نصائح للمستجدات

[lolipop]

سلاااااااااااااااااااامز
كيفكم صبايا ...... كل عام و انتو بخير <<< مره بدري هههههه

محور موضوعي حيكون عنكم يا مستجدات يا حلوين
بما اني مخضرمه في الجامعه و عارفه كل شي عنها و حاسه بشعوركم انا عن نفسي اول ما دخلت الجامعه كنت مرررررررره حايسه مني عارفه فين اورح ولا اسأل مين
بس بصراحه اول سمستر تكوني مبسوطه و مرتاحه يجيكي الجدول جاهز.

الكااااااااااااااااااااااااارثه تاني سمستر الحذف و الاضافه
حوسه التسجيل كوم و الجداول كوم تاني

1- الحذف و الاضافه
اول شي ينزلولك جدول في النت تشوفيه و يختلف من طالبه لتانيه يعني في بنات ينزلولهم 5 مواد و في ناس 4 - 3 و احيانا تسير ماده انت و حظك في دي الحاله ايش حتسوي حتعتكفي في غرفتك عشان تضيفي مواد و اذا ما مشي الحال معاكي تداومي زي الحلوين اول يوم عشان يضوفولك الماده
بس اول شي حيقولولك روحي شوفي مين مرشدتك طبع كل وحده حتروح كليتها و تدور على اسمها في اوراق معلقه جنب غرف الدكاتره
ما ابغى اعقدكم بس ترى العمليه مهي سهلة يعني تجري وراهم و يعلو قلبك الين ما يضيفولك انا عن نفسي الاسبوع الاول كلو اداومه عشان يضيفولي


2- الدكاتره و الاستاذات
و هادا موال تاني كل وحده اكيد تبغى تاخد مع استاذه كويسه و تجلس تسأل البنات عنها نصيحه لوجه الله لا تسألي البنااااااااااات
لانو كل وحده حتجاوبك حسب عقدتها معاها يعني لو وحده سرلها موقف بسيط مع استاذه حتقول مهي كويسه و ترسب و تفتري عليها ( اذا تبغو تستفسرو عن استاذه انا جاهزة هههههه بس على الخاص منعا للاشهار )


3- القوانين
اول شي جوال الكاميرا ممنوع و لو تسألي وحده تقولك عادي انا من اول سمستر وانا اجيبو ولا مسكوني و بصراحه تسير بس ترى صارو دحين مره يدققو و الشؤون صارو منتشرين في كل مكان ولا تعرفيهم يعني ما يبانو تجي وحده تقولك اشوف جوالك تقوليلها ليش تقولك انا شؤون و خدي على راسك

تاني شي اللبس طبعا اللون عادي اي لون - تي شيرتات عادي بس ما يكون مره قصير كأنو كت بس ترى احيانا بيمسكو عليه
على حسب اللي تطيحي في يدها - الفتحات برضو ممنوعه

يعني بصراحه انت جايه عشان تدرسي مالو داعي القصير و الفتحات و الشخلعه خليكي نظاميه محد يجي يكلمك


4- عقوبه المخالفات
اول شي يكتبو اسمك و اذا اتكرر يودوكي الشؤون تكتبي اسمك عندهم زي الحلوين و اذا اتكرر يا ويلك يا سواد ليلك ودعي الجامعه لانو حيسوولك مجلس تأديبي و بعدها فصل

ان شالله اكون افدتكم
good luck

[MJD]

الله يعينكم والله حوووووووووووووووسه

[فروته]

ههههههههههههه شفت كيف مساكين احنا البنات

والله الحريم مجرمين من جد ما يعرفوا شي اسمه ارحم من فالارض يرحمكم من فالسماء

ربنا يعين ربنا يعين


ثانكس خيتوو :)

[ميعاد]

تسلمي قلبوو عالنصااايح ,, وياارب تعيننا ..

ماشاءالله اختي من يوم مادخلت الين دحيين بتتخرج ماقد مسكووها على جوالها الكميرا << تعرف تدس خخخ

بس طبعا انا مستحيل اشيل حقي بشيل من دوون كاميرا.. لاني مااعرف اتصرف انكفش بسرعه فخلييني مسالمه احسلي ..

[SHOSHO:)]

يسلمووووووووو على النصايح الحلوهـ من جد البنات مساكين :(

[_-_نـدى_-_]

السلااام عليكم ,,

مررررررررررررررررره ثااااااااااانكس معلوومات من جد مهمه ,,

بس بسألك حوسة الجدول والاستاذات من او السنه بنحووس فيها ولا المستوى الثاني ؟

[فروته]

من سنة ثاااني :)

[lolipop]

المشاركة الأصلية كتبت بواسطة _-_نـدى_-_ السلااام عليكم ,, مررررررررررررررررره ثااااااااااانكس معلوومات من جد مهمه ,, بس بسألك حوسة الجدول والاستاذات من او السنه بنحووس فيها ولا المستوى الثاني ؟

من المستوى التاني لانو الاول جدولك ينزل من الجامعه و ما تقدري تعدلي فيه