نزلت بحوث العمليات pad351 اخيرا

[Monster]

مبروك للناجحين وحظاً اوفر للبقيه في الترم الجاي ان شاء الله
من افضل دكتور لهذه الماده ؟

[frng47]

انا حملت المادة الترم الماضي وسجلتها صيفي قلت لعل وعسى ان الواحد يعديها وكنت ادعي دائما يارب 60 بس 60فقط . وعند ماجاء الامتحان كان يوم سبت السعة 10:30 صباحا صيام والله يعين . كان الدكتور معصب ولا يبغى كلمة ويقول اللهم اني صائم مابغى اسمع كلام اللي يعرف شي يوضعه في الورقة ولا يضيع وقت .
وكانت الاسئلة بمثابة الصدمة ركز فيها على 3 فصول من الكتاب فقط عبارة عن مسائل .
قلت لاحول ولاقوة الا بالله باقي لي ترم واتخرج والظاهر اني ابحمل المادة الى ان يكتب الله امرا.
ماطول عليكم حليت اللي اعرفه وخرجت وانا ادعي على الدكتور يومين من شدة الغضب والتأثر وعند ماروقت قلت استغفر الله العظيم هو وش ذنب الدكتور اذا كنت انا ضعيف في المادة؟
تدري خليها على الله وربك يكتب الفرج من عنده .وكل يوم انتظر النتيجة واقول يارب 60 بس وانا من الشاكرين .
والحمد لله طلعت النتيجة اليوم ولقيتها 60 . وحمدت الله وشكرته على عظيم نعمه وتوفيقه وابشركم دعيت للدكتور بالتوفيق .
ياشباب هذي المادة صعبة للي ماعندهم هواية بالمسائل الرياضية وانصح اللي بياخذها مستقبلا يركز على حل المسائل من بداية الترم . النظري مايجي منه شي في الاختبار . سامحونا وكل عام وانتم بخير وبالتوفيق للجميع

[خالد بن عبدالعزيز]

هلا بالشباب الي يسالون عن الماده الماده زي ماقال اخونا مافيها نظري ابد وكلها مسائل وقلق وانا انسان مالي في لغة الارقام وس وص وقلق مابعده قلق بس اوصيكم بعد الله انكم تروحون لاخطبوط البحوث اطلق عليه اسمه الغزالي يعطيك الزبده في اسبوع ويخلي الماده تدخل راسك غصب عليك طبعا كل يوم يعطينا واجب ولازم نحله بصراحه بفضل الله ثم بفضل هذه المدرس عدينا الماده ولا راح تلاقي احد في مستوى الغزالي واسال اكثر الطلاب الي لفو في الرياض وفي جده مافيه زيه الله يوفقه دنيا واخره والحمدلله على كل حال وشدو حيلكم فيها ترى هي يبيلها حل مسائل كثير يعني دفتر ابو 100 وحاسبه وقلب رصاص وبالتوفيق
اخوكم خالد بن عبدالعزيز

[الفتى العربي]

ترى المادة سهلة والعالم مكبرينها شوي

ولو إني جبت فيها 60 لكن بصراحة كان هذا الشي بإهمال مني

يعني لو إني ذاكرت تمام كان النتجية أعلى من كذا بكثير

والله يوفق الجميع ..

[uuuuu33]

الحمدلله وانا كذلك نجحت في المادة وصراحه المادة مأخذه اكبر من حجمها لدرجة اني كنت اقوم بـتأجيلها الاترام الماضيه نظرا لماسمعته عن صعوبتها لكن والله اللي بيركز ويكثر من حل المسائل راح يقلى المادة سهله جدا
والف مبروووك لجميع الناجحين والله يوفق من حمل هالمادة في الاترام الجاية