تستفيد
البايوكمستري ماده سهله بس يبغالك تشغل مخك وتفهمها وتربطها وابدا ابدا مايحتاج مدري خصوصي فيها مع البروف عماد الله يحفظو
معانا طلاب اخدو خصوصي للبايو وكانت درجات الي ماخدو الخصوصي غالبا اعلى من الشباب التانين يعني مارح يفرق معاك مجرد ضياع فلوس
وطبعا انت مع بدايه الدراسه حتشوف الوضع كيف ان شاء الله

[د. أسامة]

المشاركة الأصلية كتبت بواسطة Howsawi المعذرة أولاً ياخوان! طبعاً أنا اسمي يـــوســــــف ثانياً:ممكن لو تكرمتوا توزعوا باقي السبعين درجة حقت الفاونديشن؟ ثالثاً: هل الباثولوجي ذي عندها مدرس خصوصي زي البايوكيمستري مثلاً. لأنه بصراحة الأخيرة هذي (البايوكيمستري) سمعتها تسبقها. وسمعت عنها إنها فـلم مررررعــــــب للطلاب. عشان كذا أنا مرتب لي مدرس خصوصي من بدري (شغلات التحضيري يعني) وابي واحد معي من الدفعة 11. رابعاً:الله يوفقكم ويسعدكم ياخبراءنا بالدفعة 10.

أكبر خطأ ممكن تسويه في حياتك إنك تدرس عند الخصوصي المصري م.ح. !!،
أنا شخصياً درجتي ماني راضي عنها والسبب هو إني ضيعت وقتي عند خصوصي :(،
أخخخخخ بس والله ندمان أشد الندم :( ،
والله لو اعتمدت على نفسي و الله أجيب درجة أحسن من اللي أخذتها في المادة هذي،
المادة هذي حلــوة و حبيتها بداية السنة،، بس الخصوصي خبصها عليها و خلاها كلها حفظ وما فهمتها زي الناس بسببه و جالس يحذف لي من رأسه وكنت معتمد عليه و تورطت في الاختبارات O.o" ،
نصيحة لوجه الله أبعدوا عنهم تروهم ناس طماعين بطريقة ما يخافوا الله فيها و أصلاً هما بنفسهم مو فاهمين المادة صح والسبب بعض الأسئلة التحشيرية اللي كنت أسألهم إياها -_-"،

انتبهوا لا تسمعوا كلام الناس و تخافوا و تظنوا نفسكم بتفهموا صح منهم ولا تضحكوا على نفسكم و تظنوا إنه راح يشرح لكم بالهداوة و الله إنهم يكروت كروته زي الزفت لإنهم مو فاهمين صح و يبغوا يخلصوا بسرعة علشان الوقت،، بالعربي شغل مصارية :(،

إن شاء الله في الدورة راح يوضحوا لكم طلاب و طالبات من أفضل طلاب وطالبات الدفعة اللي اعتمدوا على نفسهم صح و فهموا المادة صح و جابوا درجات ممتازة من دون الرجوع لخصوصي وبيقولوا لكم كيف تذاكروا المادة صح إن شاء الله،، و بكذا تكونوا أطباء و طبيبات أســاسكم مبني صح و فاهمين المادة تمااااام إن شاء الله :) ..

[Dr.Faisal Al-Nemari]

السلام عليكم

اول شي احب اصبح على كل طلاب الجامعة وخصوصا طلاب طب عسفااان حبيت اعرف بنفسي معاكم اخوكم فيصل النمري وانا من الطلاب الي انقبلو بطب عسفان ولله الحمد وإن شاء الله نكوون اخوان ومتعاونين مع بعض .
وفي النهاية احب ابارك لكل طلاب الجامعة بمناسبة التسكين مع كل احترامي وتقديري لكم اخوكم فيصل النمري .