اختلاط في الجامعة ... نعم ام لا....رايك؟

[أسير]

أخي هاني .. كنت أترقب ردك من زمان عشان أعرف هل حتبقى على رأيك بعد كل اللي قالوه الأعضاء ؟
صدقني يا أخي الكريم هذا مو تقليل من رأيك ، اختلاف الآراء حقيقة ، لكن بشرط ما توصل للاختلاف في الأصول.

إنت قلت إن الإسلام منع كذا و كذا و كذا ، بس إحنا ما بنطبق كل شي ، طيب أخي أنا معاك ( مع إنه اعتراف مخزي في حقنا كمسلمين ) ، لكن هل هذا سبب عشان نقول : طيب طالما أنا ما بأتبع أوامر الإسلام في كذا و كذا إذن ما يضرنضيف عليها شي كمان !!

اعذرني ، بس هذا من وجهة نظري تخاذل و استغلال فظيع لإمهال الله .

بعدين اسمح لي لأن كل جملة من كلامك استوقفتني في نقطة :

---------------------------
لازم نحسن التفكير و السلوب التعامل
---------------------------

للأسف هذا الشي في عالمي و عالمك و عالم المثاليات ........ بس مو في الواقع ! و مو ( لازم ) عند الكل !

---------------------------
هذا يدل على ان ماعندنا شباب عندهم طريق تعامل مع جنس الأخر و ما عندنا سلوب نحترم فية الاخر
---------------------------
برضو للأسف .. هذا هو الواقع !!
و لا ما كان لقيت أنواع المسخرة و الاستحقار اللي بيعامل بيها الشباب البنات في الأسواق و كل مكان .. و أكاد أقسم لك .. نظرة الشاب للبنت في مجتمعنا تنحصر في اتجاه واحد بس .. أنا وإنت و الكل عارفه و ما في داعي للتصريح به .
إنت روح بس مستشفى الجامعة و شوف أنواع الحركات و الإيماءات و النظرات المخجلة بين دكاترة و دكتورات المستقبل .. هذول اللي عندهم اختلاط في الدراسة !!
بعدين نقطة مررررررررة مهمة .. يمين بالله لو صارت الجامعة مختلطة راح تلاقي نص بنات جدة قاعدين في بيوتهم لأن كلية التربية ما راح تستوعب .
إنت مو داري إن فيه أهالي عندهم فكرة إن الجامعة تجعل البنت تختلط بمستويات غير محترمة أخلاقياً و تفسد أخلاقها ؟ ما بالك لو صارت سلطة !!!!!!!! أقصد مختلطة
و بنات كثيييييير كان نفسهم يدخلوا طب بس أهلهم منعوهم عشان الطب اختلاط ، أجل لو كانت كل التخصصات اختلاط إيش كان صار ؟

أخي أخي أخي فيييييييه ثوابت و وقائع كثيرة و حدود دينية أكثر تخالف هذا الموضوع تماماً ( يعني مو بس الدين خالفها ، حتى الناس ، حتى أحدث الدراسات اللي اتكلم عنها مشكوراً أخونا أبو مشعل ) .

Do not be upset but always truth is hard to be smooth

تحياتي ..