جديدة وضايعه وتايهه ومصدعه كمان ومو فاهمه شي

[BrOwN CanDyy]

السلاااام عليكم ورحمه الله وبركااته

كل عام وانتو بخير ومبروك عليكم رجوع الجامعه

محا اطول وراح اختصر الموضوع عليكم

انا خلصت السنه التحضيريه والحمدلله حطوني في الرغبه الاولى ليا ( اداره واقتصاد )

وكمان حطوني في التخصص الاول اللي اخترتو ( اداره عامه )

لكن اللي مافهمتوو وتنحت عندوو ( الجدول )

نزلولي بس ٥ ساعات وبس مادتين وحده عربي والتانيه ثقافه وكلها تبع المستوى التاني

ولمن جيت ابغا اتفنن واسوي اني فاهمه في الجدول جاني كدا

عزيزي المنتسب

إذا كان جدولك ناقص (عدد الساعات المسجلة لك اقل من الحد الآقصى المبين أدناه ) فقد يكون لأحد الأسباب التالية:
إذا كنت متخصص إدارة أعمال أو إدارة عامة, ربما تحتاج الى تحديد المسار,وذلك بمراسلة كلية الإقتصاد والإدارة.


يجب الإنتظار على الأقل (24) ساعة بعد تحديد التخصص أو المسار ,لكى يتم تحديث البيانات ,ثم ادخل على الحذف ولإضافة لتسجيل المواد


هياااا انا ايش فهمني وايش عرفني كيف احدد مساااري وكيف اراسل كليه الاقتصااد



والله دااايخه ومو فاااهمه شي


بليييز افيدوووني

[shereera]

اهلين brown candyy
انتي المفروض ينزلولك الجدول عادي على حسب خطتك <<< دا المفروض
وبعدين المسار ممكن تحدديه من تاني سمستر من نفس ال(ouds) من تحت على يدك الييمين
انتي جربي تحددي مسارك او استني شويتين يمكن ينلولك جدولك عادي وولو مانفع عاد الله يعينك عليهم لازم تروحي الجامعة
وبالتوفيق يارب

[فرح السنين]

انا ياقلبي زيك طلعلي كذا وخلاص والله تعبت مو قادره اتحمل كل هالضغط من فين وفين الاقيها
وماعندي مواد متاحه اقدر اضيفها مع انو خطتي موجوده مو عارفين فين المشكله

بس لازم تروحي السبت وتستفسري عن هالشي

[Visions]

يا اختي اذا انتي انتظام الموضوع هذا ما يعنيك شوفي ايش مكتوب فوق الكلام ..

(((عزيزي المنتسب)))))))

يعني الانتساب مو الانتظام

موفقه و دعواتك لي ^_^

[angel heart]

يب ترى بس كذا كلام

يعني لايهمك وحطي جدولك عادي

انا طلع لي زيك وسويت جدولي

وبالتوفيق^_^

[بنوتة عسل]

ايوا هذا الكلام للإنتساب فقط..

ماعليك منو والحقي عدلي جدولك

قبل ماتقفل الشعب *_^

[zozo123]

حتى انا شكيت في نفس الشي بس اكتشفت انه حق انتساب الله يوفقك

[فرح السنين]

طيب كيف تعدل جدولها اذا اصلا مافي مواد متاحه لها يعني هالصفحه اذا طلعتلكم ماتقدروا تستخدموا برنامج الحذف والاضافه انا كمان انتظام وفيه كثير من الطلبه نفس حالتنا تطلعلهم هالصفحه وهما انتظام مانعرف فين المشكله ومانقدر نعمل اصلا جدول او نتحكم في الجدول

[ديـمـانـه]

عادين ياحلوين الكلام هذا يطلع لكل المنتسبين للجامعه انتظام ولاانتساب بعدين لسا ع تحديد المسار انا لسا ماحددت مساري وطلع لي نفس الكلام اول شي تلخبطت بعدين نزلت تحت وشوفت المواد موجوده عادي وعملت جدولي :)

[BrOwN CanDyy]

اول شي مرره شوكرن كلكم على ردكم السريع

والله طمنتووني لما قولتوو انو للانتساب

طب بالنسبه لتحديد المسارات ... متى راح احدد المسار اللي ابغاه

وعادي دحين اعدل الجدول وادرس بدون تحديد مسار معين ولا كيف ؟؟