أتمنـــى الأفاده

[miss memo]

الســــــلام عليكم

أكيد كلكم دخلتو كلية الطب بمجهود منكم بالسنه التحضيريه ؟

أنا بالثانوي كنت شاطره ومن الطالبات المتفوقات بس بالجامعه خايفه مره وأبغى اعرف من الي سبقوني ودرسو تحضيري ودخلو كلية الطب

كيف طريقة الدراسه عشان اقدر ادخل هالكليه ؟ وشنو النصايح الي تقدموها لي وانا بدرس تحضيري

وهل صحيح انه دخول كلية الطب صعب مره مره مره مثل ماسمعت ؟؟

أتمنى ألقى الردود الي تفيدني
وشكــــــرا لكم

[* dr.Dodo *]

المشاركة الأصلية كتبت بواسطة miss memo الســــــلام عليكم أكيد كلكم دخلتو كلية الطب بمجهود منكم بالسنه التحضيريه ؟ أنا بالثانوي كنت شاطره ومن الطالبات المتفوقات بس بالجامعه خايفه مره وأبغى اعرف من الي سبقوني ودرسو تحضيري ودخلو كلية الطب كيف طريقة الدراسه عشان اقدر ادخل هالكليه ؟ وشنو النصايح الي تقدموها لي وانا بدرس تحضيري ذاكري أول بأول وإذا ما امداك الوقت اهم شي نهاية كل اسبوع تكوني مذاكره اللي اخذتيه بهذا الاسبوع وقبل الإمتحاان بأسبوع او أسبوعين تكوني مختمه الجزئيات اللي داخله معك بالإمتحان حتى يكون وقت الإمتحان للمراجعه وتكون سهله عليك بإذن الله ,, إذا صعب عليك شي .. ما فهمتي جزئيه .. اسألي الأستاذه أو الدكتوره لا تتركي شي مو فاهمته حتى ما يتراكم عليك وقت الإمتحان ,, حلي التمارين اللي بنهاية كل فصل ... لا تسمعي ولا تهتمي للإشاعات والكلام اللي يحطمك لأنه بالتحضيري فيه إشاعات تطلع كثير ,, وهل صحيح انه دخول كلية الطب صعب مره مره مره مثل ماسمعت ؟؟ والله شوفي إذا إنتي تبينه و واثقه من قدراتك راح تدخلي الطب وماراح يصعب عليك ,, وبعدين لا تصدقي أي كلام يقال لك ..كل شخص وقدراته ..قولي سهل إن شاء الله وحيكون سهل بإذن واحد أحد ,, أتمنى ألقى الردود الي تفيدني وشكــــــرا لكم

والله كتبت اللي أقدر عليه وهذا اللي يحضرني حاليا وأتمنى إني أكون أفدتك ,,
والله يوفقك يااارب ,, وشدي حيلك وإن شاء الله نشووفك دكتوووووورهـ *__^

[miss memo]

مشكوره ألــــــــــف شــــــــكر لك يارب
والله يوفقك إن شاء الله وتسلمي على الأفاده

[M!ss Mojy]

ماشاء الله دكتورة دودو كفت ووفت وقالت كل شي كنت ابغى اقوله

<< اتبعي هذي النصايح وبإذن الله ماراح تواجههك اي مشكلة

واذا في اي استفسار ثاني احنا كلنا هنا تحت الخدمة

بالتوفيق يادكتورة

[miss memo]

تســـــــــــــلمي ويارب يسمع منك وأصير دكتـوره

[szz]

(ترى الشاطر شاطر لو يحطوه بالصين) حكمة من اختراعي ههههههه لا تخافي ولا تصدقي كلام اللي يقولوا صعب ترى بس يحطموك وبعدي عن هادي الاشكال أهم شي يكون عندك عزيمة قويه وتشدي حيلك وتتوكلي على ربنا,,,,,,,و(لكل مجتهد نصيب)............

[miss memo]

مشكوووووووره تسلمي ودعواتكم لي بالتوفيق

[FOFO<3]

ماشاءالله عليكي مدام شاطره بالثانوي حتكوني ممتاااااااااازه أوي فالجامعه :d
لاتخافي

اهم شي تذاكري أول بأول والانجليزي لاتهمليه ابدا حتى لو سهل نصييييييييييييييييييييييحه مني
وازا حابه خلي الانجليزي فالويكند مزاكره وبقية المواد فأيامها
ودخول الطب مرره مو صعب والله
انا صعبتو على نفسي وتعبت فالتحضيري مرره :( كنت خايفه من كل شي

بس الحمدلله دحين كبرت خلاص وحلمي تحقق عقبال مااشوفك معانا يارب

[BaZizo]

بالنسبة ليه ..

عندي 3 نصائح مهمه ..

الاولى
لا تفوتي ولا محاضرة .. خصوصا المحاضرات العلمية ..
لانو اذا فوتي وحده ما حتفهمي شي .. وطبعا غير الكم الهائل من المعلومات الي تاخذيها في المحاضرة الوحده ..

ثاني شي
اكتبي كل شي ينكتب على السبورة .. وكمان اكتبي ملاحظات مهمه من عندك عشان تفهمي نفسك وتنتبهي للاشياء المهمه
وهذي حتساعدك على التذكر ..

ثالث شي
لا تهملي المواد الغير علمية ..
زي مثلا الحاسب ومهارات الاتصال والانجليزي .. وخصوصا الانجليزي
صحيح انو العليمة مهم جدا ..
بس المواد الغير علمية مفيدة لانها ترفع معدلك ..
( طبعا هوا النظام يعتمد على الموزون بس برضو مهمه )
والانجليزي احس انو اهمها ..

انا عن نفسي بصراحه ما شديت حيلي كثير مرة ..

يعني كان اقدر اسوي دااافووور وانحبس في البيت ..
بس والله كسلت شويه .. صحيح ذاكرت بس ما شديت حيلي زي ما كنت اتوقع ..
وطبعا هذا كلو جا على راسي في اخر اسبوعين قبل الاختبارات
تعبت من جد كثير ..
بس الي من جد ساعدني المحاضرات الي كنت ما افوتها والاشياء الي كنت اكتبها ..
ومع كدا .. جبتها على الحافه .. يعني يمكن لو نقصت درجتين كان رحت لرابغ او رحت تخصص تاني ..

الحمدلله على كل حال
بس انتي لو ذاكرتي اول باول .. ( مو لازم اول باول يعني احبسي نفسك في البيت ولا تسوي شي غير المذاكره بس يعني ذاكري اكثر من اول )

وزي ما قلت اكتبي الي في السبورة واحضري المحاضرات وشدي حيلك في الانجليش ..
وانا اضمنلك انو حتجيبي اعلى من 4 ونص ..

والله يوفقك ويحقق حلمك ..
وان شاء الله السنة الجايه نشوفك كاتبه موضوع في المنتدى .. أنا صرت دكتووووره