سحبوا مكافئتي وانا ما أدري

[Sweet Chocolate]

بالله الي عندوا حل او رأي أو أي شييي يفيدني الله يجزاه الف خير
المكافئه تنزل كل يوم 25 في الشهر للكل وانا يوم 27 رمضان راح اخويه يسحبلي هيا فعلقت عليه اللآله وانكتب في شاشتها >>لا يمكن اتمام العمليه<< وبعدها حاول كم مره يومتها وبعدها دحين يوم 4 و 5 شوال برضوا تديلوه نفس الشي وفي الأخير سوى استعلام للحساب لقي انو الرصيد 10 ريال فقط والمكافئه انسحبت كلها 850ريال يوم 27 رمضان واخد ورقه بالكلام دا
فإيش اسوي دحين وكمان هم اصلا عمرهم مايدونا المكافئه كامله دايما 840
فاإلي عندو رقم البنك في الجامعه بالله يديني هو

[~soso~]

اللي اعرفه ان المكافئه تنسحب بعد 3 شهور
ويمكن انتي بطاقتك انتهت مدتها لانها بعد سنتين تنتهي عشان كذا انكتب لايمكن اتمام العمليه

[Walad_Jeddah]

أحسن حل انك تراجعي البنك بنفسك
و إن شاء الله يرجعونها لك :)

[Sweet Chocolate]

شكرا سوسو عالرد لكن انا مالي غير سنه في الجامعه وهادي التانيه
وشكرا لك وليد وشكلي حااسوي الي قلتلي عليه

[عصر الحاسب]

8001242000
بنك سامبا

وادعيلي :)

[Muaath]

أنـا حصـلت لي نفـس المشـكلة تقــريبـاً

رحـت أسحـب المـكـافئـة في 29 رمضـان .. لكـن طلعــت البطـاقـة منتهيـة وسحبهــا الجهــاز

بغيتهـــا عيــديـة للـوالــدة :( ... لكـن الله يهــديهــم :)


الحـل .. تــراجعــين البنك-فـرع الجـامعـة

وحقـك مـا يضيـع

وبالنسبــة للـ 10 ريـال اللـي تنقـص من المكـافئـة .. هـذي تــروح لصنـدوق الطــالـب

[Sweet Chocolate]

الله يوفقك ويعطيكي كل خييييير يارب تسلمي والله

[Sweet Chocolate]

تسلم Muaathوشكرا عالرد والله يعيييييييييننا على هالجامعه بس

[Abdullah0505]

أي 10 ريال البنت تقول 840 ماخوذ منها كثير