من يؤيد أن تكون إجازة لنا بسبب تداعيات الفيرس

[Lo0olla]

السلام عليكم ورحمة الله
انا طبعا لا أؤيد إنها تتأجل
اول حاجا الدول اللي برا امريكا وغيرها بدأوا دراسة وعادي جدا الوضع
اوكي ممكن نحنا عشان المعتمرين مقبلين على بلدنا اكتر وعلى جدة ومكة اكتر شي
بس مو معقولة الطلاب يأجزوا لفترة طويلة مدتها 7 شهور يا جماعه
ازا نحنا الكبار وخلاص العقول ذبلت فما بالكم بالاطفال ؟؟؟
اوكي نفكر من ناحية ايجابية عن الامراض وخايفين
بس برضو نفكر اش ممكن يصير لو اجلنا كمان وكملت الاجازة
تاني حاجة الصحة لازم تبدا دورها بالتوعية اوراق توزعوها على الاطفال
في المدارس لما تبدا يكشفوا عالطلبة كل فترة
او معلم يلاحظ في طالب انو مريض يروح يكشفوا عليه على طول
يعني يدققوا ويفتحوا عيونهم اكتر على طلابهم
وبالعكس هنا نخلي اطفالنا يتعلموا يغسلوا اياديهم قبل الاكل يتعلموا ما يمسكو اشياء التانين كدا يعني

وفي الاخر قل لن يصيبنا الا ما كتب الله لنا
والحمدللله
تقبلوا مروري

اختكم علا