طالبة من كلية العلوم الطبية التطبيقية بحائل

[mzat kau]

اهلين يااختي انا حجازبك ع الاسئله لاللي اعرفها واللي مني متاكده منها حقولك اني مني متاكده علشان تدخلي على بينه :)

اول شي التخصص دا اصلا مافي للرجال تغذيه فقط للنساء وطبعا ينفع للمراه وادا قصدك ع الاختلاط طوال فترة الدراسه لن تتعرضي للاختلاط ان شا الله غير انه يدرسك بعض الرجال الاساتزة في الكليه وفي مباني مخصصه لهم يعني مايقدريمشو كدا وقبل لايدخلو عليكي في ازرار تنبيه لكم علشان تتحجبو وكدا ( هادا في كليتنا بجده )
وكمان اخر سنه تدريب المستشفى يكون اختلاط كعاده المستشفى لكن بما انه مافي للاولاد فاتوقع يكون الاختلاط اقل من اكليات التانيه ( والله اعلم ) لانك في حائل فمادري كيف الانظمه :)


ساعات العمل ماعندي فكرة لكن مرة قريت وحده في منتدانا انو بتقول من 8 لي 5 لكن عن جد انا ماعرف بس على مااظن انو مافي شفتات لانو مو طوارئ او شي( فماتوقع )


الدراسه ياقلبي مافي شي سهل
كل شي بالمزاكرة اول باول وشده الحيل تطلع سهله لكن انو لعب وكدا مايسير لانو اصلا تخصص صحي ومعروف انو الاشاياء الصحيه يبالها مزاكرة اول باول خصوصا انو التغزيه تتكلم ع الكيميا والمواد والسعرات الحراريه وتنظيم الغذاء وكدا

مجالات العمل طبعا في
تقدري تفتحي مركز تغذيه خاص بكي او نادي صحي او في المستشفى انو تكوني اخصائيه تغزيه وكدا يعني مجالات عملو متنوعه وتفيدك وتفيد غيرك


فرص العمل هادي ارزاق من الله كل شي بيد الله
ماحد عارف بس انوقع انها مطلوبه لانها كليه جديده وتكونو اول دفعه تتخرج فدا شي حلو :)
لكن زي ماقلت لك ممكن ناس اول ماتتخرج تتوظف وهيا معدلها نازل وناس معدلها عالي وماتتوظف
<< شي سار مع قريبي ماشاالله
بس علشان عندو دورات وشهادات نفعتو مع ان المعدل نازل

اخر شي استخيري ربك وخلي يخترلك الخيرة وحتى لو درسك رجال وانتي ملتزمه بحجابك الشرعي مااظن في مشكله :) لانو لكي اجر بكدا لانك مجاهده بس الحجاب اهم شي
والله يوفقك يارب ويوفقنا جميعا ان شا الله :=)