سؤال للرجال فقط

[سكووت]

افتكر ايام الثانوي مرة من المراريت درست بالفقه اخر سنة انو اذا كانت المرأة يعني الحرمة يعني احنا
ممن لايخدمون نفسهم في بيت اهلم يجيب لها الزوج خادمة..

هو مو شي اجباري الطبخ بس من باب حسن المعاملة وبحكم انو الزوج ينفق عليها فهي يعني تريحو وتطبخ له بس مو شرط ولا شي بس اتوقع شباب الزمن ده تفتحت العقول عندهم عن شباب زمان وسار عادي تطبخ او لا اهم شي الشكل حلو وريحتها مو بصل


بس اللي يقهرني مو هرجة الطبخ بس دايما اسمع عن ازواج لمن يقوم مايقدر يشيل صحنو يوديه المطبخ بعد مايغلق... ومايقدر يحط ملابسو في سلة الغسيل
لازم يرميها ورا الباب او جمب السرير ومايقدر يسكر غطا المعجون يعني ابسط الاشياء مو قادر يسويها ايش هذا والله مايصير لازم اكون حرس وراه كل ماطاح منو شي اشيلو ؟؟؟....طبعا لا يوجد تعميم هنا البعض فقط كذا يسوون استنى تبريراتكم الموقرة الظريفة اللطيفة

ويد بيد لنبني عالم ازواج سعيد <<حلووة الجملة صح