المرأة فاسدة و مفسدة

[M!SS]

المشاركة الأصلية كتبت بواسطة نمر من النمور أهلا مسز شي جميل لما الواحد يطالب بحقه .. المسلوب منه لكن في ناس سبحان الله .. إذا أحد قله يمين أخذ يمين .. وإذا قله ياغبي يسار .. قال وإياكم يسار هوّا نحن أحسن منكم يعني !! ... والله من جد .. في ناس كثيييييييير زي كدا فممكن أختي مسز اعرف مثلا بإيش حتطالبي ... وحتدافعي عن إيش ياليت إذا ممكن إذا تسمحي والله نفسي أعرف إيش هيا الأشياء دي كل يوم اسمع حقوق المرأة .. وعافسين الدنيا بحقوق المرأة حتى الوالدة عندي تبغى تطالب بحقوق المرأة طيب يا أمي إيش هيا حقوقكم اللي تبغوها قالت إنتو تخرجو كل يوم .. ونحن محبوسين في البيت هذا تشوفوه حق ؟؟؟ ليتكم تزودونا بالمعلومات وأكن من الشاكرين لكم

اهلا اخوي ,
اشياء كثيييييييره احنا محرومين منها ذي الاوقات والمشكله اللي حارميننا منها هو انتم يالرجال ,واذا سمحت لي بعدد لك بعضها ,وصدقني بذكر لك اشياء انا عايشتها وسمعتها بنفسي ,يعني مهي اشياء خياليه ولا انه نبغى نسوي بلبله و نسمع بكلمه حقوق المرأه ومع الخيل ياشقراء ,

دينياً الحمد لله حقوقنا مأخذينها والحمد لله ,بس سؤال وين اللي يطبق ..؟؟؟؟؟؟؟
اوكي

اول شيء التعليم :
انا اعرف وحده زوجها منعها من تكمله دراستها ,البنت ماعندها الا شهاده ثانوي ,
وتبغى تكمل دراستها . قالها بالفم المليان ,لا ..!حاولت من هنا من هنا , لكن لاحياه لمن تنادي الرجال متنح متنح مافيها كلام ,
ليه ..؟ وايش اللي خلاه مصمم على رايه الله اعلم .وتصدق حتى مااعطاها سبب مقنع او بس سبب هو ليه مصمم كذا على رايه ومايبغاها تكمل ,
*الشيء الثاني ,
بالنسبه ليه انا ,ابغى آخذ ماجستير ودكتوراه (بأذن الله )في الادب الانجليزي ,
وناويه ادرس برا ..حقي ولا مو حقي ..
كلمت ابويه بس ابغى اشوف رايه(ابغى اجّس نبضه هوه بيوافق ولا لا ) لانه لسى انا باقي لي كم سنه على التخرج .
قال لي لا كمليها هنا ,! <انواع التحطيييييم
الكل عارف الدراسه برا افضل بكثيييير من الدراسه هنا ,وشهادتك اللي من برا ماتقارن باللي هنا ,

<شكلوه مافيه سفر , يللا الحمد لله ,

ثاني شيء :
السواقه
مو من حقها انها تسوق ويكون لها سياره وتعيش حالها حال غيرها . وافضل لها من القعده مع السواق في سياره وحده ,صح ولا لا ,
طيب فيه كمان عائلات حالتهم الماديه مابتمكنهم يجيبوا سواق ,
او انه ماعندها اخ ولا ابو ولا زوج ,هيّا بالله هذي كيف تعيش ,مالها حل غير التاكسي
ومايحتاج نحكي في اضرار التكاسي واصحابها ,البعض مو الكل ,


كمان فيه اشياء كثييييييره زيي الظلم اللي حاصل في المحاكم من تعليق المرأه وغيييرها

غير الضرب وغير وغير ...

والله يااخوي اشياء كثثيييييره لو بعدد من الحين الين بكره مابخلص .
طيب اذا انا سكتت وماتكلمت وماطالبت بحقي راح اقعد زي ماانا ,

احنا مابنطالب بـ المساواه ولاّ بـ شيء خيالي ,زيي مابـ يعتقد البعض

والحديث في هذا الموضوع يطوووول

وبالله سلم لي على الوالده ياقلبي عليها والله من جد صادقه ههههههههههههههههههههههه
ايوه هذا حق انتى منت حاس فيها لانك كل يوم اذا مو كل شويه برا

وهي المسكينه بس محبوسه في البيت .<وانا كمان والله مو بس هيه .

ع العموم ,اتمنى اني ماطولت عليك
وآسفه على الرد المتأخر لاني مو دايما ادخل هنا ,,

سلام