إيش رايكم ما كأنهم زودهــــــــــــــــــــــــــا ؟؟

[LucKy LAD]

المشاركة الأصلية كتبت بواسطة mora كل دي الاشياء لا يمكن انها تجسد الفرحة الحقيقية بغض النظر عن الدافع سواء البذخ و الفشخرة او انهم بالغصيبة بيعملوا نفسهم فرحانين بس ترى الفرحة الحقيقية هيا التوفيق بين اتنين متناسبين و يحبوا بعضهم في الغالب فرحتهم ببعضهم حتطغى على كل شي حتى لو اخدها من بيت اهلها بدون اي حفلة

الله الله ع الدرر

حكم ما شاء الله

الا اقول مورا تقعدي مع حريم كبار <<<<<<<<

[mzat kau]

مورا ياسلام عليكي واهنيكي يا كاتبه الموضوع ع الموضوع الاكتر من رائع ولكن مابيدنا غير نقول الله يهدي الجميع استغربت بس ع حكايه شنظه الدهب ايش دا صراحه انا اول مرة اسمع بيها
انا مرة صحبتي حكتني على فرح راحتو في ليلتي جابو ديانا حداد مطربه
وبقولي فستاين اهل الفرح كلهم راحو عند زاكي بن عبود وماعجبهم تصميمها راحو جابو واحد لبناني اسمو مدري ايش انطونيس هههههههه وطلعلو فيزة وشغله علشان يسويلهم الفساتين وتقولي العرووسه مرة كان شكلها حلو وكانت حاطا ماشا الله تاجين الماس بشعرها
صح انو حلو وفشخرة ومدري ايش بس برضو حرام قد كدا على فرح واللي ضحكني اكتر انها قالتلي انهم ناس متواضعين !! كيف تجي دي خخخخخخخ
لا وكمان في السابع دا لو تعرفو جابو شمس واحلام الله يهديهم ويصلحهم يااارب
ويوفق الجميع

[ღღღبيـــاض الثــلـجღღღ]

موضوع رائع جدا...... سلمت اناملك على هذا الطرح...
وانا من المعارضين لما يحدث الان...

والله اسراف وتبذير ومظاهر كذابة احيانا ...

يعني اعرف كذا عائلة على قد حالهم حيل وعاملين لبنتهم ملكة في افخم قاعة وزواج والعريس كان رافض فكرة التكاليف الزايدة فالاهل تحملوا المسؤلية ...وجد انا مستغربة

وفي النهاية ديوووون يعني مايصدق يفرح ببنته انه زوجها يرجع لهم الديون الي عليه

طيب ربي وش كلفك تدين سوي على قدك,,,

بس مين يفهم.....صرنا في زمن كل واحد يبغى يكون افضل من الثاني حتى لو يسرق عشان ينافسة

بس كمان ماننكر في الطرف الاخر في ناس على الرغم انهم تجااار ماشاءلله وعندهم المادة بس زواجاتهم بسيطة وفي نفس الوقت روووعة

بس يلاقوا مين يتكلم عنهم انهم بخلاء ...

يعني الله يعين ان شاءالله

الحمدلله على نعمة العقل

[مشمشانا]

اوريانتيشن

يسلمو ثاني على المرور وترا من جد صغير لسه ييبغالك تكون ثروة بس عشان مصاريف الزرواج
وثروة عشان اكلك وشربك بعد الزواج بس مو مشكلة لو بعد خمسين سنة انا عرضي لسه موجود

mora

شكرا على مرورك الرائع
اؤيدك انو الفرحة الحقيقة في التوفيق وياما ناس دفعوا وسو كل دي الاشياء
في النهاية انفصلوا ولا قدروا يكملو مع بعض

LucKy LAD

هههههههههه مو شرط تجلس مع حريم كبار يكفي انها تفكر بعقل واعي عشان تعرف
كل دا مو سبب للسعادة ومو دليل على الفرح
ويسلمو على مرورك العسل


mzat kau

ثانكس يا عسل على مرورك
انا كمان استغربت حكاية الشنطة بس تقول انو دي عادة عندهم
وقصة لبنان تهون قدام ناس من قرايبنا كل فساتينهم من لندن
افتكر وقتها تقولي يراسلو المحل هناك ويرسلو القياسات
ويوصلهم الفستان وعشان هيا ما جربتوا لما وصل طلع واسع
لانهم ارسلوا قياس خطأ وكمان اختها اللون مرة طلع مو حلو عليها
بس حقين فشخرة وانو فستينانا من اوربا ومني عارفة ايه


ღღღبيـــاض الثــلـجღღღ

اشكر مرورك المعطر بالياسمين

للاسف هذا هو الحال اليوم واذا الواحد رفض هذه المظاهر اللي مالها
داعي قالوا انو بخيل وانو شجع ومستكثر الفرحة على اولدو وكلام كثير


اخيرا حابة اشكركم كلكم لانكم بينتوا ليا انو في ناس زي معترضين
كتبت هذا الموضوع في منتدى اخر وكان رد الاغلبية تأيد مثل هذه
الاحتفالات وقالو انها دليل على الفرح والسعادة وبدونها لايكون للفرح طعم

[Mora]

المشاركة الأصلية كتبت بواسطة lucky lad الا اقول مورا تقعدي مع حريم كبار

نااااااااااااااااااااااعااااااااااااااااااااااااام ناااااااااااااااااااااعااااااااااااااااااااااام

ليش؟؟!! هوا انا مو كبيرة ؟؟؟؟؟؟؟


مو ممليه عيونك ؟؟؟ !!!!











تبغا الصراحة












الكبار هما اللي يقعدوا معايا >>>> براااااااااااااااااااا

[M!ss 5o05a]

لا لا

احنا ماعندنا كدا بس يدوب حفلة بسيطه للخطوبه

وبعدها الملكه ..والزواج وبس

مو على كل شئ حفله
.
.
تقبلي مروري

[مشمشانا]

ييسلمووو على المرور العسل يا عسل
ومررررة حلو نظمك يا ليت كل الناس يسوه ويبطل الحفلات الزايدة

[عسل جداوي]

اللي-عنده-قرش-ومحيره
يجيب-طير-ويطيره


اللي-اعرفه
خطوبه-سكيتي-بين-الحريم
بعدين-الشوفه-الشرعيه-هيا-نفسها-الشبكه
وبعدها-الملكه-صغيرة-وفي-البيت-
وبعده-الغمره-قبل-الفرح-باسبوع
والزواج-ويطيروا-على-بيوتهم-وانتهت-الحكايه

[مشمشانا]

حلو انو لسه بعض العوائل تحتفظ بهذا النظام هذا مالمسته من ردود بعض الاعضاء
ولم تتاثر بالموجة السائدة ولكن سؤالي هل انتي راضية عن هذا الشيء بغض النظر اذا
كان موجود داخل عائلتك ام لا بمعنى اذا عزمتكي صديقة لهذي الحفلات تروحي ولا لأ

يسلم مرورك العسل يا عسل